कर्जत येथील सहकारी संस्थांच्या कामकाजातील भ्रष्टाचाराचे धक्कादायक वास्तव समोर आले आहे. कर्जतचे सहाय्यक निबंधक मिलिंद प्रल्हादराव राऊत (वय ५०) याला लाचलुचपत प्रतिबंधक विभागाच्या पथकाने १० हजार रुपयांची लाच स्वीकारताना रंगेहात पकडले. तक्रारदार हे कर्जत तालुक्यातील एका विविध कार्यकारी सेवा सोसायटीचे सचिव असून, जिल्हा बँकेच्या निवडणुकीसाठी संचालक मंडळाने मंजूर केलेल्या ठरावावर एका संचालकाने आक्षेप घेतल्याने ही तक्रार सहाय्यक निबंधकांकडे पोहोचली होती. या तक्रारीचे निराकरण करून ठरावातील अडथळे दूर करण्यासाठी आरोपी मिलिंद राऊत याने तक्रारदाराकडे २५ हजार रुपयांच्या लाचेची मागणी केली होती. यापैकी १० हजार रुपये आधीच उकळल्यानंतर उर्वरित रकमेसाठी आरोपी वारंवार तगादा लावत होता. या त्रासाला कंटाळून तक्रारदाराने ९ जुलै २०२६ रोजी अहिल्यानगर येथील लाचलुचपत प्रतिबंधक विभागाकडे धाव घेतली. तक्रारदाराकडून मिळालेल्या माहितीनंतर लाचलुचपत प्रतिबंधक विभागाने पडताळणी करून १० जुलै रोजी सापळा रचला. लाचेची रक्कम स्वीकारताच पथकाने मिलिंद राऊत याला ताब्यात घेतले. कारवाईदरम्यान आरोपीकडून १० हजार रुपयांची लाच, खिशातील ५०७० रुपये रोख आणि एक ओप्पो कंपनीचा मोबाईल जप्त करण्यात आला असून, त्याच्या घराची झडती घेण्याचे काम सुरू आहे. पोलीस उपअधीक्षक अजित त्रिपुटे यांच्या मार्गदर्शनाखाली ही कारवाई करण्यात आली असून, भ्रष्टाचार प्रतिबंध अधिनियम, १९८८ च्या कलम ७ अन्वये कर्जत पोलीस ठाण्यात गुन्हा दाखल करण्याची प्रक्रिया सुरू आहे. पोलीस निरीक्षक सविता तांबे या प्रकरणाचा पुढील तपास करत आहेत.

कर्जत लाईव्ह

Advertising agency कर्जत, अहमदनगर, महाराष्ट्र•

1 day ago

कर्जत येथील सहकारी संस्थांच्या कामकाजातील भ्रष्टाचाराचे धक्कादायक वास्तव समोर आले आहे. कर्जतचे सहाय्यक निबंधक मिलिंद प्रल्हादराव राऊत (वय ५०) याला लाचलुचपत प्रतिबंधक विभागाच्या पथकाने १० हजार रुपयांची लाच स्वीकारताना रंगेहात पकडले. तक्रारदार हे कर्जत तालुक्यातील एका विविध कार्यकारी सेवा सोसायटीचे सचिव असून, जिल्हा बँकेच्या निवडणुकीसाठी संचालक मंडळाने मंजूर केलेल्या ठरावावर एका संचालकाने आक्षेप घेतल्याने ही तक्रार सहाय्यक निबंधकांकडे पोहोचली होती. या तक्रारीचे निराकरण करून ठरावातील अडथळे दूर करण्यासाठी आरोपी मिलिंद राऊत याने तक्रारदाराकडे २५ हजार रुपयांच्या लाचेची मागणी केली होती. यापैकी १० हजार रुपये आधीच उकळल्यानंतर उर्वरित रकमेसाठी आरोपी वारंवार तगादा लावत होता. या त्रासाला कंटाळून तक्रारदाराने ९ जुलै २०२६ रोजी अहिल्यानगर येथील लाचलुचपत प्रतिबंधक विभागाकडे धाव घेतली. तक्रारदाराकडून मिळालेल्या माहितीनंतर लाचलुचपत प्रतिबंधक विभागाने पडताळणी करून १० जुलै रोजी सापळा रचला. लाचेची रक्कम स्वीकारताच पथकाने मिलिंद राऊत याला ताब्यात घेतले. कारवाईदरम्यान आरोपीकडून १० हजार रुपयांची लाच, खिशातील ५०७० रुपये रोख आणि एक ओप्पो कंपनीचा मोबाईल जप्त करण्यात आला असून, त्याच्या घराची झडती घेण्याचे काम सुरू आहे. पोलीस उपअधीक्षक अजित त्रिपुटे यांच्या मार्गदर्शनाखाली ही कारवाई करण्यात आली असून, भ्रष्टाचार प्रतिबंध अधिनियम, १९८८ च्या कलम ७ अन्वये कर्जत पोलीस ठाण्यात गुन्हा दाखल करण्याची प्रक्रिया सुरू आहे. पोलीस निरीक्षक सविता तांबे या प्रकरणाचा पुढील तपास करत आहेत.