પ્રધાનમંત્રી કિસાન સન્માન નિધિ (PM-KISAN) યોજનાના તમામ લાભાર્થીઓને આગામી હપ્તો મેળવવા માટે ૩૦ જૂન, ૨૦૨૬ પહેલાં બાયોમેટ્રિક અથવા ફેસ ઓથેન્ટિકેશન દ્વારા વાર્ષિક ઈ-કે.વાયસી પ્રક્રિયા ફરજિયાતપણે પૂર્ણ કરવા જણાવાયું છે. ભારત સરકારના કૃષિ અને ખેડૂત કલ્યાણ વિભાગ દ્વારા સંચાલિત આ યોજના હેઠળ સહાય મેળવવા માટે વર્ષ ૨૦૨૬-૨૭ માટેનું આ વાર્ષિક ઈ-કે.વાયસી અનિવાર્ય કરવામાં આવ્યું છે. જે લાભાર્થીઓ આ પ્રક્રિયા પૂર્ણ કરશે, તેમને જ PM-KISAN યોજનાનો આગામી હપ્તો મળવાપાત્ર રહેશે, કારણ કે દરેક લાભાર્થીએ દર નાણાકીય વર્ષના પ્રથમ હપ્તા (એપ્રિલ-જુલાઈ)ના વિતરણ પહેલાં વાર્ષિક e-KYC પૂર્ણ કરાવવું આવશ્યક છે. ઈ-કે.વાયસી પૂર્ણ કરવા માટે ત્રણ મુખ્ય વિકલ્પો ઉપલબ્ધ છે: ગ્રામ્ય કક્ષાએ વિલેજ નોડલ ઓફિસરશ્રી દ્વારા PM-KISAN મોબાઇલ એપ્લિકેશનનો ઉપયોગ કરીને ફેસ ઓથેન્ટિકેશન મારફતે e-KYC પૂર્ણ કરી શકાય છે. બીજો વિકલ્પ નજીકના કોમન સર્વિસ સેન્ટર (CSC) અથવા ઈ-ગ્રામ કેન્દ્ર ખાતે બાયોમેટ્રિક ઓથેન્ટિકેશન દ્વારા e-KYC કરાવવાનો છે. ત્રીજો વિકલ્પ લાભાર્થીઓ માટે સ્વયં PM-KISAN મોબાઇલ એપમાં લોગિન કરીને, 'Beneficiary' વિકલ્પ પસંદ કરીને આધાર નંબર અથવા રજીસ્ટ્રેશન નંબર દ્વારા ફેસ ઓથેન્ટિકેશનથી પોતાનું તેમજ અન્ય ૧૦૦ લાભાર્થીઓનું e-KYC પૂર્ણ કરવાનો છે. અમરેલી જિલ્લામાં તમામ લાભાર્થીઓનું e-KYC સમયમર્યાદામાં પૂર્ણ થાય તથા કોઈપણ ખેડૂત આગામી હપ્તાના લાભથી વંચિત ન રહે તે સુનિશ્ચિત કરવા માટે ગામડાઓમાં વ્યાપક જનજાગૃતિ, પ્રચાર-પ્રસાર અને કેમ્પોનું આયોજન કરવામાં આવશે. આ ઉપરાંત, ગામદીઠ ઓછામાં ઓછા ૦૫ યુવાનોને PM-KISAN મોબાઇલ એપ્લિકેશન દ્વારા e-KYC કરવાની તાલીમ આપીને કેમ્પેઈન મોડમાં કામગીરી હાથ ધરવામાં આવશે. જિલ્લા ખેતીવાડી અધિકારીશ્રીની યાદીમાં તમામ ખેડૂત લાભાર્થીઓને સમયમર્યાદામાં પોતાનું વાર્ષિક e-KYC પૂર્ણ કરીને યોજનાના લાભથી વંચિત ન રહેવા અનુરોધ કરાયો છે. વધુ માહિતી માટે લાભાર્થીઓ પોતાના ગામના તલાટી કમ મંત્રીશ્રી/સિટી તલાટી (કસ્બા તલાટી)નો અથવા તાલુકા કક્ષાએ તાલુકા વિકાસ અધિકારીશ્રી અને મામલતદારશ્રીઓનો સંપર્ક કરી શકે છે.

