लातूरमध्ये २१ जून रोजी भारतरत्न डॉ. बाबासाहेब आंबेडकर पार्क येथे जागतिक योग दिनानिमित्त विशेष योगाभ्यास कार्यक्रमाचे उत्साहात आयोजन करण्यात आले. या प्रसंगी जिल्हाधिकारी डॉ. भारत बास्टेवाड यांनी भारतीय संस्कृतीचा अमूल्य ठेवा असलेल्या योगाचे महत्त्व अधोरेखित करत, निरोगी आरोग्यासाठी प्रत्येकाने दैनंदिन जीवनात योगाचा अंगीकार करावा असे आवाहन केले. या कार्यक्रमाला लातूरकरांनी उत्स्फूर्त प्रतिसाद दिला. जिल्हा प्रशासन, लातूर शहर महानगरपालिका, पतंजली योग समिती आणि प्रजापिता ब्रह्मकुमारी संस्था यांच्या संयुक्त विद्यमाने आयोजित या कार्यक्रमाची सुरुवात मान्यवरांच्या हस्ते दीपप्रज्वलनाने झाली. लातूर शहर महानगरपालिकेच्या महापौर जयश्री सोनकांबळे आणि जिल्हा पोलीस अधीक्षक अमोल तांबे यांचीही प्रमुख उपस्थिती होती. जगातील सुमारे १७० देशांनी योगाचे महत्त्व ओळखून त्याचा स्वीकार केला असल्याने २१ जून हा दिवस आंतरराष्ट्रीय स्तरावर साजरा केला जातो, असे जिल्हाधिकारी डॉ. बास्टेवाड यांनी नमूद केले. त्यांनी शारीरिक आणि मानसिक आरोग्यासाठी दररोज किमान एक तास योगाभ्यास करण्याचे आवाहन केले. तसेच, आरोग्यासोबतच पर्यावरणाचा समतोल राखण्यासाठी प्रत्येक नागरिकाने किमान एक झाड लावून त्याचे संवर्धन करावे अशी विनंतीही केली. या विशेष कार्यक्रमात योग शिक्षक विष्णू भुतडा यांच्या मार्गदर्शनाखाली उपस्थितांनी विविध योगासने आणि प्राणायाम केले, जे केंद्र सरकारच्या आयुष मंत्रालयाने निश्चित केलेल्या योग शिष्टाचारानुसार सादर करण्यात आले. कार्यक्रमाला जिल्हा क्रीडा अधिकारी महादेव कसगावडे, जिल्हा आयुष अधिकारी डॉ. सुधीर बनशेळकीकर, श्रुष्टी जगताप तसेच पतंजली योग समिती आणि प्रजापिता ब्रह्मकुमारी संस्थेचे पदाधिकारी, शासकीय अधिकारी, कर्मचारी आणि मारवाडी राजस्थान माध्यमिक विद्यालय, बंकटलाल लाहोटी इंग्लिश स्कूल, राजा नारायणलाल लाहोटी इंग्लिश स्कूल, देशिकेंद्र माध्यमिक विद्यालय आणि राजमाता जिजामाता माध्यमिक विद्यालयाचे विद्यार्थी मोठ्या संख्येने उपस्थित होते. कार्यक्रमाच्या सुरुवातीला जिल्हा आयुष अधिकारी डॉ. सुधीर बनशेळकीकर यांनी प्रास्ताविक करताना सांगितले की, जागतिक योग दिनानिमित्त जिल्ह्यातील सर्व शासकीय कार्यालये, शाळा आणि महाविद्यालयांमध्येही विविध विशेष कार्यक्रमांचे व योगाभ्यास सत्रांचे आयोजन करण्यात आले होते.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

1 hr ago

लातूरमध्ये २१ जून रोजी भारतरत्न डॉ. बाबासाहेब आंबेडकर पार्क येथे जागतिक योग दिनानिमित्त विशेष योगाभ्यास कार्यक्रमाचे उत्साहात आयोजन करण्यात आले. या प्रसंगी जिल्हाधिकारी डॉ. भारत बास्टेवाड यांनी भारतीय संस्कृतीचा अमूल्य ठेवा असलेल्या योगाचे महत्त्व अधोरेखित करत, निरोगी आरोग्यासाठी प्रत्येकाने दैनंदिन जीवनात योगाचा अंगीकार करावा असे आवाहन केले. या कार्यक्रमाला लातूरकरांनी उत्स्फूर्त प्रतिसाद दिला. जिल्हा प्रशासन, लातूर शहर महानगरपालिका, पतंजली योग समिती आणि प्रजापिता ब्रह्मकुमारी संस्था यांच्या संयुक्त विद्यमाने आयोजित या कार्यक्रमाची सुरुवात मान्यवरांच्या हस्ते दीपप्रज्वलनाने झाली. लातूर शहर महानगरपालिकेच्या महापौर जयश्री सोनकांबळे आणि जिल्हा पोलीस अधीक्षक अमोल तांबे यांचीही प्रमुख उपस्थिती होती. जगातील सुमारे १७० देशांनी योगाचे महत्त्व ओळखून त्याचा स्वीकार केला असल्याने २१ जून हा दिवस आंतरराष्ट्रीय स्तरावर साजरा केला जातो, असे जिल्हाधिकारी डॉ. बास्टेवाड यांनी नमूद केले. त्यांनी शारीरिक आणि मानसिक आरोग्यासाठी दररोज किमान एक तास योगाभ्यास करण्याचे आवाहन केले. तसेच, आरोग्यासोबतच पर्यावरणाचा समतोल राखण्यासाठी प्रत्येक नागरिकाने किमान एक झाड लावून त्याचे संवर्धन करावे अशी विनंतीही केली. या विशेष कार्यक्रमात योग शिक्षक विष्णू भुतडा यांच्या मार्गदर्शनाखाली उपस्थितांनी विविध योगासने आणि प्राणायाम केले, जे केंद्र सरकारच्या आयुष मंत्रालयाने निश्चित केलेल्या योग शिष्टाचारानुसार सादर करण्यात आले. कार्यक्रमाला जिल्हा क्रीडा अधिकारी महादेव कसगावडे, जिल्हा आयुष अधिकारी डॉ. सुधीर बनशेळकीकर, श्रुष्टी जगताप तसेच पतंजली योग समिती आणि प्रजापिता ब्रह्मकुमारी संस्थेचे पदाधिकारी, शासकीय अधिकारी, कर्मचारी आणि मारवाडी राजस्थान माध्यमिक विद्यालय, बंकटलाल लाहोटी इंग्लिश स्कूल, राजा नारायणलाल लाहोटी इंग्लिश स्कूल, देशिकेंद्र माध्यमिक विद्यालय आणि राजमाता जिजामाता माध्यमिक विद्यालयाचे विद्यार्थी मोठ्या संख्येने उपस्थित होते. कार्यक्रमाच्या सुरुवातीला जिल्हा आयुष अधिकारी डॉ. सुधीर बनशेळकीकर यांनी प्रास्ताविक करताना सांगितले की, जागतिक योग दिनानिमित्त जिल्ह्यातील सर्व शासकीय कार्यालये, शाळा आणि महाविद्यालयांमध्येही विविध विशेष कार्यक्रमांचे व योगाभ्यास सत्रांचे आयोजन करण्यात आले होते.