Shuru
Apke Nagar Ki App…
కడప జిల్లా పెండ్లిమర్రి మండల పరిధిలోని నందిమండలం ప్రాథమిక ఆరోగ్య కేంద్రంలో శనివారం నాడు ప్రపంచ జనాభా దినోత్సవం సందర్భంగా డాక్టర్ చెన్నారెడ్డి గారి ఆధ్వర్యంలో అవగాహన ర్యాలీ నిర్వహించారు. ఈ సందర్భంగా ప్రజలకు జనాభా నియంత్రణపై అవగాహన కల్పించారు. "పిల్లల మధ్య సరైన ఎడం - ఆరోగ్య కరమైన కుటుంబానికి ఆధారం" అనే అంశంపై అవగాహన కల్పిస్తూ, అధిక జనాభా పెరుగుదల వల్ల కలిగే సమస్యలు, వనరుల కొరత, లింగ సమానత్వం మరియు కుటుంబ నియంత్రణ ప్రాముఖ్యతను వివరించారు. తాత్కాలిక గర్భ నిరోధక పద్ధతుల ద్వారా బిడ్డకు బిడ్డకు మధ్య సరైన దూరం పాటించి ఆరోగ్యకరమైన జీవనం గడపవచ్చని తెలిపారు. వివాహ వయస్సు గురించి వివరిస్తూ, ఆడవారు 21 సంవత్సరాలు, మగవారు 23 సంవత్సరాల వయస్సులో పెళ్లి చేసుకుంటే పుట్టే పిల్లలు ఆరోగ్యకరంగా ఉంటారని స్పష్టం చేశారు. ఈ కార్యక్రమంలో డాక్టర్ నిఖిలేశ్వరి గారు, హెల్త్ ఎడ్యుకేషన్ ఆఫీసర్ వెంగల్ రెడ్డిగారు, ఎంపీ హెచ్ ఇ ఓ రామ ప్రతాప్ గారు, సూపర్ వైజర్ రవీంద్రనాథ్, ఫార్మసీ ఆఫీసర్ నీరజ, స్టాఫ్ నర్స్ రాధా, సి హెచ్ ఓ టౌఫిక్ అలీ, ఫరూక్ అబ్దుల్లా, ఎల్ టి రేష్మా, హెల్త్ అసిస్టెంట్ వెంకట సుబ్బయ్య, ఏ ఎన్ ఎమ్ లు నీలావతి, రేవతి, యశోద, ఎఫ్ ఎన్ ఓ షాకీరా, ఆశాలు సారిక, సుబ్బలక్ష్మి, డీ. సుబ్బలక్ష్మి, హరిత, మేరమ్మ, మానస తదితరులు పాల్గొన్నారు.
అశోక్ కుమార్ రెడ్డి
కడప జిల్లా పెండ్లిమర్రి మండల పరిధిలోని నందిమండలం ప్రాథమిక ఆరోగ్య కేంద్రంలో శనివారం నాడు ప్రపంచ జనాభా దినోత్సవం సందర్భంగా డాక్టర్ చెన్నారెడ్డి గారి ఆధ్వర్యంలో అవగాహన ర్యాలీ నిర్వహించారు. ఈ సందర్భంగా ప్రజలకు జనాభా నియంత్రణపై అవగాహన కల్పించారు. "పిల్లల మధ్య సరైన ఎడం - ఆరోగ్య కరమైన కుటుంబానికి ఆధారం" అనే అంశంపై అవగాహన కల్పిస్తూ, అధిక జనాభా పెరుగుదల వల్ల కలిగే సమస్యలు, వనరుల కొరత, లింగ సమానత్వం మరియు కుటుంబ నియంత్రణ ప్రాముఖ్యతను వివరించారు. తాత్కాలిక గర్భ నిరోధక పద్ధతుల ద్వారా బిడ్డకు బిడ్డకు మధ్య సరైన దూరం పాటించి ఆరోగ్యకరమైన జీవనం గడపవచ్చని తెలిపారు. వివాహ వయస్సు గురించి వివరిస్తూ, ఆడవారు 21 సంవత్సరాలు, మగవారు 23 సంవత్సరాల వయస్సులో పెళ్లి చేసుకుంటే పుట్టే పిల్లలు ఆరోగ్యకరంగా ఉంటారని స్పష్టం చేశారు. ఈ కార్యక్రమంలో డాక్టర్ నిఖిలేశ్వరి గారు, హెల్త్ ఎడ్యుకేషన్ ఆఫీసర్ వెంగల్ రెడ్డిగారు, ఎంపీ హెచ్ ఇ ఓ రామ ప్రతాప్ గారు, సూపర్ వైజర్ రవీంద్రనాథ్, ఫార్మసీ ఆఫీసర్ నీరజ, స్టాఫ్ నర్స్ రాధా, సి హెచ్ ఓ టౌఫిక్ అలీ, ఫరూక్ అబ్దుల్లా, ఎల్ టి రేష్మా, హెల్త్ అసిస్టెంట్ వెంకట సుబ్బయ్య, ఏ ఎన్ ఎమ్ లు నీలావతి, రేవతి, యశోద, ఎఫ్ ఎన్ ఓ షాకీరా, ఆశాలు సారిక, సుబ్బలక్ష్మి, డీ. సుబ్బలక్ష్మి, హరిత, మేరమ్మ, మానస తదితరులు పాల్గొన్నారు.
