ಕ್ಯಾಂಪ್‌ನ 'ಕ್ಯಾಪ್ಟನ್‌' ಅಭಿಮನ್ಯು ಆನೆಗೆ ದಸರಾ ಗಜಪಯಣದಲ್ಲಿ ಬುಧವಾರ ಗೌರವಯುತ ಬೀಳ್ಕೊಡುಗೆ ಮೈಸೂರು: 60 ವರ್ಷದ ತುಂಬಿದ ಹಿನ್ನೆಲೆಯಲ್ಲಿ ಮೈಸೂರು ದಸರಾ ಅಂಬಾರಿ ಹೊರುವುದರಿಂದ ನಿವೃತ್ತಿಗೊಳಿಸಲಾದ ಮತ್ತಿಗೋಡು ಕ್ಯಾಂಪ್‌ನ 'ಕ್ಯಾಪ್ಟನ್‌' ಅಭಿಮನ್ಯು ಆನೆಗೆ ದಸರಾ ಗಜಪಯಣದಲ್ಲಿ ಬುಧವಾರ ಗೌರವಯುತ ಬೀಳ್ಕೊಡುಗೆ ನೀಡಲಾಯಿತು.ಕಳೆದ 26 ವರ್ಷಗಳಿಂದ ದಸರಾದಲ್ಲಿ ಕ್ಯಾಪ್ಟನ್‌ ಅಭಿಮನ್ಯು ಆನೆ ಭಾಗಿಯಾಗಿತ್ತು. ಈ ಬಾರಿ ನಿವೃತ್ತಿಯಾಗಿದೆ. ಹೀಗಾಗಿ ಅಭಿಮನ್ಯುವಿಗೆ ಪೂಜೆ ಸಲ್ಲಿಸಿ ಭಾವುಕ ಬೀಳ್ಕೊಡುಗೆ ನೀಡಲಾಯಿತು. ಅಭಿಮನ್ಯುವನ್ನು ಸಿಂಗರಿಸಿ ಕರೆ ತಂದು ಅರಣ್ಯ ಇಲಾಖೆ ಸಿಬ್ಬಂದಿಯು ಹೂವಿನ ಮಳೆಗರೆದರು. ಈ ವೇಳೆ ನೆರೆದಿದ್ದವರ ಕಣ್ಣಲಿಗಳು ತುಂಬಿ ಬಂದವು. ಅಭಿಮನ್ಯು ಮಾವುತ ವಸಂತ್‌ ಆನೆ ಮೇಲಿಂದಲೇ ಭಾವುಕರಾದರು. ಬಳಿಕ ಮಾವುತ ಮತ್ತು ಕಾವಡಿಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಯತೀಂದ್ರ ಸಿದ್ದರಾಮಯ್ಯ ಆತ್ಮೀಯವಾಗಿ ಸನ್ಮಾನಿಸಿದರು. ಕಾರ್ಯಕ್ರಮದ ಬಳಿಕ ಅಭಿಮನ್ಯು ಲಾರಿಯಲ್ಲಿ ಕ್ಯಾಂಪ್‌ಗೆ ಮರಳಿತು. ನಿಶಾನೆ ಆನೆಯಾಗಿ ಅಭಿಮನ್ಯುವನ್ನು ಕರೆತರುವ ಬಗ್ಗೆ ಇನ್ನೂ ಅಂತಿಮ ಆಗಿಲ್ಲ. ಸಾಧ್ಯತೆಗಳನ್ನು ನೋಡಿಕೊಂಡು ಆ ಬಗ್ಗೆ ತೀರ್ಮಾನ ಮಾಡುತ್ತೇವೆ ಎಂದು ಯತೀಂದ್ರ ಸಿದ್ದರಾಮಯ್ಯ ತಿಳಿಸಿದರು. ಸುಗ್ರೀವ ಬದಲು ಶ್ರೀಕಂಠ: ನಾಳೆಯಿಂದಲೇ ತಾಲೀಮು ವಿಶ್ವಪ್ರಸಿದ್ಧ ಮೈಸೂರು ದಸರಾ ಮಹೋತ್ಸವದ ಸಂಭ್ರಮಕ್ಕೆ ಮುನ್ನುಡಿ ಬರೆಯುವ ಗಜಪಯಣಕ್ಕೆ ಹುಣಸೂರು ತಾಲೂಕಿನ ನಾಗರಹೊಳೆ ರಾಷ್ಟ್ರೀಯ ಉದ್ಯಾನದ ವೀರನಹೊಸಳ್ಳಿಯಲ್ಲಿ ಬಳಿ ಬುಧವಾರ ಸಂಭ್ರಮದ ಚಾಲನೆ ದೊರೆಯಿತು. ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಯತೀಂದ್ರ ಸಿದ್ದರಾಮಯ್ಯ, ಗಣ್ಯರು ಅಲಂಕೃತಗೊಂಡು ನಿಂತಿದ್ದ ಗಜಪಡೆಗೆ ದೀಪ ಬೆಳಗಿ, ಪುಷ್ಪಾರ್ಚನೆ ನೆರವೇರಿಸಿ ಗಜಪಯಣಕ್ಕೆ ಚಾಲನೆ ನೀಡಿದರು. ಮೊದಲ ತಂಡದಲ್ಲಿ 7 ಗಂಡು ಹಾಗೂ 2 ಹೆಣ್ಣಾನೆಗಳಿವೆ. ಸುಗ್ರೀವ ಹುಲಿ ಸೆರೆ ಕಾರ್ಯಾಚರಣೆಗೆ ತೆರಳಿರುವುದರಿಂದ 2ನೇ ತಂಡದಲ್ಲಿದ್ದ ಶ್ರೀಕಂಠನನ್ನು ಮೊದಲ ತಂಡದಲ್ಲಿ ಕರೆತರಲಾಯಿತು. ಸಂಜೆ ವೇಳೆಗೆ ಆನೆಗಳು ಮೈಸೂರಿನ ಅರಣ್ಯ ಭವನದ ಆವರಣಕ್ಕೆ ಆಗಮಿಸಿ ವಾಸ್ತವ್ಯ ಹೂಡಿತು. ಆ.28ರಂದು ಬೆಳಗ್ಗೆ ಆನೆಗಳ ತಂಡ ಅರಮನೆ ಆವರಣ ಪ್ರವೇಶಿಸಲಿವೆ. ಅಂದೇ ಆನೆಗಳ ಭಾರ ತೂಕ ಮಾಡಲಾಗುತ್ತದೆ ಮತ್ತು ತಾಲೀಮು ಆರಂಭವಾಗಲಿದೆ ಎಂದು ಡಿಸಿಎಫ್‌ ಪ್ರಭುಗೌಡ ಪ್ರಕಟಿಸಿದರು.

Ravikumar

Local News Reporter ಹುಣಸೂರು, ಮೈಸೂರು, ಕರ್ನಾಟಕ•

5 hrs ago

ಕ್ಯಾಂಪ್‌ನ 'ಕ್ಯಾಪ್ಟನ್‌' ಅಭಿಮನ್ಯು ಆನೆಗೆ ದಸರಾ ಗಜಪಯಣದಲ್ಲಿ ಬುಧವಾರ ಗೌರವಯುತ ಬೀಳ್ಕೊಡುಗೆ ಮೈಸೂರು: 60 ವರ್ಷದ ತುಂಬಿದ ಹಿನ್ನೆಲೆಯಲ್ಲಿ ಮೈಸೂರು ದಸರಾ ಅಂಬಾರಿ ಹೊರುವುದರಿಂದ ನಿವೃತ್ತಿಗೊಳಿಸಲಾದ ಮತ್ತಿಗೋಡು ಕ್ಯಾಂಪ್‌ನ 'ಕ್ಯಾಪ್ಟನ್‌' ಅಭಿಮನ್ಯು ಆನೆಗೆ ದಸರಾ ಗಜಪಯಣದಲ್ಲಿ ಬುಧವಾರ ಗೌರವಯುತ ಬೀಳ್ಕೊಡುಗೆ ನೀಡಲಾಯಿತು.ಕಳೆದ 26 ವರ್ಷಗಳಿಂದ ದಸರಾದಲ್ಲಿ ಕ್ಯಾಪ್ಟನ್‌ ಅಭಿಮನ್ಯು ಆನೆ ಭಾಗಿಯಾಗಿತ್ತು. ಈ ಬಾರಿ ನಿವೃತ್ತಿಯಾಗಿದೆ. ಹೀಗಾಗಿ ಅಭಿಮನ್ಯುವಿಗೆ ಪೂಜೆ ಸಲ್ಲಿಸಿ ಭಾವುಕ ಬೀಳ್ಕೊಡುಗೆ ನೀಡಲಾಯಿತು. ಅಭಿಮನ್ಯುವನ್ನು ಸಿಂಗರಿಸಿ ಕರೆ ತಂದು ಅರಣ್ಯ ಇಲಾಖೆ ಸಿಬ್ಬಂದಿಯು ಹೂವಿನ ಮಳೆಗರೆದರು. ಈ ವೇಳೆ ನೆರೆದಿದ್ದವರ ಕಣ್ಣಲಿಗಳು ತುಂಬಿ ಬಂದವು. ಅಭಿಮನ್ಯು ಮಾವುತ ವಸಂತ್‌ ಆನೆ ಮೇಲಿಂದಲೇ ಭಾವುಕರಾದರು. ಬಳಿಕ ಮಾವುತ ಮತ್ತು ಕಾವಡಿಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಯತೀಂದ್ರ ಸಿದ್ದರಾಮಯ್ಯ ಆತ್ಮೀಯವಾಗಿ ಸನ್ಮಾನಿಸಿದರು. ಕಾರ್ಯಕ್ರಮದ ಬಳಿಕ ಅಭಿಮನ್ಯು ಲಾರಿಯಲ್ಲಿ ಕ್ಯಾಂಪ್‌ಗೆ ಮರಳಿತು. ನಿಶಾನೆ ಆನೆಯಾಗಿ ಅಭಿಮನ್ಯುವನ್ನು ಕರೆತರುವ ಬಗ್ಗೆ ಇನ್ನೂ ಅಂತಿಮ ಆಗಿಲ್ಲ. ಸಾಧ್ಯತೆಗಳನ್ನು ನೋಡಿಕೊಂಡು ಆ ಬಗ್ಗೆ ತೀರ್ಮಾನ ಮಾಡುತ್ತೇವೆ ಎಂದು ಯತೀಂದ್ರ ಸಿದ್ದರಾಮಯ್ಯ ತಿಳಿಸಿದರು. ಸುಗ್ರೀವ ಬದಲು ಶ್ರೀಕಂಠ: ನಾಳೆಯಿಂದಲೇ ತಾಲೀಮು ವಿಶ್ವಪ್ರಸಿದ್ಧ ಮೈಸೂರು ದಸರಾ ಮಹೋತ್ಸವದ ಸಂಭ್ರಮಕ್ಕೆ ಮುನ್ನುಡಿ ಬರೆಯುವ ಗಜಪಯಣಕ್ಕೆ ಹುಣಸೂರು ತಾಲೂಕಿನ ನಾಗರಹೊಳೆ ರಾಷ್ಟ್ರೀಯ ಉದ್ಯಾನದ ವೀರನಹೊಸಳ್ಳಿಯಲ್ಲಿ ಬಳಿ ಬುಧವಾರ ಸಂಭ್ರಮದ ಚಾಲನೆ ದೊರೆಯಿತು. ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಯತೀಂದ್ರ ಸಿದ್ದರಾಮಯ್ಯ, ಗಣ್ಯರು ಅಲಂಕೃತಗೊಂಡು ನಿಂತಿದ್ದ ಗಜಪಡೆಗೆ ದೀಪ ಬೆಳಗಿ, ಪುಷ್ಪಾರ್ಚನೆ ನೆರವೇರಿಸಿ ಗಜಪಯಣಕ್ಕೆ ಚಾಲನೆ ನೀಡಿದರು. ಮೊದಲ ತಂಡದಲ್ಲಿ 7 ಗಂಡು ಹಾಗೂ 2 ಹೆಣ್ಣಾನೆಗಳಿವೆ. ಸುಗ್ರೀವ ಹುಲಿ ಸೆರೆ ಕಾರ್ಯಾಚರಣೆಗೆ ತೆರಳಿರುವುದರಿಂದ 2ನೇ ತಂಡದಲ್ಲಿದ್ದ ಶ್ರೀಕಂಠನನ್ನು ಮೊದಲ ತಂಡದಲ್ಲಿ ಕರೆತರಲಾಯಿತು. ಸಂಜೆ ವೇಳೆಗೆ ಆನೆಗಳು ಮೈಸೂರಿನ ಅರಣ್ಯ ಭವನದ ಆವರಣಕ್ಕೆ ಆಗಮಿಸಿ ವಾಸ್ತವ್ಯ ಹೂಡಿತು. ಆ.28ರಂದು ಬೆಳಗ್ಗೆ ಆನೆಗಳ ತಂಡ ಅರಮನೆ ಆವರಣ ಪ್ರವೇಶಿಸಲಿವೆ. ಅಂದೇ ಆನೆಗಳ ಭಾರ ತೂಕ ಮಾಡಲಾಗುತ್ತದೆ ಮತ್ತು ತಾಲೀಮು ಆರಂಭವಾಗಲಿದೆ ಎಂದು ಡಿಸಿಎಫ್‌ ಪ್ರಭುಗೌಡ ಪ್ರಕಟಿಸಿದರು.