पारंपरिक कारागिरांसाठी वरदान ठरतेय प्रधानमंत्री विश्वकर्मा योजना हिंगणघाट :वर्धा पारंपरिक व्यवसाय करणाऱ्या कारागिरांना आर्थिक व तांत्रिक बळ देण्यासाठी केंद्र सरकारने सुरू केलेली प्रधानमंत्री विश्वकर्मा योजना ग्रामीण तसेच शहरी भागातील कारागिरांसाठी मोठा दिलासा ठरत आहे. या योजनेअंतर्गत सुतार, लोहार, सोनार, कुंभार, न्हावी, धोबी, शिंपी, चांभार आदी पारंपरिक व्यवसाय करणाऱ्या कारागिरांना प्रशिक्षण, आर्थिक मदत तसेच आधुनिक साधने उपलब्ध करून देण्यात येत असल्याने ही योजना कारागिरांसाठी वरदान ठरत असल्याचे मत एमएसएमई विकास कार्यालय नागपूरचे सहाय्यक निदेशक मधुकर भुरले यांनी व्यक्त केले. भारत सरकारच्या एमएसएमई मंत्रालय व यांच्या वतीने कारागीर व हस्तकला व्यावसायिकांसाठी प्रधानमंत्री विश्वकर्मा योजनेवरील जनजागृती शिबिराचे आयोजन मंगळवार, दि. 10 रोजी वीरांगना राणी दुर्गावती भवन, हिंगणघाट येथे करण्यात आले होते. या कार्यक्रमाच्या अध्यक्षस्थानी नगर परिषद स्वास्थ सभापती संजय माडे होते. तर प्रमुख मार्गदर्शक म्हणून सहाय्यक निदेशक मधुकर भुरले, माजी सहाय्यक निदेशक पि. टी. डोईफोडे, भारतीय स्टेट बँक शाखा व्यवस्थापक प्रदीप कुमार त्रिवेदी, भारतीय कृषक समाजाचे जिल्हाध्यक्ष अजय मोहोड तसेच माजी नगरसेविका नलिनी सयाम प्रामुख्याने उपस्थित होते. मार्गदर्शन करताना पि. टी. डोईफोडे यांनी सांगितले की, ही योजना सुतार, लोहार, कुंभार, शिंपी, चांभार यांसह १८ पारंपरिक कारागिरांच्या व्यवसायांना बळकटी देण्यासाठी व त्यांच्या उपजीविकेचा स्तर उंचावण्यासाठी महत्त्वाची आहे. ग्रामस्थांनी या योजनेचा लाभ घेऊन आर्थिक प्रगती साधावी, असे आवाहन त्यांनी केले. यावेळी भारतीय स्टेट बँक शाखा व्यवस्थापक प्रदीप कुमार त्रिवेदी यांनी बँकिंग क्षेत्रातील विविध कर्ज योजना, प्रधानमंत्री रोजगार निर्मिती कार्यक्रम (PMEGP), मुद्रा कर्ज योजना तसेच उद्योजकांसाठी उपलब्ध आर्थिक सहाय्याची माहिती दिली. कारागिरांनी आवश्यक कागदपत्रांची पूर्तता करून बँकेच्या विविध योजनांचा लाभ घ्यावा, असे त्यांनी सांगितले. नगर परिषद स्वास्थ सभापती संजय माडे यांनी युवकांनी निराश न होता नोकरीच्या शोधात भटकण्यापेक्षा स्वतःचा व्यवसाय उभारण्यावर भर द्यावा, असे मत व्यक्त केले. तर माजी नगरसेविका नलिनी सयाम यांनी महिलांसाठी विशेष प्रशिक्षण कार्यक्रम राबविण्याची मागणी केली. कार्यक्रमाचे संचालन अजय मोहोड यांनी केले तर आभार प्रदर्शन सुरज गायकवाड यांनी मानले. या कार्यक्रमाला शहरी व ग्रामीण भागातील युवक, महिला तसेच कारागीर मोठ्या संख्येने उपस्थित होते.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