More news from ఆంధ్రప్రదేశ్ and nearby areas
- కడప జిల్లాలో రైతులు ఎదుర్కొంటున్న వివిధ సమస్యలపై ప్రభుత్వం తక్షణమే స్పందించాలని రైతు సేవా సమితి జిల్లా అధ్యక్షులు ఏ.వి. రమణ డిమాండ్ చేశారు. సాగునీటి కొరత, విద్యుత్ ట్రాన్స్ఫార్మర్ల దొంగతనాలు, పంటలకు గిట్టుబాటు ధర లభించకపోవడం, అలాగే ఎరువులు మరియు విత్తనాల సరఫరాలో ఎదురవుతున్న ఇబ్బందులు రైతులను తీవ్రంగా వేధిస్తున్నాయని ఆయన ఆవేదన వ్యక్తం చేశారు. రైతుల ప్రయోజనాలను దృష్టిలో ఉంచుకుని ప్రభుత్వం వెంటనే స్పందించి, వ్యవసాయ రంగానికి అవసరమైన మౌలిక సదుపాయాలను కల్పించాలని ఆయన కోరారు. రైతుల సంక్షేమమే రాష్ట్ర అభివృద్ధికి అసలైన పునాది అని పేర్కొంటూ, ప్రభుత్వం రైతుల సమస్యలను ఏమాత్రం నిర్లక్ష్యం చేయకుండా వెంటనే పరిష్కరించాలని ఏ.వి. రమణ గట్టిగా డిమాండ్ చేశారు.1VEMULURIMALAKONDAIAH
- వైఎస్ఆర్ జిల్లా సిద్ధవటం గ్రామంలోని పురాతన శ్రీదేవి భూదేవి సమేత రంగనాథ స్వామి ఆలయానికి చెందిన విలువైన భూములు అన్యాక్రాంతమవుతున్నాయి. ఆలయంలో ఒకపక్క అభివృద్ధి పనులు జరుగుతున్నప్పటికీ, దేవాదాయ (ఎండోమెంట్) శాఖ సిబ్బంది తీవ్ర నిర్లక్ష్యం కారణంగా స్వామివారి మాన్యాలు కబ్జాదారుల చేతుల్లోకి వెళ్తున్నాయి. ఇప్పటికే పలు సర్వే నంబర్ల పరిధిలో ఎకరాల కొద్దీ భూమి కబ్జాకు గురైనట్లు స్పష్టమైన ఆధారాలు లభ్యమవుతున్నాయి. కబ్జాకు గురైన భూముల వివరాల ప్రకారం, శాఖరాజుపల్లిలోని సర్వే నంబర్ 261లో 2 ఎకరాలకు పైగా, నేకనాపురం పరిధిలోని సర్వే నంబర్ 177లో 1 ఎకరా 16 సెంట్లు, సర్వే నంబర్ 36లో 23 సెంట్లు భూమి ఆక్రమణకు గురయ్యాయి. అలాగే వంతాటిపల్లె పరిధిలో సర్వే నంబర్ 157లో 58 సెంట్లు, సర్వే నంబర్ 164లో 38 సెంట్లు, సర్వే నంబర్ 185లో 1 ఎకరా 80 సెంట్లు భూమి అన్యాక్రాంతమైంది. పేర్కొన్న వివరాలే కాకుండా, రంగనాథ స్వామి ఆలయానికి చెందిన మరికొన్ని భూములు కూడా కబ్జాదారుల చేతుల్లోనే ఉన్నట్లు సమాచారం.1Ponna Eswaraiah
