पुर्णा तालुक्यातील ताडकळस जवळील माखणी येथील प्रगतिशील महिला शेतकरी मीरा जनार्दन आवरगंड यांनी शेतकऱ्यांना पेरणीपूर्वी घरच्या बियाण्याची उगवणक्षमता तपासण्याचे आवाहन केले आहे. त्यांनी सांगितले की, असे केल्याने वेळ, पैसा आणि श्रम यांची बचत होईल, तसेच दुबार पेरणीचे संकट टाळता येईल. मीरा आवरगंड यांनी स्वतः गेल्या वर्षी साठवून ठेवलेल्या सोयाबीन बियाण्याची उगवणक्षमता तपासली. यासाठी त्यांनी १०० बिया घेतल्या आणि त्या पोत्यावर दहाच्या रांगांमध्ये मांडल्या. त्यानंतर पोते ओले करून सावलीच्या ठिकाणी ठेवले. तीन दिवसांनंतर त्यांनी बियाण्याची उगवण तपासली आणि किती बिया उगवल्या याची नोंद घेतली. त्यांच्या मते, पेरणीसाठी बियाणे योग्य आहे असे तेव्हाच समजावे जेव्हा १०० बियांपैकी किमान ७० ते ७५ बियांची उगवण होते. उगवणक्षमता तपासणी न करता पेरणी केल्यास बियांची उगवण कमी होऊन दुबार पेरणीचे संकट निर्माण होऊ शकते. त्यामुळे बाजारातून महागडे बियाणे खरेदी करण्याऐवजी घरचेच दर्जेदार व निरोगी बियाणे योग्य पद्धतीने तपासून वापरल्यास उत्पादन खर्चात बचत होऊ शकते, असेही त्यांनी नमूद केले.

आवाज जनतेचा 24 तास न्यूज चॅनल

परभणी, परभणी, महाराष्ट्र•

8 hrs ago

पुर्णा तालुक्यातील ताडकळस जवळील माखणी येथील प्रगतिशील महिला शेतकरी मीरा जनार्दन आवरगंड यांनी शेतकऱ्यांना पेरणीपूर्वी घरच्या बियाण्याची उगवणक्षमता तपासण्याचे आवाहन केले आहे. त्यांनी सांगितले की, असे केल्याने वेळ, पैसा आणि श्रम यांची बचत होईल, तसेच दुबार पेरणीचे संकट टाळता येईल. मीरा आवरगंड यांनी स्वतः गेल्या वर्षी साठवून ठेवलेल्या सोयाबीन बियाण्याची उगवणक्षमता तपासली. यासाठी त्यांनी १०० बिया घेतल्या आणि त्या पोत्यावर दहाच्या रांगांमध्ये मांडल्या. त्यानंतर पोते ओले करून सावलीच्या ठिकाणी ठेवले. तीन दिवसांनंतर त्यांनी बियाण्याची उगवण तपासली आणि किती बिया उगवल्या याची नोंद घेतली. त्यांच्या मते, पेरणीसाठी बियाणे योग्य आहे असे तेव्हाच समजावे जेव्हा १०० बियांपैकी किमान ७० ते ७५ बियांची उगवण होते. उगवणक्षमता तपासणी न करता पेरणी केल्यास बियांची उगवण कमी होऊन दुबार पेरणीचे संकट निर्माण होऊ शकते. त्यामुळे बाजारातून महागडे बियाणे खरेदी करण्याऐवजी घरचेच दर्जेदार व निरोगी बियाणे योग्य पद्धतीने तपासून वापरल्यास उत्पादन खर्चात बचत होऊ शकते, असेही त्यांनी नमूद केले.