Parmar karshan

જાફરાબાદ, અમરેલી, ગુજરાત•

7 hrs ago

પ્રધાનમંત્રી કિસાન સન્માન નિધિ (PM-KISAN) યોજનાના તમામ લાભાર્થીઓને આગામી હપ્તો મેળવવા માટે ૩૦ જૂન, ૨૦૨૬ પહેલાં બાયોમેટ્રિક અથવા ફેસ ઓથેન્ટિકેશન દ્વારા વાર્ષિક ઈ-કે.વાયસી પ્રક્રિયા ફરજિયાતપણે પૂર્ણ કરવા જણાવાયું છે. ભારત સરકારના કૃષિ અને ખેડૂત કલ્યાણ વિભાગ દ્વારા સંચાલિત આ યોજના હેઠળ સહાય મેળવવા માટે વર્ષ ૨૦૨૬-૨૭ માટેનું આ વાર્ષિક ઈ-કે.વાયસી અનિવાર્ય કરવામાં આવ્યું છે. જે લાભાર્થીઓ આ પ્રક્રિયા પૂર્ણ કરશે, તેમને જ PM-KISAN યોજનાનો આગામી હપ્તો મળવાપાત્ર રહેશે, કારણ કે દરેક લાભાર્થીએ દર નાણાકીય વર્ષના પ્રથમ હપ્તા (એપ્રિલ-જુલાઈ)ના વિતરણ પહેલાં વાર્ષિક e-KYC પૂર્ણ કરાવવું આવશ્યક છે. ઈ-કે.વાયસી પૂર્ણ કરવા માટે ત્રણ મુખ્ય વિકલ્પો ઉપલબ્ધ છે: ગ્રામ્ય કક્ષાએ વિલેજ નોડલ ઓફિસરશ્રી દ્વારા PM-KISAN મોબાઇલ એપ્લિકેશનનો ઉપયોગ કરીને ફેસ ઓથેન્ટિકેશન મારફતે e-KYC પૂર્ણ કરી શકાય છે. બીજો વિકલ્પ નજીકના કોમન સર્વિસ સેન્ટર (CSC) અથવા ઈ-ગ્રામ કેન્દ્ર ખાતે બાયોમેટ્રિક ઓથેન્ટિકેશન દ્વારા e-KYC કરાવવાનો છે. ત્રીજો વિકલ્પ લાભાર્થીઓ માટે સ્વયં PM-KISAN મોબાઇલ એપમાં લોગિન કરીને, 'Beneficiary' વિકલ્પ પસંદ કરીને આધાર નંબર અથવા રજીસ્ટ્રેશન નંબર દ્વારા ફેસ ઓથેન્ટિકેશનથી પોતાનું તેમજ અન્ય ૧૦૦ લાભાર્થીઓનું e-KYC પૂર્ણ કરવાનો છે. અમરેલી જિલ્લામાં તમામ લાભાર્થીઓનું e-KYC સમયમર્યાદામાં પૂર્ણ થાય તથા કોઈપણ ખેડૂત આગામી હપ્તાના લાભથી વંચિત ન રહે તે સુનિશ્ચિત કરવા માટે ગામડાઓમાં વ્યાપક જનજાગૃતિ, પ્રચાર-પ્રસાર અને કેમ્પોનું આયોજન કરવામાં આવશે. આ ઉપરાંત, ગામદીઠ ઓછામાં ઓછા ૦૫ યુવાનોને PM-KISAN મોબાઇલ એપ્લિકેશન દ્વારા e-KYC કરવાની તાલીમ આપીને કેમ્પેઈન મોડમાં કામગીરી હાથ ધરવામાં આવશે. જિલ્લા ખેતીવાડી અધિકારીશ્રીની યાદીમાં તમામ ખેડૂત લાભાર્થીઓને સમયમર્યાદામાં પોતાનું વાર્ષિક e-KYC પૂર્ણ કરીને યોજનાના લાભથી વંચિત ન રહેવા અનુરોધ કરાયો છે. વધુ માહિતી માટે લાભાર્થીઓ પોતાના ગામના તલાટી કમ મંત્રીશ્રી/સિટી તલાટી (કસ્બા તલાટી)નો અથવા તાલુકા કક્ષાએ તાલુકા વિકાસ અધિકારીશ્રી અને મામલતદારશ્રીઓનો સંપર્ક કરી શકે છે.