NEET ପ୍ରଶ୍ନପତ୍ର ପ୍ରଘଟ, CBSE ମୂଲ୍ୟାୟନ ବିଭ୍ରାଟ ଏବଂ ବିଭିନ୍ନ ପରୀକ୍ଷାରେ ବାରମ୍ବାର ଅନିୟମିତତା ଓ ଲିକ୍ ଘଟଣାକୁ ନେଇ ସାରା ଦେଶରେ ଛାତ୍ରଛାତ୍ରୀଙ୍କ ମଧ୍ୟରେ ତୀବ୍ର ଆକ୍ରୋଶ ଦେଖାଯାଇଛି। ଏହି ପରିପ୍ରେକ୍ଷୀରେ କଂଗ୍ରେସ ତଥା ବିରୋଧୀ ନେତା ରାହୁଳ ଗାନ୍ଧୀଙ୍କ 'ଛାତ୍ରୋଂକି ଗୁଞ୍ଜ' ଅଭିଯାନ ଆରମ୍ଭ ହୋଇଛି, ଯାହା ଅଧୀନରେ କଂଗ୍ରେସ ଦେଶବ୍ୟାପୀ ଛାତ୍ରଛାତ୍ରୀଙ୍କ ନିକଟକୁ ଯାଇ ସେମାନଙ୍କ ସମସ୍ୟା ବୁଝୁଛି। ଏହି ଅଭିଯାନ ମାଧ୍ୟମରେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରାଯାଇଛି। ଭୁବନେଶ୍ୱରର ଏମ୍ପାୟାର ହୋଟେଲରେ ଆୟୋଜିତ 'ଛାତ୍ରୋଂକି ଗୁଞ୍ଜ' ସାମ୍ବାଦିକ ସମ୍ମିଳନୀରେ ରାଜ୍ୟସଭା ସାଂସଦ ତଥା AICC ମିଡ଼ିଆ ବିଭାଗ ଅଧ୍ୟକ୍ଷ ପୱନ ଖେରା ଗଣମାଧ୍ୟମ ପ୍ରତିନିଧି ଏବଂ ଉପସ୍ଥିତ ଛାତ୍ରଛାତ୍ରୀ ତଥା ଯୁବକ ଯୁବତୀଙ୍କୁ ସମ୍ବୋଧିତ କରିଥିଲେ। ଶ୍ରୀ ଖେରା କହିଥିଲେ ଯେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ଦିଲ୍ଲୀସ୍ଥିତ ବିଳାସମୟ କୋଠାରେ ଯୋଗ ଦିବସ ପାଳନ କରି ରିଲ୍ସ ତିଆରିରେ ବ୍ୟସ୍ତ ରହୁଛନ୍ତି, ଯାହାକି ଜଣେ ଶିକ୍ଷାମନ୍ତ୍ରୀଙ୍କ କାମ ନୁହେଁ। ସେ ଅଭିଯୋଗ କରିଥିଲେ ଯେ ଏହି ସରକାର ଅମଳରେ ବିଗତ ୧୦ ବର୍ଷ ମଧ୍ୟରେ ୯୦ ଥର ପ୍ରଶ୍ନପତ୍ର ଲିକ୍ ହୋଇସାରିଛି, ଯାହା ୭ କୋଟି ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନ୍ଧକାରକୁ ଠେଲି ଦେଇଛି। ଶ୍ରୀ ଖେରା ପ୍ରଧାନମନ୍ତ୍ରୀଙ୍କ 'ପରୀକ୍ଷା ଚର୍ଚ୍ଚା'କୁ ମଧ୍ୟ ସମାଲୋଚନା କରି କହିଥିଲେ ଯେ ପ୍ରଧାନମନ୍ତ୍ରୀ ପରୀକ୍ଷା କିପରି କରାଯାଏ ଜାଣି ନ ଥିବା ବେଳେ ପରୀକ୍ଷା କିପରି ଦିଆଯାଏ, ସେ ନେଇ ଜ୍ଞାନ ଦେଉଛନ୍ତି। ଏହା ସହିତ ସେ ପ୍ରଧାନମନ୍ତ୍ରୀଙ୍କ ଡିଗ୍ରୀ ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଥିବା ଉଲ୍ଲେଖ କରିଥିଲେ। ରାହୁଳ ଗାନ୍ଧୀ ବହୁ ବର୍ଷ ଆଗରୁ କହି ଆସୁଛନ୍ତି ଯେ ପିଲାମାନଙ୍କ ଭବିଷ୍ୟତ ସହିତ ଖେଳିବା ବନ୍ଦ କରାଯାଉ, କିନ୍ତୁ ବର୍ତ୍ତମାନ 'NEET-ଲିକ୍-ରିପିଟ୍' ଏକ ପରମ୍ପରାରେ ପରିଣତ ହୋଇଛି। ସେ NEET ପରୀକ୍ଷା ଦେଉଥିବା ପିଲାମାନଙ୍କ ପରିବାର ଉପରେ କଣ ବିତୁଥିବ, ତାହା ଚିନ୍ତା କରିବାକୁ ଆହ୍ୱାନ ଦେଇଥିଲେ। ଯୁବପିଢ଼ିଙ୍କ ଭବିଷ୍ୟତ ପାଇଁ ସମସ୍ତ ରାଜନୈତିକ ଦଳ ଏକଜୁଟ ହେବାର ଆବଶ୍ୟକତା ରହିଛି ବୋଲି ସେ ଗୁରୁତ୍ୱାରୋପ କରିଥିଲେ।

NEWS MANORANJAN

ଭୁବନେଶ୍ୱର, ଖୋର୍ଦ୍ଧା, ଓଡ଼ିଶା•

1 hr ago

NEET ପ୍ରଶ୍ନପତ୍ର ପ୍ରଘଟ, CBSE ମୂଲ୍ୟାୟନ ବିଭ୍ରାଟ ଏବଂ ବିଭିନ୍ନ ପରୀକ୍ଷାରେ ବାରମ୍ବାର ଅନିୟମିତତା ଓ ଲିକ୍ ଘଟଣାକୁ ନେଇ ସାରା ଦେଶରେ ଛାତ୍ରଛାତ୍ରୀଙ୍କ ମଧ୍ୟରେ ତୀବ୍ର ଆକ୍ରୋଶ ଦେଖାଯାଇଛି। ଏହି ପରିପ୍ରେକ୍ଷୀରେ କଂଗ୍ରେସ ତଥା ବିରୋଧୀ ନେତା ରାହୁଳ ଗାନ୍ଧୀଙ୍କ 'ଛାତ୍ରୋଂକି ଗୁଞ୍ଜ' ଅଭିଯାନ ଆରମ୍ଭ ହୋଇଛି, ଯାହା ଅଧୀନରେ କଂଗ୍ରେସ ଦେଶବ୍ୟାପୀ ଛାତ୍ରଛାତ୍ରୀଙ୍କ ନିକଟକୁ ଯାଇ ସେମାନଙ୍କ ସମସ୍ୟା ବୁଝୁଛି। ଏହି ଅଭିଯାନ ମାଧ୍ୟମରେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରାଯାଇଛି। ଭୁବନେଶ୍ୱରର ଏମ୍ପାୟାର ହୋଟେଲରେ ଆୟୋଜିତ 'ଛାତ୍ରୋଂକି ଗୁଞ୍ଜ' ସାମ୍ବାଦିକ ସମ୍ମିଳନୀରେ ରାଜ୍ୟସଭା ସାଂସଦ ତଥା AICC ମିଡ଼ିଆ ବିଭାଗ ଅଧ୍ୟକ୍ଷ ପୱନ ଖେରା ଗଣମାଧ୍ୟମ ପ୍ରତିନିଧି ଏବଂ ଉପସ୍ଥିତ ଛାତ୍ରଛାତ୍ରୀ ତଥା ଯୁବକ ଯୁବତୀଙ୍କୁ ସମ୍ବୋଧିତ କରିଥିଲେ। ଶ୍ରୀ ଖେରା କହିଥିଲେ ଯେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ଦିଲ୍ଲୀସ୍ଥିତ ବିଳାସମୟ କୋଠାରେ ଯୋଗ ଦିବସ ପାଳନ କରି ରିଲ୍ସ ତିଆରିରେ ବ୍ୟସ୍ତ ରହୁଛନ୍ତି, ଯାହାକି ଜଣେ ଶିକ୍ଷାମନ୍ତ୍ରୀଙ୍କ କାମ ନୁହେଁ। ସେ ଅଭିଯୋଗ କରିଥିଲେ ଯେ ଏହି ସରକାର ଅମଳରେ ବିଗତ ୧୦ ବର୍ଷ ମଧ୍ୟରେ ୯୦ ଥର ପ୍ରଶ୍ନପତ୍ର ଲିକ୍ ହୋଇସାରିଛି, ଯାହା ୭ କୋଟି ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନ୍ଧକାରକୁ ଠେଲି ଦେଇଛି। ଶ୍ରୀ ଖେରା ପ୍ରଧାନମନ୍ତ୍ରୀଙ୍କ 'ପରୀକ୍ଷା ଚର୍ଚ୍ଚା'କୁ ମଧ୍ୟ ସମାଲୋଚନା କରି କହିଥିଲେ ଯେ ପ୍ରଧାନମନ୍ତ୍ରୀ ପରୀକ୍ଷା କିପରି କରାଯାଏ ଜାଣି ନ ଥିବା ବେଳେ ପରୀକ୍ଷା କିପରି ଦିଆଯାଏ, ସେ ନେଇ ଜ୍ଞାନ ଦେଉଛନ୍ତି। ଏହା ସହିତ ସେ ପ୍ରଧାନମନ୍ତ୍ରୀଙ୍କ ଡିଗ୍ରୀ ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଥିବା ଉଲ୍ଲେଖ କରିଥିଲେ। ରାହୁଳ ଗାନ୍ଧୀ ବହୁ ବର୍ଷ ଆଗରୁ କହି ଆସୁଛନ୍ତି ଯେ ପିଲାମାନଙ୍କ ଭବିଷ୍ୟତ ସହିତ ଖେଳିବା ବନ୍ଦ କରାଯାଉ, କିନ୍ତୁ ବର୍ତ୍ତମାନ 'NEET-ଲିକ୍-ରିପିଟ୍' ଏକ ପରମ୍ପରାରେ ପରିଣତ ହୋଇଛି। ସେ NEET ପରୀକ୍ଷା ଦେଉଥିବା ପିଲାମାନଙ୍କ ପରିବାର ଉପରେ କଣ ବିତୁଥିବ, ତାହା ଚିନ୍ତା କରିବାକୁ ଆହ୍ୱାନ ଦେଇଥିଲେ। ଯୁବପିଢ଼ିଙ୍କ ଭବିଷ୍ୟତ ପାଇଁ ସମସ୍ତ ରାଜନୈତିକ ଦଳ ଏକଜୁଟ ହେବାର ଆବଶ୍ୟକତା ରହିଛି ବୋଲି ସେ ଗୁରୁତ୍ୱାରୋପ କରିଥିଲେ।