नांदेड जिल्ह्यातील नायगाव तालुक्यातील शेतकऱ्यांच्या तक्रारी, प्रसिद्ध झालेल्या बातम्या आणि त्या अनुषंगाने, जिल्हा अधीक्षक कृषी अधिकारी, नांदेड यांनी कठोर कारवाई करत अनेक कृषी सेवा केंद्रांवर कारवाई केली आहे. या कारवाईत नायगाव तालुक्यातील सात कृषी सेवा केंद्रांचे खत परवाने सहा महिन्यांसाठी निलंबित करण्यात आले आहेत. निलंबित करण्यात आलेल्या नायगाव येथील केंद्रांमध्ये दशरथ कृषी सेवा केंद्र, केदार कृषी सेवा केंद्र, वसंत अग्रो सर्व्हिस सेंटर, गजानन कृषी सेवा केंद्र, हनुमान कृषी सेवा केंद्र, मातोश्री ॲग्रो एजन्सी आणि शिवकृपा कृषी सेवा केंद्र यांचा समावेश आहे. याव्यतिरिक्त, मुदखेड तालुक्यातील खांबाळा येथील मे. वर्षा ॲग्रो ट्रेडर्स आणि कंधार तालुक्यातील कुरुळा येथील मे. व्यंकटरमणा कृषी सेवा केंद्र व मे. तिरुमला कृषी सेवा केंद्र यांचे परवाने सुनावणीअंती निदर्शनास आलेल्या त्रुटींमुळे निलंबित करण्यात आले आहेत. अशा प्रकारे एकूण दहा कृषी निविष्ठा केंद्रांचे परवाने निलंबित करण्यात आले आहेत. त्याचबरोबर, मुदखेड तालुक्यातील माळकौठा येथील मे. शिवकृपा कृषी विकास केंद्र आणि नांदेड येथील नवीन मोंढा येथील व्यंकटेश कृषी भांडार यांच्या खत वाटपामध्ये गंभीर स्वरूपाच्या त्रुटी आढळल्याने पोलीस स्टेशनमध्ये गुन्हे दाखल करण्यात आले असून, त्यांचे परवाने कायमस्वरूपी रद्द करण्यात आले आहेत. या कृषी विभागाच्या धडक कारवाईनंतर, जिल्हा अधीक्षक कृषी अधिकारी दत्तकुमार कळसाईत यांनी आवाहन केले आहे की, जिल्ह्यामध्ये कुठेही रासायनिक खतांची जादा दराने किंवा विनापरवाना विक्री होत असल्यास, अथवा खते उपलब्ध असूनही विक्री केली जात नसल्यास तात्काळ कृषी विभागाशी संपर्क साधावा. तसेच, शेतकऱ्यांनी परवानाधारक कृषी निविष्ठा केंद्रातूनच निविष्ठा खरेदी कराव्यात असेही त्यांनी स्पष्ट केले आहे.

Gajanan Bidkar

Nanded, Maharashtra•

16 hrs ago

नांदेड जिल्ह्यातील नायगाव तालुक्यातील शेतकऱ्यांच्या तक्रारी, प्रसिद्ध झालेल्या बातम्या आणि त्या अनुषंगाने, जिल्हा अधीक्षक कृषी अधिकारी, नांदेड यांनी कठोर कारवाई करत अनेक कृषी सेवा केंद्रांवर कारवाई केली आहे. या कारवाईत नायगाव तालुक्यातील सात कृषी सेवा केंद्रांचे खत परवाने सहा महिन्यांसाठी निलंबित करण्यात आले आहेत. निलंबित करण्यात आलेल्या नायगाव येथील केंद्रांमध्ये दशरथ कृषी सेवा केंद्र, केदार कृषी सेवा केंद्र, वसंत अग्रो सर्व्हिस सेंटर, गजानन कृषी सेवा केंद्र, हनुमान कृषी सेवा केंद्र, मातोश्री ॲग्रो एजन्सी आणि शिवकृपा कृषी सेवा केंद्र यांचा समावेश आहे. याव्यतिरिक्त, मुदखेड तालुक्यातील खांबाळा येथील मे. वर्षा ॲग्रो ट्रेडर्स आणि कंधार तालुक्यातील कुरुळा येथील मे. व्यंकटरमणा कृषी सेवा केंद्र व मे. तिरुमला कृषी सेवा केंद्र यांचे परवाने सुनावणीअंती निदर्शनास आलेल्या त्रुटींमुळे निलंबित करण्यात आले आहेत. अशा प्रकारे एकूण दहा कृषी निविष्ठा केंद्रांचे परवाने निलंबित करण्यात आले आहेत. त्याचबरोबर, मुदखेड तालुक्यातील माळकौठा येथील मे. शिवकृपा कृषी विकास केंद्र आणि नांदेड येथील नवीन मोंढा येथील व्यंकटेश कृषी भांडार यांच्या खत वाटपामध्ये गंभीर स्वरूपाच्या त्रुटी आढळल्याने पोलीस स्टेशनमध्ये गुन्हे दाखल करण्यात आले असून, त्यांचे परवाने कायमस्वरूपी रद्द करण्यात आले आहेत. या कृषी विभागाच्या धडक कारवाईनंतर, जिल्हा अधीक्षक कृषी अधिकारी दत्तकुमार कळसाईत यांनी आवाहन केले आहे की, जिल्ह्यामध्ये कुठेही रासायनिक खतांची जादा दराने किंवा विनापरवाना विक्री होत असल्यास, अथवा खते उपलब्ध असूनही विक्री केली जात नसल्यास तात्काळ कृषी विभागाशी संपर्क साधावा. तसेच, शेतकऱ्यांनी परवानाधारक कृषी निविष्ठा केंद्रातूनच निविष्ठा खरेदी कराव्यात असेही त्यांनी स्पष्ट केले आहे.