मातृदिनी एचएआरसी संस्थेकडून निराधार मातेला स्वावलंबनाची भेट; शेळी-करडू देत दिला जगण्याला नवा आधार सेलू (प्रतिनिधी):- आंतरराष्ट्रीय मातृदिनानिमित्त रविवारी (दि.१०) एचएआरसी संस्थेच्या वतीने एक हृदयस्पर्शी सामाजिक उपक्रम राबविण्यात आला. सेलू तालुक्यातील कुंडी येथील निराधार विधवा माता वंदना बालासाहेब अंभोरे यांना उदरनिर्वाहासाठी एक शेळी व एक करडू भेट देत त्यांच्या आयुष्याला स्वावलंबनाची नवी दिशा देण्यात आली. या मदतीमुळे त्यांच्या कुटुंबाच्या उदरनिर्वाहास हातभार लागणार असून मुलांच्या शिक्षणालाही आधार मिळणार आहे. पतीच्या निधनानंतर दोन लहान मुलांसह अत्यंत हलाखीच्या परिस्थितीत जीवन जगणाऱ्या वंदना अंभोरे या मोलमजुरी करून संसाराचा गाडा ओढत आहेत. आर्थिक परिस्थिती बिकट असल्याने मुलांचे शिक्षण, दैनंदिन खर्च आणि कुटुंबाचा सांभाळ करणे त्यांच्यासाठी मोठे आव्हान ठरत होते. अशा कठीण परिस्थितीची माहिती कुंडी जिल्हा परिषद शाळेचे मुख्याध्यापक रामराव गायकवाड यांनी होमिओपॅथिक अकॅडमी ऑफ रिसर्च अँड चॅरिटिज (एचएआरसी) संस्थेकडे दिली. त्यानंतर संस्थेने तातडीने मदतीचा हात पुढे करत मातृदिनाच्या निमित्ताने हा सामाजिक उपक्रम साकारला. यावेळी संस्थेचे अध्यक्ष डॉ. पवन चांडक, मुख्याध्यापक रामराव गायकवाड तसेच शरद ठाकर उपस्थित होते. या उपक्रमासाठी हार्दिक ठाकर, अंबरेश्वर राठी, आलोक जोशी, विनोद भाला, राम गायकवाड, संतोष बारबिंडे आणि प्रा. डी. व्ही. दिकीत यांनी आर्थिक सहकार्य केले. महिलांच्या आर्थिक सक्षमीकरणासाठी एचएआरसी संस्था सातत्याने कार्यरत असून आजवर संस्थेच्या माध्यमातून ९२ निराधार, विधवा व गरजू महिलांना शिलाई मशीन, पिठाच्या गिरण्या, शेळी-करडू तसेच विविध उदरनिर्वाहाची साधने उपलब्ध करून देण्यात आली आहेत. या उपक्रमांमुळे अनेक महिलांना स्वाभिमानाने जगण्याचा नवा मार्ग मिळाला असून त्यांच्या कुटुंबांना आधाराची मजबूत साथ लाभत आहे.

Kapil Ashokrao Shinde

मानवत, परभणी, महाराष्ट्र•

5 hrs ago

मातृदिनी एचएआरसी संस्थेकडून निराधार मातेला स्वावलंबनाची भेट; शेळी-करडू देत दिला जगण्याला नवा आधार सेलू (प्रतिनिधी):- आंतरराष्ट्रीय मातृदिनानिमित्त रविवारी (दि.१०) एचएआरसी संस्थेच्या वतीने एक हृदयस्पर्शी सामाजिक उपक्रम राबविण्यात आला. सेलू तालुक्यातील कुंडी येथील निराधार विधवा माता वंदना बालासाहेब अंभोरे यांना उदरनिर्वाहासाठी एक शेळी व एक करडू भेट देत त्यांच्या आयुष्याला स्वावलंबनाची नवी दिशा देण्यात आली. या मदतीमुळे त्यांच्या कुटुंबाच्या उदरनिर्वाहास हातभार लागणार असून मुलांच्या शिक्षणालाही आधार मिळणार आहे. पतीच्या निधनानंतर दोन लहान मुलांसह अत्यंत हलाखीच्या परिस्थितीत जीवन जगणाऱ्या वंदना अंभोरे या मोलमजुरी करून संसाराचा गाडा ओढत आहेत. आर्थिक परिस्थिती बिकट असल्याने मुलांचे शिक्षण, दैनंदिन खर्च आणि कुटुंबाचा सांभाळ करणे त्यांच्यासाठी मोठे आव्हान ठरत होते. अशा कठीण परिस्थितीची माहिती कुंडी जिल्हा परिषद शाळेचे मुख्याध्यापक रामराव गायकवाड यांनी होमिओपॅथिक अकॅडमी ऑफ रिसर्च अँड चॅरिटिज (एचएआरसी) संस्थेकडे दिली. त्यानंतर संस्थेने तातडीने मदतीचा हात पुढे करत मातृदिनाच्या निमित्ताने हा सामाजिक उपक्रम साकारला. यावेळी संस्थेचे अध्यक्ष डॉ. पवन चांडक, मुख्याध्यापक रामराव गायकवाड तसेच शरद ठाकर उपस्थित होते. या उपक्रमासाठी हार्दिक ठाकर, अंबरेश्वर राठी, आलोक जोशी, विनोद भाला, राम गायकवाड, संतोष बारबिंडे आणि प्रा. डी. व्ही. दिकीत यांनी आर्थिक सहकार्य केले. महिलांच्या आर्थिक सक्षमीकरणासाठी एचएआरसी संस्था सातत्याने कार्यरत असून आजवर संस्थेच्या माध्यमातून ९२ निराधार, विधवा व गरजू महिलांना शिलाई मशीन, पिठाच्या गिरण्या, शेळी-करडू तसेच विविध उदरनिर्वाहाची साधने उपलब्ध करून देण्यात आली आहेत. या उपक्रमांमुळे अनेक महिलांना स्वाभिमानाने जगण्याचा नवा मार्ग मिळाला असून त्यांच्या कुटुंबांना आधाराची मजबूत साथ लाभत आहे.