कल्याण-डोंबिवली महानगरपालिका परिवहन उपक्रमातील (केडीएमटी) अधिकाऱ्यांच्या ढिसाळ कारभारामुळे आणि कमालीच्या अनास्थेमुळे शासनाच्या तब्बल ३३ कोटी रुपयांच्या निधीचा चुराडा झाल्याचा धक्कादायक प्रकार माहितीच्या अधिकारातून समोर आला आहे. केंद्र, राज्य सरकार आणि महापालिकेच्या कोट्यवधींच्या निधीतून जनतेच्या सेवेसाठी खरेदी केलेल्या बसेस आज खंबळपाडा डम्पिंग ग्राउंडवर भंगार अवस्थेत धूळ खात पडल्या आहेत, अशी माहिती आरटीआय कार्यकर्ते संजय भोराडे यांनी दिली. मिळालेल्या माहितीनुसार, सन १९९९ मध्ये कल्याण महानगर परिवहन महामंडळाची स्थापना झाली असून, तेव्हापासून आजतागायत परिवहनच्या ताफ्यात एकूण ३३५ बसेस सामील झाल्या आहेत. सन २०१५ मध्ये 'जवाहरलाल नेहरू नागरी पुनरुत्थान योजने' अंतर्गत केंद्र सरकारचा ५०%, राज्य सरकारचा २५% आणि पालिकेचा २५% निधी मिळून एकूण ११८ बसेस मंजूर झाल्या होत्या. त्यापैकी प्रत्यक्षात ४७ बसेस परिवहनच्या ताफ्यात आल्या. मात्र, या बसेस रस्त्यावर जेमतेम २ ते अडीच वर्षेच धावल्या आणि त्यानंतर परिवहन अधिकाऱ्यांनी या मौल्यवान बसेस नेतवली येथील मॉलच्या जागेत उभ्या करून ठेवल्या होत्या. नेतवली येथील मॉलच्या जागेचा खरेदी-विक्री करारनामा झाल्यानंतर, तिथल्या ३० बसेसपैकी २० बसेस खंबळपाडा डम्पिंग ग्राउंडवर तर १० बसेस 'प्रेम ऑटो' परिवहन आगारात हलवण्यात आल्या. परंतु, तिथे योग्य देखरेख आणि सुरक्षा नसल्याचा गैरफायदा घेत कंत्राटदार आणि संबंधित व्यक्तींनी संगनमत करून या बसेसचे टायर, बॅटऱ्या, इंजिनचे सुटे भाग आणि महागडी विद्युत उपकरणे चोरून नेल्याचा आरोप केला जात आहे. त्यामुळे आज या बसेसची अवस्था इतकी दयनीय झाली आहे की, तिथे केवळ बसेसचे लोखंडी सांगाडे उरले आहेत. टाटा मोटर्सच्या एका बसची किंमत जवळपास ५९ लाख ४२ हजार ३७६ रुपये इतकी आहे. अशा ३० बसेस अधिकाऱ्यांच्या निष्काळजीपणामुळे भंगार झाल्याने शासनाचे कोट्यवधी रुपयांचे नुकसान झाले आहे. याशिवाय, ताफ्यात आलेल्या १० वातानुकूलित (एसी) बसेसपैकी केवळ ४ बसेस सुरू असून ६ बसेस धूळ खात पडल्या आहेत. तसेच, अत्यंत महागड्या समजल्या जाणाऱ्या १० 'व्हॉल्वो' बसेसपैकीही केवळ ४ बसेस रस्त्यावर धावत असून उर्वरित ६ बसेसची अवस्था अत्यंत दयनीय झाली आहे. सामान्य करदात्या नागरिकांच्या कष्टाच्या पैशातून उभ्या राहिलेल्या या सार्वजनिक मालमत्तेची परिवहनच्या अधिकाऱ्यांनी मिळून विल्हेवाट लावली असून, हा थेट जनतेच्या पैशांचा अपव्यय आहे. या संपूर्ण प्रकरणाची वरिष्ठ पातळीवर सखोल चौकशी होऊन संबंधित दोषी आणि भ्रष्ट अधिकाऱ्यांना तात्काळ निलंबित करण्यात यावे, अशी तीव्र मागणी नागरिकांमधून आणि करदात्यांमधून केली जात आहे.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