- ఎమ్మిగనూరు పట్టణంలో ఏపీఆర్టీసీ ఎంప్లాయిస్ యూనియన్ (AITUC) 75వ ఆవిర్భావ దినోత్సవం ఘనంగా జరిగింది. ఈ సందర్భంగా నిర్వహించిన కార్యక్రమంలో యూనియన్ ప్రతినిధులు ఏపీఆర్టీసీ ఎంప్లాయిస్ యూనియన్ జెండాను ఆవిష్కరించారు.1G VENKATESH YADAV
- వైఎస్ఆర్ జిల్లా బద్వేల్ నియోజకవర్గ నూతన టీడీపీ ఇన్ఛార్జ్గా డీసీసీబీ ఛైర్మన్ మంచూరి సూర్యనారాయణరెడ్డికి సీఎం చంద్రబాబు బాధ్యతలు అప్పగించారు. ఈ నిర్ణయంతో సంతోషంలో మునిగిపోయిన ఆయన వర్గీయులు, అనుచరులు బద్వేల్ పట్టణంలోని నాలుగు రోడ్ల కూడలిలో బాణాసంచా పేలుస్తూ ఘనంగా సంబరాలు చేసుకుంటున్నారు. గతంలో ఈ నియోజకవర్గ ఇన్ఛార్జ్గా రితేశ్ రెడ్డి వ్యవహరించారు. ఇప్పుడు మంచూరి సూర్యనారాయణరెడ్డికి బాధ్యతలు అప్పగించడంతో ఆయన అనుచరులు బద్వేలులో పెద్ద ఎత్తున విజయోత్సవాలు జరుపుకుంటున్నారు.1LAKKU SIVA SANKAR reddy
- వైఎస్ఆర్ జిల్లా బద్వేల్ ప్రాంతంలో మిత్రులందరికీ 'ప్రైస్ ది లార్డ్' మరియు 'గాడ్ బ్లెస్స్ యు' అంటూ శుభాకాంక్షలు అందజేశారు. దేవుని కృప, సమాధానం ఎల్లప్పుడూ అందరికీ తోడై ఉండాలని ఆకాంక్షించారు. ఈ ఉదయపు వేళ దేవుని సన్నిధి ప్రతి ఒక్కరికీ లభించాలని కోరుకున్నారు.1T. Raja simha
- వైఎస్ఆర్ జిల్లా బద్వేలు నియోజకవర్గ తెలుగుదేశం పార్టీ ఇన్ఛార్జ్గా సూర్యనారాయణ రెడ్డి నియమితులయ్యారు. ఈ మేరకు టీడీపీ అధిష్టానం తీసుకున్న నిర్ణయాన్ని వెల్లడిస్తూ పార్టీ రాష్ట్ర అధ్యక్షుడు పల్లా శ్రీనివాసరావు అధికారిక ప్రకటన విడుదల చేశారు. సూర్యనారాయణ రెడ్డి నియామకంతో బద్వేలు ప్రాంతంలో ఒక్కసారిగా హర్షాతిరేకాలు వ్యక్తమయ్యాయి. ఈ నియామక వార్త తెలియగానే బద్వేలు టీడీపీ నాయకులు, కార్యకర్తలు, అభిమానులు మరియు స్థానిక ప్రజలు బద్వేలు నాలుగు రోడ్ల కూడలి వద్దకు భారీగా చేరుకున్నారు. అక్కడ వారు పెద్ద ఎత్తున టపాసులు పేలుస్తూ విజయోత్సవం జరుపుకున్నారు. సూర్యనారాయణ రెడ్డి నాయకత్వానికి జై కొడుతూ నినాదాలు చేస్తూ పార్టీ శ్రేణులు అక్కడ పెద్ద ఎత్తున సంబరాలు నిర్వహించాయి.4జీ.మౌలాలి.