6 hrs ago

पारंपरिक कारागिरांसाठी वरदान ठरतेय प्रधानमंत्री विश्वकर्मा योजना हिंगणघाट :वर्धा पारंपरिक व्यवसाय करणाऱ्या कारागिरांना आर्थिक व तांत्रिक बळ देण्यासाठी केंद्र सरकारने सुरू केलेली प्रधानमंत्री विश्वकर्मा योजना ग्रामीण तसेच शहरी भागातील कारागिरांसाठी मोठा दिलासा ठरत आहे. या योजनेअंतर्गत सुतार, लोहार, सोनार, कुंभार, न्हावी, धोबी, शिंपी, चांभार आदी पारंपरिक व्यवसाय करणाऱ्या कारागिरांना प्रशिक्षण, आर्थिक मदत तसेच आधुनिक साधने उपलब्ध करून देण्यात येत असल्याने ही योजना कारागिरांसाठी वरदान ठरत असल्याचे मत एमएसएमई विकास कार्यालय नागपूरचे सहाय्यक निदेशक मधुकर भुरले यांनी व्यक्त केले. भारत सरकारच्या एमएसएमई मंत्रालय व यांच्या वतीने कारागीर व हस्तकला व्यावसायिकांसाठी प्रधानमंत्री विश्वकर्मा योजनेवरील जनजागृती शिबिराचे आयोजन मंगळवार, दि. 10 रोजी वीरांगना राणी दुर्गावती भवन, हिंगणघाट येथे करण्यात आले होते. या कार्यक्रमाच्या अध्यक्षस्थानी नगर परिषद स्वास्थ सभापती संजय माडे होते. तर प्रमुख मार्गदर्शक म्हणून सहाय्यक निदेशक मधुकर भुरले, माजी सहाय्यक निदेशक पि. टी. डोईफोडे, भारतीय स्टेट बँक शाखा व्यवस्थापक प्रदीप कुमार त्रिवेदी, भारतीय कृषक समाजाचे जिल्हाध्यक्ष अजय मोहोड तसेच माजी नगरसेविका नलिनी सयाम प्रामुख्याने उपस्थित होते. मार्गदर्शन करताना पि. टी. डोईफोडे यांनी सांगितले की, ही योजना सुतार, लोहार, कुंभार, शिंपी, चांभार यांसह १८ पारंपरिक कारागिरांच्या व्यवसायांना बळकटी देण्यासाठी व त्यांच्या उपजीविकेचा स्तर उंचावण्यासाठी महत्त्वाची आहे. ग्रामस्थांनी या योजनेचा लाभ घेऊन आर्थिक प्रगती साधावी, असे आवाहन त्यांनी केले. यावेळी भारतीय स्टेट बँक शाखा व्यवस्थापक प्रदीप कुमार त्रिवेदी यांनी बँकिंग क्षेत्रातील विविध कर्ज योजना, प्रधानमंत्री रोजगार निर्मिती कार्यक्रम (PMEGP), मुद्रा कर्ज योजना तसेच उद्योजकांसाठी उपलब्ध आर्थिक सहाय्याची माहिती दिली. कारागिरांनी आवश्यक कागदपत्रांची पूर्तता करून बँकेच्या विविध योजनांचा लाभ घ्यावा, असे त्यांनी सांगितले. नगर परिषद स्वास्थ सभापती संजय माडे यांनी युवकांनी निराश न होता नोकरीच्या शोधात भटकण्यापेक्षा स्वतःचा व्यवसाय उभारण्यावर भर द्यावा, असे मत व्यक्त केले. तर माजी नगरसेविका नलिनी सयाम यांनी महिलांसाठी विशेष प्रशिक्षण कार्यक्रम राबविण्याची मागणी केली. कार्यक्रमाचे संचालन अजय मोहोड यांनी केले तर आभार प्रदर्शन सुरज गायकवाड यांनी मानले. या कार्यक्रमाला शहरी व ग्रामीण भागातील युवक, महिला तसेच कारागीर मोठ्या संख्येने उपस्थित होते.