मेहकर येथील बहुप्रतिक्षित नवीन बस स्थानकाच्या इमारतीचे उदघाटन रविवार, ७ जून रोजी दुपारी ४ वाजता आयोजित समारंभात परिवहन मंत्री प्रताप सरनाईक यांच्या हस्ते होणार आहे. या समारंभाला पालकमंत्री मकरंदआबा पाटील, केंद्रीय राज्यमंत्री प्रतापराव जाधव, तत्कालीन आमदार संजय रायमुलकर आणि विभाग नियंत्रक शुभांगी शिरसाट यांची प्रमुख उपस्थिती राहणार आहे. केंद्रीय आयुष्य आरोग्य कुटुंब कल्याण राज्यमंत्री प्रतापराव जाधव यांच्या मार्गदर्शनाखाली आणि तत्कालीन आमदार संजय रायमुलकर यांच्या प्रयत्नांमुळे, महायुती शासनाच्या माध्यमातून नवीन बस स्थानकासाठी सव्वातीन कोटी रुपये आणि कॉंक्रिटीकरणसाठी चार कोटी रुपये असे एकूण सव्वासात कोटी रुपयांचा निधी प्राप्त झाला होता. करोना काळामुळे या बस स्थानकाचे बांधकाम लांबणीवर पडले होते. पूर्वी प्रवाशांना तात्पुरत्या तीन पत्र्याच्या बस स्थानकात प्रचंड गैरसोयीचा सामना करावा लागत होता, विशेषतः पावसाळ्यात कोणतीही सुविधा उपलब्ध नसल्याने त्यांना मोठ्या अडचणी येत होत्या. आता नवीन बस स्थानकाचे बांधकाम पूर्ण झाल्यामुळे ही गैरसोय दूर होणार आहे. माजी आमदार संजय रायमुलकर यांनी परिवहन मंत्री प्रताप सरनाईक यांची भेट घेऊन या नवीन बस स्थानकाच्या लोकार्पण समारंभाचे आयोजन केले आहे. याशिवाय, संजय रायमुलकर यांच्या माध्यमातून मेहकर शहरात ६ कोटी रुपयांची विद्यार्थी अभ्यासिका, १५ कोटी रुपयांची पंचायत समितीची इमारत, ४ कोटी रुपयांची पोलीस स्टेशनची इमारत आणि ३ कोटी रुपये खर्च करून वारकरी भवन बांधण्यात आले आहे. तसेच, बालाजी मंदिर परिसरात ८.५ कोटी रुपयांची तर शिवाजी उद्यानात ५ कोटी रुपयांची विविध कामे सध्या सुरू आहेत. नगरपालिका शाळा क्रमांक ६ जवळ ६ कोटी रुपये खर्च करून छत्रपती शिवाजी महाराज सांस्कृतिक संकुलाचे बांधकाम देखील सुरू आहे. त्यांच्या माध्यमातून शहरात एकूण ९३२ कोटी रुपयांची विकास कामे पूर्ण झाली आहेत.

जिजाऊ एक्सप्रेस २८ न्यूज

News Anchor बुलडाणा, बुलढाणा, महाराष्ट्र•

1 hr ago

मेहकर येथील बहुप्रतिक्षित नवीन बस स्थानकाच्या इमारतीचे उदघाटन रविवार, ७ जून रोजी दुपारी ४ वाजता आयोजित समारंभात परिवहन मंत्री प्रताप सरनाईक यांच्या हस्ते होणार आहे. या समारंभाला पालकमंत्री मकरंदआबा पाटील, केंद्रीय राज्यमंत्री प्रतापराव जाधव, तत्कालीन आमदार संजय रायमुलकर आणि विभाग नियंत्रक शुभांगी शिरसाट यांची प्रमुख उपस्थिती राहणार आहे. केंद्रीय आयुष्य आरोग्य कुटुंब कल्याण राज्यमंत्री प्रतापराव जाधव यांच्या मार्गदर्शनाखाली आणि तत्कालीन आमदार संजय रायमुलकर यांच्या प्रयत्नांमुळे, महायुती शासनाच्या माध्यमातून नवीन बस स्थानकासाठी सव्वातीन कोटी रुपये आणि कॉंक्रिटीकरणसाठी चार कोटी रुपये असे एकूण सव्वासात कोटी रुपयांचा निधी प्राप्त झाला होता. करोना काळामुळे या बस स्थानकाचे बांधकाम लांबणीवर पडले होते. पूर्वी प्रवाशांना तात्पुरत्या तीन पत्र्याच्या बस स्थानकात प्रचंड गैरसोयीचा सामना करावा लागत होता, विशेषतः पावसाळ्यात कोणतीही सुविधा उपलब्ध नसल्याने त्यांना मोठ्या अडचणी येत होत्या. आता नवीन बस स्थानकाचे बांधकाम पूर्ण झाल्यामुळे ही गैरसोय दूर होणार आहे. माजी आमदार संजय रायमुलकर यांनी परिवहन मंत्री प्रताप सरनाईक यांची भेट घेऊन या नवीन बस स्थानकाच्या लोकार्पण समारंभाचे आयोजन केले आहे. याशिवाय, संजय रायमुलकर यांच्या माध्यमातून मेहकर शहरात ६ कोटी रुपयांची विद्यार्थी अभ्यासिका, १५ कोटी रुपयांची पंचायत समितीची इमारत, ४ कोटी रुपयांची पोलीस स्टेशनची इमारत आणि ३ कोटी रुपये खर्च करून वारकरी भवन बांधण्यात आले आहे. तसेच, बालाजी मंदिर परिसरात ८.५ कोटी रुपयांची तर शिवाजी उद्यानात ५ कोटी रुपयांची विविध कामे सध्या सुरू आहेत. नगरपालिका शाळा क्रमांक ६ जवळ ६ कोटी रुपये खर्च करून छत्रपती शिवाजी महाराज सांस्कृतिक संकुलाचे बांधकाम देखील सुरू आहे. त्यांच्या माध्यमातून शहरात एकूण ९३२ कोटी रुपयांची विकास कामे पूर्ण झाली आहेत.