- అన్నమయ్య జిల్లా ఎస్పీ శ్రీ ధీరజ్ కునుబిల్లి, ఐపీఎస్ గారి ఆదేశాలతో పోలీసులు అసాంఘిక శక్తులపై ముమ్మర దాడులు నిర్వహించారు. మదనపల్లెలోని ఒకటవ టౌన్ పరిధిలోని ఒక గోడౌన్పై నాలుగు ప్రత్యేక బృందాలు మెరుపుదాడి చేశాయి. ఈ దాడిలో యువతను నిర్వీర్యం చేస్తున్న కూల్ లిప్ సహా భారీగా నిషేధిత గుట్కాను పోలీసులు స్వాధీనం చేసుకున్నారు. అలాగే సంబేపల్లి పరిధిలో రెండు చోట్ల, పీలేరు పరిధిలో రెండు చోట్ల పేకాట శిబిరాలపై పోలీసులు దాడులు జరిపారు. మొత్తం నాలుగు పేకాట శిబిరాల నుంచి 28 మందిని అరెస్ట్ చేసి, వారి వద్ద నుంచి రూ.80,690 నగదును స్వాధీనం చేసుకున్నారు. యువత భవిష్యత్తుతో చెలగాటమాడుతూ మత్తు పదార్థాలు విక్రయించినా, పేకాట తదితర జూదాలకు పాల్పడినా చట్టపరంగా కఠిన చర్యలు తప్పవని ఎస్పీ గారు హెచ్చరించారు.1SK masthan saheb
- అంగన్వాడీ వర్కర్లు, హెల్పర్లకు కనీస వేతనం రూ.26 వేలుగా అమలు చేయాలని, గ్రాట్యూటీ చెల్లించాలని, నవచేతన యాప్ను రద్దు చేయాలని డిమాండ్ చేస్తూ తిరుపతి జిల్లా కలెక్టరేట్ ఎదుట అంగన్వాడీలు భారీ ధర్నా నిర్వహించారు. అంగన్వాడీల జాతీయ కోర్కెల దినోత్సవం సందర్భంగా జరిగిన ఈ ఆందోళనలో జిల్లాలోని 13 ప్రాజెక్టులకు చెందిన వేలాది మంది కార్యకర్తలు, హెల్పర్లు పాల్గొన్నారు. ఈ ధర్నా కార్యక్రమంలో సీఐటీయూ రాష్ట్ర ఉపాధ్యక్షుడు కందారపు మురళి, అంగన్వాడీ యూనియన్ జిల్లా అధ్యక్షురాలు పద్మలీల, ప్రధాన కార్యదర్శి ఎస్. వాణిశ్రీతో పాటు సీఐటీయూ జిల్లా నాయకులు పాల్గొని ప్రసంగించారు. అంగన్వాడీలను కార్మికులుగా గుర్తించి కార్మిక చట్టాలను అమలు చేయాలని, ఎన్నికల ముందు ఇచ్చిన హామీలను ప్రభుత్వం వెంటనే నెరవేర్చాలని వారు డిమాండ్ చేశారు. అలాగే సంక్షేమ పథకాలను అంగన్వాడీలకు వర్తింపజేయడం, వంట గ్యాస్ సిలిండర్లను ఉచితంగా అందించడం, పక్కా భవనాలు నిర్మించడం వంటి డిమాండ్లను ప్రభుత్వం పరిశీలించాలని కోరారు. ధర్నా సందర్భంగా కొంతసేపు పోలీసులకు, ఆందోళనకారులకు మధ్య వాగ్వివాదం చోటుచేసుకుంది. అనంతరం అధికారులు యూనియన్ నాయకులతో చర్చలు జరిపి, వారి వినతిపత్రాన్ని స్వీకరించి రాష్ట్ర ప్రభుత్వానికి పంపిస్తామని హామీ ఇవ్వడంతో అంగన్వాడీలు తమ ఆందోళనను విరమించారు.3VEMULURIMALAKONDAIAH
