ചേർത്തല തെക്ക് പഞ്ചായത്തിലെ പ്രധാന കേന്ദ്രമായ അരീപ്പറമ്പിൽ തെരുവുനായ ശല്യം അതിരൂക്ഷമായി തുടരുന്നു. അരീപ്പറമ്പ് ഷാപ്പുകവല മുതൽ സുകൃതം കൺവൻഷൻ സെന്റർ വരെയുള്ള ഭാഗങ്ങളും ചേർത്തല തെക്ക് ഗവ. ഹയർ സെക്കൻഡറി സ്കൂൾ പരിസരവുമാണ് നായ്ക്കളുടെ പ്രധാന താവളമായി മാറിയിരിക്കുന്നത്. ഏകദേശം അമ്പതോളം നായ്ക്കളാണ് ഈ പ്രദേശങ്ങളിൽ കൂട്ടമായി തമ്പടിച്ചിരിക്കുന്നത്. പ്രത്യേകിച്ച് രാത്രികാലങ്ങളിൽ ഈ നായക്കൂട്ടം ആക്രമണകാരികളാകുന്നതായി നാട്ടുകാർ ചൂണ്ടിക്കാട്ടുന്നു. കാറുകൾ ഉൾപ്പെടെയുള്ള വാഹനങ്ങൾക്ക് പിന്നാലെ ഉച്ചത്തിൽ കുരച്ചുകൊണ്ട് കൂട്ടത്തോടെ ഓടുന്നത് പതിവായതോടെ ഡ്രൈവർമാർ ഭയത്തോടെയാണ് ഈ വഴി കടന്നുപോകുന്നത്. മറ്റ് സ്ഥലങ്ങളിൽ നിന്ന് പിടികൂടി എബിസി കേന്ദ്രത്തിൽ വന്ധ്യംകരണം നടത്തിയ ശേഷം നായ്ക്കളെ അരീപ്പറമ്പിൽ തന്നെ ഇറക്കിവിടുന്നതാണ് എണ്ണം വർധിക്കാൻ കാരണമെന്നാണ് നാട്ടുകാരുടെ ആക്ഷേപം. സ്കൂളിലേക്ക് പോകുന്ന വിദ്യാർഥികൾ വലിയ ഭയത്തോടെയാണ് ഈ പാതയിലൂടെ സഞ്ചരിക്കുന്നത്. ഈ സാഹചര്യം കണക്കിലെടുത്ത് നായശല്യം ഒഴിവാക്കാൻ അടിയന്തരമായി പഞ്ചായത്ത് അധികൃതർ നടപടി സ്വീകരിക്കണമെന്നാണ് നാട്ടുകാരുടെ ശക്തമായ ആവശ്യം.

Sabu Cherthala

ചേർത്തല, ആലപ്പുഴ, കേരളം•

12 hrs ago

ചേർത്തല തെക്ക് പഞ്ചായത്തിലെ പ്രധാന കേന്ദ്രമായ അരീപ്പറമ്പിൽ തെരുവുനായ ശല്യം അതിരൂക്ഷമായി തുടരുന്നു. അരീപ്പറമ്പ് ഷാപ്പുകവല മുതൽ സുകൃതം കൺവൻഷൻ സെന്റർ വരെയുള്ള ഭാഗങ്ങളും ചേർത്തല തെക്ക് ഗവ. ഹയർ സെക്കൻഡറി സ്കൂൾ പരിസരവുമാണ് നായ്ക്കളുടെ പ്രധാന താവളമായി മാറിയിരിക്കുന്നത്. ഏകദേശം അമ്പതോളം നായ്ക്കളാണ് ഈ പ്രദേശങ്ങളിൽ കൂട്ടമായി തമ്പടിച്ചിരിക്കുന്നത്. പ്രത്യേകിച്ച് രാത്രികാലങ്ങളിൽ ഈ നായക്കൂട്ടം ആക്രമണകാരികളാകുന്നതായി നാട്ടുകാർ ചൂണ്ടിക്കാട്ടുന്നു. കാറുകൾ ഉൾപ്പെടെയുള്ള വാഹനങ്ങൾക്ക് പിന്നാലെ ഉച്ചത്തിൽ കുരച്ചുകൊണ്ട് കൂട്ടത്തോടെ ഓടുന്നത് പതിവായതോടെ ഡ്രൈവർമാർ ഭയത്തോടെയാണ് ഈ വഴി കടന്നുപോകുന്നത്. മറ്റ് സ്ഥലങ്ങളിൽ നിന്ന് പിടികൂടി എബിസി കേന്ദ്രത്തിൽ വന്ധ്യംകരണം നടത്തിയ ശേഷം നായ്ക്കളെ അരീപ്പറമ്പിൽ തന്നെ ഇറക്കിവിടുന്നതാണ് എണ്ണം വർധിക്കാൻ കാരണമെന്നാണ് നാട്ടുകാരുടെ ആക്ഷേപം. സ്കൂളിലേക്ക് പോകുന്ന വിദ്യാർഥികൾ വലിയ ഭയത്തോടെയാണ് ഈ പാതയിലൂടെ സഞ്ചരിക്കുന്നത്. ഈ സാഹചര്യം കണക്കിലെടുത്ത് നായശല്യം ഒഴിവാക്കാൻ അടിയന്തരമായി പഞ്ചായത്ത് അധികൃതർ നടപടി സ്വീകരിക്കണമെന്നാണ് നാട്ടുകാരുടെ ശക്തമായ ആവശ്യം.