ఎన్టీఆర్ జిల్లా జి.కొండూరు మండలం వెలగలేరు గ్రామానికి పట్టిసీమ ఎత్తిపోతల పథకం ద్వారా విడుదల చేసిన గోదావరి జలాలు శనివారం చేరుకున్నాయి. ఈ సందర్భంగా మైలవరం ఎమ్మెల్యే వసంత కృష్ణప్రసాదు సూచనల మేరకు వెలగలేరులో జలహారతి కార్యక్రమాన్ని భక్తిశ్రద్ధలతో ఘనంగా నిర్వహించారు. టీడీపీ సీనియర్ నేత జంపాల సీతారామయ్య, పోలవరం కుడి ప్రధాన కాలువ సూపరింటెండింగ్ ఇంజనీర్ కె. శ్రీనివాస్ తదితరులు గోదావరి జలాలకు పూలు చల్లి, హారతి ఇచ్చి సారె సమర్పించి ఘన స్వాగతం పలికారు. కృష్ణా డెల్టాకు జీవనాడిగా నిలిచిన పట్టిసీమ పథకం ద్వారా గోదావరి జలాలను కృష్ణా నదికి తరలించడం వల్ల సుమారు 13 లక్షల ఎకరాల ఆయకట్టుకు సాగునీటి వసతి కలుగుతుందని పలువురు పేర్కొన్నారు. ఈ సందర్భంగా మాజీ సీఎం జగన్మోహన్ రెడ్డి పట్టిసీమ దండగ అన్నాడంటూ విమర్శలు గుప్పించారు. అప్పట్లో సీఎం చంద్రబాబు పట్టిసీమను సమర్థవంతంగా పూర్తి చేయడం వల్లే, ప్రస్తుతం ఎల్ నినో ప్రభావంతో వర్షాలు లేకపోయినా రైతులకు సకాలంలో సాగునీరు అందుతోందని కొనియాడారు. నీరు చేరడంతో డెల్టా ప్రాంత రైతులు హర్షం వ్యక్తంచేస్తూ పట్టిసీమ పథకం వ్యవసాయానికి మరోసారి ఊపిరి పోసిందని ఆనందం వ్యక్తం చేశారు. ఈ కార్యక్రమంలో టీడీపీ రాష్ట్ర కార్యదర్శి, ఇరిగేషన్ డెవలప్మెంట్ కార్పొరేషన్ డైరెక్టర్ అంకెమ్ ఇందిరా ప్రియదర్శిని, టీడీపీ మండల అధ్యక్షుడు వేములకొండ వెంకటేశ్వరరావు, మండల కార్యదర్శి లంకా నాగేశ్వరరావు, వెలగలేరు సొసైటీ అధ్యక్షుడు మంచినేని రాజశేఖర్, కూటమి కుటుంబ సభ్యులు మరియు పలువురు నాయకులు పాల్గొన్నారు.

YAMALA DURGAPRASAD REDDY

మైలవరం, ఎన్టీఆర్, ఆంధ్రప్రదేశ్•

5 hrs ago

ఎన్టీఆర్ జిల్లా జి.కొండూరు మండలం వెలగలేరు గ్రామానికి పట్టిసీమ ఎత్తిపోతల పథకం ద్వారా విడుదల చేసిన గోదావరి జలాలు శనివారం చేరుకున్నాయి. ఈ సందర్భంగా మైలవరం ఎమ్మెల్యే వసంత కృష్ణప్రసాదు సూచనల మేరకు వెలగలేరులో జలహారతి కార్యక్రమాన్ని భక్తిశ్రద్ధలతో ఘనంగా నిర్వహించారు. టీడీపీ సీనియర్ నేత జంపాల సీతారామయ్య, పోలవరం కుడి ప్రధాన కాలువ సూపరింటెండింగ్ ఇంజనీర్ కె. శ్రీనివాస్ తదితరులు గోదావరి జలాలకు పూలు చల్లి, హారతి ఇచ్చి సారె సమర్పించి ఘన స్వాగతం పలికారు. కృష్ణా డెల్టాకు జీవనాడిగా నిలిచిన పట్టిసీమ పథకం ద్వారా గోదావరి జలాలను కృష్ణా నదికి తరలించడం వల్ల సుమారు 13 లక్షల ఎకరాల ఆయకట్టుకు సాగునీటి వసతి కలుగుతుందని పలువురు పేర్కొన్నారు. ఈ సందర్భంగా మాజీ సీఎం జగన్మోహన్ రెడ్డి పట్టిసీమ దండగ అన్నాడంటూ విమర్శలు గుప్పించారు. అప్పట్లో సీఎం చంద్రబాబు పట్టిసీమను సమర్థవంతంగా పూర్తి చేయడం వల్లే, ప్రస్తుతం ఎల్ నినో ప్రభావంతో వర్షాలు లేకపోయినా రైతులకు సకాలంలో సాగునీరు అందుతోందని కొనియాడారు. నీరు చేరడంతో డెల్టా ప్రాంత రైతులు హర్షం వ్యక్తంచేస్తూ పట్టిసీమ పథకం వ్యవసాయానికి మరోసారి ఊపిరి పోసిందని ఆనందం వ్యక్తం చేశారు. ఈ కార్యక్రమంలో టీడీపీ రాష్ట్ర కార్యదర్శి, ఇరిగేషన్ డెవలప్మెంట్ కార్పొరేషన్ డైరెక్టర్ అంకెమ్ ఇందిరా ప్రియదర్శిని, టీడీపీ మండల అధ్యక్షుడు వేములకొండ వెంకటేశ్వరరావు, మండల కార్యదర్శి లంకా నాగేశ్వరరావు, వెలగలేరు సొసైటీ అధ్యక్షుడు మంచినేని రాజశేఖర్, కూటమి కుటుంబ సభ్యులు మరియు పలువురు నాయకులు పాల్గొన్నారు.