मुखेड येथील दुय्यम निबंधक कार्यालयात पुण्यश्लोक राजमाता अहिल्यादेवी होळकर यांची जयंती साजरी न केल्याचा धक्कादायक प्रकार समोर आला आहे. या गंभीर अक्षम्य हलगर्जीपणाबद्दल शहर काँग्रेस मुखेडच्या वतीने प्रशासनाचा तीव्र शब्दांत जाहीर निषेध करण्यात आला. शासकीय कार्यालयांमध्ये जयंतीदिनी अभिवादन करणे बंधनकारक असतानाही, मुखेड दुय्यम निबंधक कार्यालयाने याकडे पूर्णपणे दुर्लक्ष केल्याने शिवप्रेमी, अहिल्यादेवींचे अनुयायी आणि स्थानिक नागरिकांमधून तीव्र संताप व्यक्त होत आहे. शहर काँग्रेसने प्रशासनाच्या ढिसाळ कारभारावर जोरदार ताशेरे ओढत म्हटले की, प्रशासन पूर्णपणे झोपा काढत असून, अधिकाऱ्यांवर कोणाचाही अंकुश राहिलेला नाही. या कार्यालयाचा हा अशा प्रकारचा पहिलाच प्रताप नाही; यापूर्वी राष्ट्रीय सणाचे गांभीर्य न राखता, भारताचा राष्ट्रीय तिरंगा ध्वज अत्यंत उशिरा फडकवण्याचा गंभीर प्रकार याच कार्यालयात घडला होता. या घटनांमुळे येथील अधिकारी आणि कर्मचाऱ्यांना राष्ट्रीय आणि सामाजिक मूल्यांचे भान राहिले आहे की नाही, असा सवाल उपस्थित केला जात आहे. कार्यालयातील वाढत्या अनागोंदी कारभारावर आणि भ्रष्टाचारावर हल्लाबोल करताना काँग्रेसने "आओ चोरो बांधों भारा, आधा तुम्हारा आधा हमारा..." अशी घोषणा देत प्रशासकीय यंत्रणेवर टीका केली. सर्वसामान्यांची कामे वेळेवर होत नसून, केवळ टक्केवारी आणि मलिदा लाटण्यातच प्रशासन व्यस्त असल्याचा आरोपही यावेळी करण्यात आला. राष्ट्रीय पुरुषांचा आणि आदरस्थानांचा अपमान करणाऱ्या तसेच कर्तव्यात कसूर करणाऱ्या संबंधित जबाबदार अधिकाऱ्यांवर आणि कर्मचाऱ्यांवर तात्काळ कडक प्रशासकीय कारवाई करण्यात यावी, अशी मागणी शहर काँग्रेसने केली आहे; अन्यथा तीव्र आंदोलन छेडण्याचा इशाराही त्यांनी दिला आहे.

Press Mukhed Bablu Mulla

मुखेड, नांदेड, महाराष्ट्र•

2 hrs ago

मुखेड येथील दुय्यम निबंधक कार्यालयात पुण्यश्लोक राजमाता अहिल्यादेवी होळकर यांची जयंती साजरी न केल्याचा धक्कादायक प्रकार समोर आला आहे. या गंभीर अक्षम्य हलगर्जीपणाबद्दल शहर काँग्रेस मुखेडच्या वतीने प्रशासनाचा तीव्र शब्दांत जाहीर निषेध करण्यात आला. शासकीय कार्यालयांमध्ये जयंतीदिनी अभिवादन करणे बंधनकारक असतानाही, मुखेड दुय्यम निबंधक कार्यालयाने याकडे पूर्णपणे दुर्लक्ष केल्याने शिवप्रेमी, अहिल्यादेवींचे अनुयायी आणि स्थानिक नागरिकांमधून तीव्र संताप व्यक्त होत आहे. शहर काँग्रेसने प्रशासनाच्या ढिसाळ कारभारावर जोरदार ताशेरे ओढत म्हटले की, प्रशासन पूर्णपणे झोपा काढत असून, अधिकाऱ्यांवर कोणाचाही अंकुश राहिलेला नाही. या कार्यालयाचा हा अशा प्रकारचा पहिलाच प्रताप नाही; यापूर्वी राष्ट्रीय सणाचे गांभीर्य न राखता, भारताचा राष्ट्रीय तिरंगा ध्वज अत्यंत उशिरा फडकवण्याचा गंभीर प्रकार याच कार्यालयात घडला होता. या घटनांमुळे येथील अधिकारी आणि कर्मचाऱ्यांना राष्ट्रीय आणि सामाजिक मूल्यांचे भान राहिले आहे की नाही, असा सवाल उपस्थित केला जात आहे. कार्यालयातील वाढत्या अनागोंदी कारभारावर आणि भ्रष्टाचारावर हल्लाबोल करताना काँग्रेसने "आओ चोरो बांधों भारा, आधा तुम्हारा आधा हमारा..." अशी घोषणा देत प्रशासकीय यंत्रणेवर टीका केली. सर्वसामान्यांची कामे वेळेवर होत नसून, केवळ टक्केवारी आणि मलिदा लाटण्यातच प्रशासन व्यस्त असल्याचा आरोपही यावेळी करण्यात आला. राष्ट्रीय पुरुषांचा आणि आदरस्थानांचा अपमान करणाऱ्या तसेच कर्तव्यात कसूर करणाऱ्या संबंधित जबाबदार अधिकाऱ्यांवर आणि कर्मचाऱ्यांवर तात्काळ कडक प्रशासकीय कारवाई करण्यात यावी, अशी मागणी शहर काँग्रेसने केली आहे; अन्यथा तीव्र आंदोलन छेडण्याचा इशाराही त्यांनी दिला आहे.