1 hr ago

कल्याण-डोंबिवली महानगरपालिका परिवहन उपक्रमातील (केडीएमटी) अधिकाऱ्यांच्या ढिसाळ कारभारामुळे आणि कमालीच्या अनास्थेमुळे शासनाच्या तब्बल ३३ कोटी रुपयांच्या निधीचा चुराडा झाल्याचा धक्कादायक प्रकार माहितीच्या अधिकारातून समोर आला आहे. केंद्र, राज्य सरकार आणि महापालिकेच्या कोट्यवधींच्या निधीतून जनतेच्या सेवेसाठी खरेदी केलेल्या बसेस आज खंबळपाडा डम्पिंग ग्राउंडवर भंगार अवस्थेत धूळ खात पडल्या आहेत, अशी माहिती आरटीआय कार्यकर्ते संजय भोराडे यांनी दिली. मिळालेल्या माहितीनुसार, सन १९९९ मध्ये कल्याण महानगर परिवहन महामंडळाची स्थापना झाली असून, तेव्हापासून आजतागायत परिवहनच्या ताफ्यात एकूण ३३५ बसेस सामील झाल्या आहेत. सन २०१५ मध्ये 'जवाहरलाल नेहरू नागरी पुनरुत्थान योजने' अंतर्गत केंद्र सरकारचा ५०%, राज्य सरकारचा २५% आणि पालिकेचा २५% निधी मिळून एकूण ११८ बसेस मंजूर झाल्या होत्या. त्यापैकी प्रत्यक्षात ४७ बसेस परिवहनच्या ताफ्यात आल्या. मात्र, या बसेस रस्त्यावर जेमतेम २ ते अडीच वर्षेच धावल्या आणि त्यानंतर परिवहन अधिकाऱ्यांनी या मौल्यवान बसेस नेतवली येथील मॉलच्या जागेत उभ्या करून ठेवल्या होत्या. नेतवली येथील मॉलच्या जागेचा खरेदी-विक्री करारनामा झाल्यानंतर, तिथल्या ३० बसेसपैकी २० बसेस खंबळपाडा डम्पिंग ग्राउंडवर तर १० बसेस 'प्रेम ऑटो' परिवहन आगारात हलवण्यात आल्या. परंतु, तिथे योग्य देखरेख आणि सुरक्षा नसल्याचा गैरफायदा घेत कंत्राटदार आणि संबंधित व्यक्तींनी संगनमत करून या बसेसचे टायर, बॅटऱ्या, इंजिनचे सुटे भाग आणि महागडी विद्युत उपकरणे चोरून नेल्याचा आरोप केला जात आहे. त्यामुळे आज या बसेसची अवस्था इतकी दयनीय झाली आहे की, तिथे केवळ बसेसचे लोखंडी सांगाडे उरले आहेत. टाटा मोटर्सच्या एका बसची किंमत जवळपास ५९ लाख ४२ हजार ३७६ रुपये इतकी आहे. अशा ३० बसेस अधिकाऱ्यांच्या निष्काळजीपणामुळे भंगार झाल्याने शासनाचे कोट्यवधी रुपयांचे नुकसान झाले आहे. याशिवाय, ताफ्यात आलेल्या १० वातानुकूलित (एसी) बसेसपैकी केवळ ४ बसेस सुरू असून ६ बसेस धूळ खात पडल्या आहेत. तसेच, अत्यंत महागड्या समजल्या जाणाऱ्या १० 'व्हॉल्वो' बसेसपैकीही केवळ ४ बसेस रस्त्यावर धावत असून उर्वरित ६ बसेसची अवस्था अत्यंत दयनीय झाली आहे. सामान्य करदात्या नागरिकांच्या कष्टाच्या पैशातून उभ्या राहिलेल्या या सार्वजनिक मालमत्तेची परिवहनच्या अधिकाऱ्यांनी मिळून विल्हेवाट लावली असून, हा थेट जनतेच्या पैशांचा अपव्यय आहे. या संपूर्ण प्रकरणाची वरिष्ठ पातळीवर सखोल चौकशी होऊन संबंधित दोषी आणि भ्रष्ट अधिकाऱ्यांना तात्काळ निलंबित करण्यात यावे, अशी तीव्र मागणी नागरिकांमधून आणि करदात्यांमधून केली जात आहे.