गोर बंजारा धर्मपीठ पोहरादेवी येथे गुरुपौर्णिमा महोत्सव उत्साहात संपन्न; हजारो भाविकांची उपस्थिती पोहरादेवी | प्रतिनिधी गोर बंजारा समाजाचे श्रद्धास्थान असलेल्या पोहरादेवी धर्मपीठ येथे गुरुपौर्णिमा महोत्सव मोठ्या भक्तिभाव आणि उत्साहात संपन्न झाला. या निमित्ताने देशभरातून आलेल्या हजारो भाविकांनी धर्मपीठात दर्शन घेऊन गुरूंचे आशीर्वाद घेतले. २७ जुलैपासून शेकडो पायदळ दिंड्यांचे पोहरादेवी येथे आगमन झाल्याने संपूर्ण परिसर भक्तिमय वातावरणाने भारावून गेला होता. महोत्सवादरम्यान श्री किसन भाऊ राठोड यांच्या मार्गदर्शनाखाली भाविकांसाठी महाप्रसाद व पिण्याच्या पाण्याची उत्कृष्ट व्यवस्था करण्यात आली होती. २८ जुलै रोजी प्रबोधनकार पंकज पाल महाराज व आकाश महाराज यांच्या सुश्राव्य भजनाने उपस्थित भाविक मंत्रमुग्ध झाले. २९ जुलै रोजी धर्मगुरू जितेंद्र महाराज यांच्या हस्ते पूज्य संत रामराव बापू यांच्या भोगविधीचा धार्मिक सोहळा संपन्न झाला. यावेळी महंत गोपाल महाराज (कर्नाटक), महंत रमेश महाराज (तेलंगणा), श्री श्री भिक्षू महाराज (हैदराबाद) यांच्यासह शेकडो साधू-संत उपस्थित होते. अनेक भाविकांनी धर्मगुरू जितेंद्र महाराज यांचे पूजन करून गुरुदीक्षा स्वीकारली. या सोहळ्यास पायदळ दिंडी समितीचे सदस्य व प्रा. विलास राठोड, श्री प्रकाश चव्हाण (विजापूर), श्री गणेश राठोड (घनसावंगी), श्री अर्जुन राठोड (परतूर) यांच्यासह विविध भागांतील मान्यवरांनी उपस्थिती लावली. महोत्सव सुरळीत पार पाडण्यासाठी प्रशासनानेही मोलाचे सहकार्य केले. तहसीलदार यांनी प्रत्यक्ष भेट देऊन व्यवस्थेची पाहणी केली, तर मानोरा पोलीस स्टेशनच्या ठाणेदार व त्यांच्या पथकाने चोख बंदोबस्त ठेवून भाविकांच्या सुरक्षिततेची प्रभावी काळजी घेतली. गुरुपौर्णिमा महोत्सवामुळे पोहरादेवी परिसरात भक्ती, श्रद्धा आणि सामाजिक ऐक्याचे वातावरण निर्माण झाले असून, भाविकांनी धर्मगुरूंचे आशीर्वाद घेत महोत्सवाची सांगता केली.

Kiran Mali

Local News Reporter धरणगाव, जळगाव, महाराष्ट्र•

17 hrs ago

गोर बंजारा धर्मपीठ पोहरादेवी येथे गुरुपौर्णिमा महोत्सव उत्साहात संपन्न; हजारो भाविकांची उपस्थिती पोहरादेवी | प्रतिनिधी गोर बंजारा समाजाचे श्रद्धास्थान असलेल्या पोहरादेवी धर्मपीठ येथे गुरुपौर्णिमा महोत्सव मोठ्या भक्तिभाव आणि उत्साहात संपन्न झाला. या निमित्ताने देशभरातून आलेल्या हजारो भाविकांनी धर्मपीठात दर्शन घेऊन गुरूंचे आशीर्वाद घेतले. २७ जुलैपासून शेकडो पायदळ दिंड्यांचे पोहरादेवी येथे आगमन झाल्याने संपूर्ण परिसर भक्तिमय वातावरणाने

भारावून गेला होता. महोत्सवादरम्यान श्री किसन भाऊ राठोड यांच्या मार्गदर्शनाखाली भाविकांसाठी महाप्रसाद व पिण्याच्या पाण्याची उत्कृष्ट व्यवस्था करण्यात आली होती. २८ जुलै रोजी प्रबोधनकार पंकज पाल महाराज व आकाश महाराज यांच्या सुश्राव्य भजनाने उपस्थित भाविक मंत्रमुग्ध झाले. २९ जुलै रोजी धर्मगुरू जितेंद्र महाराज यांच्या हस्ते पूज्य संत रामराव बापू यांच्या भोगविधीचा धार्मिक सोहळा संपन्न झाला. यावेळी

महंत गोपाल महाराज (कर्नाटक), महंत रमेश महाराज (तेलंगणा), श्री श्री भिक्षू महाराज (हैदराबाद) यांच्यासह शेकडो साधू-संत उपस्थित होते. अनेक भाविकांनी धर्मगुरू जितेंद्र महाराज यांचे पूजन करून गुरुदीक्षा स्वीकारली. या सोहळ्यास पायदळ दिंडी समितीचे सदस्य व प्रा. विलास राठोड, श्री प्रकाश चव्हाण (विजापूर), श्री गणेश राठोड (घनसावंगी), श्री अर्जुन राठोड (परतूर) यांच्यासह विविध भागांतील मान्यवरांनी उपस्थिती

लावली. महोत्सव सुरळीत पार पाडण्यासाठी प्रशासनानेही मोलाचे सहकार्य केले. तहसीलदार यांनी प्रत्यक्ष भेट देऊन व्यवस्थेची पाहणी केली, तर मानोरा पोलीस स्टेशनच्या ठाणेदार व त्यांच्या पथकाने चोख बंदोबस्त ठेवून भाविकांच्या सुरक्षिततेची प्रभावी काळजी घेतली. गुरुपौर्णिमा महोत्सवामुळे पोहरादेवी परिसरात भक्ती, श्रद्धा आणि सामाजिक ऐक्याचे वातावरण निर्माण झाले असून, भाविकांनी धर्मगुरूंचे आशीर्वाद घेत महोत्सवाची सांगता केली.