గోవాడ షుగర్స్‌ బకాయిలు వెంటనే చెల్లించాలి వ్యవసాయ సంక్షోభంలో కరువు సహాయక చర్యలు చేపట్టాలి: వ్యకాస గోవాడ షుగర్ ఫ్యాక్టరీ చెరుకు రైతులు, కార్మికులకు ప్రభుత్వం చెల్లించాల్సిన రూ.38 కోట్ల బకాయిలను తక్షణమే చెల్లించి, సంక్షోభంలో ఉన్న రైతాంగాన్ని ఆదుకోవాలని ఆంధ్రప్రదేశ్ వ్యవసాయ కార్మిక సంఘం రాష్ట్ర ఉపాధ్యక్షుడు డి.వెంకన్న డిమాండ్ చేశారు. ఈ మేరకు గురువారం ఆయన ప్రకటన విడుదల చేశారు. గోవాడ షుగర్స్‌పై చోడవరం, మాడుగుల, నర్సీపట్నం నియోజకవర్గాలకు చెందిన సుమారు 2.5 లక్షల మంది ప్రత్యక్షంగా, పరోక్షంగా ఆధారపడి జీవిస్తున్నారని తెలిపారు. ఫ్యాక్టరీ మూతపడటంతో ఈ ప్రాంత రైతులు చెరుకు సాగుకు దూరమయ్యే పరిస్థితి ఏర్పడిందన్నారు. గత ఏడాది చెరుకు పంటను ఫ్యాక్టరీకి తరలించినా ఇప్పటికీ బకాయిలు అందక రైతులు అప్పుల ఊబిలో కూరుకుపోయారని ఆవేదన వ్యక్తం చేశారు. బకాయిల చెల్లింపుల కోసం సంక్రాంతి సందర్భంగా రైతులు 23 రోజులపాటు అఖిలపక్ష రైతు సంఘాల ఆధ్వర్యంలో నిరాహార దీక్షలు చేపట్టారని గుర్తుచేశారు. అప్పట్లో ఎమ్మెల్యేలు ఇచ్చిన హామీలు అమలుకు నోచుకోలేదని విమర్శించారు. ప్రస్తుత వ్యవసాయ సంక్షోభం దృష్ట్యా అనకాపల్లి జిల్లాలో కరువు సహాయక చర్యలు చేపట్టి రైతులు, వ్యవసాయ కార్మికులను ఆదుకోవాలని వెంకన్న కోరారు.

NANI

అనకాపల్లి, అనకాపల్లి, ఆంధ్రప్రదేశ్•

40 min ago

గోవాడ షుగర్స్‌ బకాయిలు వెంటనే చెల్లించాలి వ్యవసాయ సంక్షోభంలో కరువు సహాయక చర్యలు చేపట్టాలి: వ్యకాస గోవాడ షుగర్ ఫ్యాక్టరీ చెరుకు రైతులు, కార్మికులకు ప్రభుత్వం చెల్లించాల్సిన రూ.38 కోట్ల బకాయిలను తక్షణమే చెల్లించి, సంక్షోభంలో ఉన్న రైతాంగాన్ని ఆదుకోవాలని ఆంధ్రప్రదేశ్ వ్యవసాయ కార్మిక సంఘం రాష్ట్ర ఉపాధ్యక్షుడు డి.వెంకన్న డిమాండ్ చేశారు. ఈ మేరకు గురువారం ఆయన ప్రకటన విడుదల చేశారు. గోవాడ షుగర్స్‌పై చోడవరం, మాడుగుల, నర్సీపట్నం నియోజకవర్గాలకు చెందిన సుమారు 2.5 లక్షల మంది ప్రత్యక్షంగా, పరోక్షంగా ఆధారపడి జీవిస్తున్నారని తెలిపారు. ఫ్యాక్టరీ మూతపడటంతో ఈ ప్రాంత రైతులు చెరుకు సాగుకు దూరమయ్యే పరిస్థితి ఏర్పడిందన్నారు. గత ఏడాది చెరుకు పంటను ఫ్యాక్టరీకి తరలించినా ఇప్పటికీ బకాయిలు అందక రైతులు అప్పుల ఊబిలో కూరుకుపోయారని ఆవేదన వ్యక్తం చేశారు. బకాయిల చెల్లింపుల కోసం సంక్రాంతి సందర్భంగా రైతులు 23 రోజులపాటు అఖిలపక్ష రైతు సంఘాల ఆధ్వర్యంలో నిరాహార దీక్షలు చేపట్టారని గుర్తుచేశారు. అప్పట్లో ఎమ్మెల్యేలు ఇచ్చిన హామీలు అమలుకు నోచుకోలేదని విమర్శించారు. ప్రస్తుత వ్యవసాయ సంక్షోభం దృష్ట్యా అనకాపల్లి జిల్లాలో కరువు సహాయక చర్యలు చేపట్టి రైతులు, వ్యవసాయ కార్మికులను ఆదుకోవాలని వెంకన్న కోరారు.