మే 31న మంచిర్యాల జిల్లాలోని జన్నారం మండల కేంద్రం చింతగూడ గ్రామంలో వెలసిన శ్రీ లక్ష్మీదేవి ఆలయంలో ఓ అర్చకుడు ప్రభుత్వానికి వెళ్లాల్సిన సొమ్మును అక్రమంగా కాజేస్తున్నాడని ప్రజలు ఆరోపిస్తున్నారు. ప్రతి ఆదివారం, శుక్రవారం వేలాది మంది భక్తులు ఈ ఆలయానికి వచ్చి మొక్కులు తీర్చుకుని హుండీలో కానుకలు వేస్తుంటారు. అయితే, ఆలయంలో అర్చకునిగా పనిచేస్తున్న వ్యక్తి హుండీలో వేయాల్సిన డబ్బులను తన చేతిలో ఉన్న మంగళహారతిలో వేయించుకుంటూ, వారానికి దాదాపు ₹10 వేల నుండి ₹20 వేల వరకు ప్రభుత్వానికి రావాల్సిన ఆదాయాన్ని అపహరిస్తున్నాడని సమాచారం. ఈ వ్యవహారంపై శ్రీ లక్ష్మీదేవి ఆలయ ఈవోకు, అర్చకుడికి మధ్య ఏదో చేతివాటం ఉందేమోనని ప్రజలు తీవ్ర అనుమానాలు వ్యక్తం చేస్తున్నారు. ఇంత జరుగుతున్నా ఆలయ కమిటీ అధికారులు ఎందుకు పట్టించుకోవడం లేదని గ్రామస్తులు నిలదీస్తున్నారు. ఒక అర్చకుడు ఇంత పెద్ద మొత్తంలో డబ్బులు తీసుకెళ్తే ప్రభుత్వానికి వచ్చే ఆదాయం భారీగా తగ్గుతుందని ఆందోళన చెందుతున్నారు. దీనిపై మంచిర్యాల జిల్లా కలెక్టర్ మరియు ఉన్నతాధికారులు తక్షణమే చర్యలు తీసుకోవాలని, అర్చకుడిని తొలగించి మరొకరిని నియమించాలని, తద్వారా ప్రభుత్వ ఆదాయం దోపిడీకి గురికాకుండా చూడాలని జన్నారం మండలంలోని వివిధ గ్రామాల ప్రజలు డిమాండ్ చేస్తున్నారు. ఈ అక్రమాలకు పాల్పడుతున్న అర్చకుడు మరియు పట్టించుకోని అధికారుల తీరుపై ప్రజల్లో తీవ్ర ఆగ్రహం వ్యక్తమవుతోంది.

కండ్లే శ్రావణ్ కుమార్

మంచిర్యాల, మంచిర్యాల, తెలంగాణ•

2 hrs ago

మే 31న మంచిర్యాల జిల్లాలోని జన్నారం మండల కేంద్రం చింతగూడ గ్రామంలో వెలసిన శ్రీ లక్ష్మీదేవి ఆలయంలో ఓ అర్చకుడు ప్రభుత్వానికి వెళ్లాల్సిన సొమ్మును అక్రమంగా కాజేస్తున్నాడని ప్రజలు ఆరోపిస్తున్నారు. ప్రతి ఆదివారం, శుక్రవారం వేలాది మంది భక్తులు ఈ ఆలయానికి వచ్చి మొక్కులు తీర్చుకుని హుండీలో కానుకలు వేస్తుంటారు. అయితే, ఆలయంలో అర్చకునిగా పనిచేస్తున్న వ్యక్తి హుండీలో వేయాల్సిన డబ్బులను తన చేతిలో ఉన్న మంగళహారతిలో వేయించుకుంటూ, వారానికి దాదాపు ₹10 వేల నుండి ₹20 వేల వరకు ప్రభుత్వానికి రావాల్సిన ఆదాయాన్ని అపహరిస్తున్నాడని సమాచారం. ఈ వ్యవహారంపై శ్రీ లక్ష్మీదేవి ఆలయ ఈవోకు, అర్చకుడికి మధ్య ఏదో చేతివాటం ఉందేమోనని ప్రజలు తీవ్ర అనుమానాలు వ్యక్తం చేస్తున్నారు. ఇంత జరుగుతున్నా ఆలయ కమిటీ అధికారులు ఎందుకు పట్టించుకోవడం లేదని గ్రామస్తులు నిలదీస్తున్నారు. ఒక అర్చకుడు ఇంత పెద్ద మొత్తంలో డబ్బులు తీసుకెళ్తే ప్రభుత్వానికి వచ్చే ఆదాయం భారీగా తగ్గుతుందని ఆందోళన చెందుతున్నారు. దీనిపై మంచిర్యాల జిల్లా కలెక్టర్ మరియు ఉన్నతాధికారులు తక్షణమే చర్యలు తీసుకోవాలని, అర్చకుడిని తొలగించి మరొకరిని నియమించాలని, తద్వారా ప్రభుత్వ ఆదాయం దోపిడీకి గురికాకుండా చూడాలని జన్నారం మండలంలోని వివిధ గ్రామాల ప్రజలు డిమాండ్ చేస్తున్నారు. ఈ అక్రమాలకు పాల్పడుతున్న అర్చకుడు మరియు పట్టించుకోని అధికారుల తీరుపై ప్రజల్లో తీవ్ర ఆగ్రహం వ్యక్తమవుతోంది.