नशा मुक्त युवा आणि निरोगी युवा या मोहिमे अंतर्गत टीबी संदर्भामध्ये जनजागृती नशामुक्त आणि टी.बी. मुक्त युवा अभियानातून विद्यार्थ्यांमध्ये जनजागृती- डॉ. एम. एच. सौदागर उदगीर (प्रतिनिधी) छत्रपती शिवाजीराजे महाविद्यालयात राष्ट्रीय सेवा योजना विभाग व राष्ट्रीय छात्रसेना विभागाच्या संयुक्त विद्यमाने ‘नशामुक्त आणि टी.बी. मुक्त युवा अभियान’ अंतर्गत जनजागृती कार्यक्रमाचे आयोजन करण्यात आले. युवकांनी व्यसनांपासून दूर राहून निरोगी जीवनशैलीचा स्वीकार करावा तसेच क्षयरोगाबाबत समाजामध्ये जनजागृती निर्माण करावी, हा या अभियानाचा मुख्य उद्देश होता. कार्यक्रमाच्या अध्यक्षस्थानी महाविद्यालयाचे प्राचार्य डॉ. रामकिशन मांजरे होते, तर प्रमुख पाहुणे व मार्गदर्शक म्हणून डॉ. एम. एच. सौदागर उपस्थित होते. कार्यक्रमाच्या प्रारंभी डॉ. अतिष आकडे यांनी प्रास्ताविकातून नशेचे वाढते दुष्परिणाम, युवकांवर होणारा परिणाम तसेच क्षयरोगासारख्या आजारांविषयी जागरूकता निर्माण करण्याची गरज स्पष्ट केली. यावेळी मार्गदर्शन करताना डॉ. एम. एच. सौदागर यांनी व्यसनमुक्त जीवनाचे महत्त्व विद्यार्थ्यांना समजावून सांगितले. तंबाखू, गुटखा, मद्य व इतर व्यसनांमुळे शरीरावर तसेच मानसिक आणि सामाजिक जीवनावर गंभीर परिणाम होतात. युवकांनी व्यसनांना ठामपणे नकार देऊन आपल्या आरोग्याची काळजी घ्यावी असे आवाहन त्यांनी केले. तसेच क्षयरोगाची लक्षणे, प्रतिबंधात्मक उपाय आणि वेळेवर उपचार घेण्याचे महत्त्व याबाबतही त्यांनी विद्यार्थ्यांना मार्गदर्शन केले. अध्यक्षीय मनोगतात प्राचार्य डॉ. रामकिशन मांजरे यांनी युवक हे देशाचे भविष्य असून निरोगी आणि व्यसनमुक्त युवा पिढी निर्माण करणे ही समाजाची सामूहिक जबाबदारी असल्याचे सांगितले. विद्यार्थ्यांनी स्वतः व्यसनांपासून दूर राहण्याबरोबरच आपल्या कुटुंबात व समाजातही आरोग्यविषयक जनजागृती करावी, असे आवाहन त्यांनी केले. कार्यक्रमाचे सूत्रसंचालन डॉ. विश्वनाथ भालेराव यांनी केले तर आभार प्रदर्शन डॉ. बालाजी सूर्यवंशी यांनी केले. कार्यक्रमास महाविद्यालयातील विद्यार्थी मोठ्या संख्येने उपस्थित होते. कार्यक्रमाच्या माध्यमातून विद्यार्थ्यांमध्ये व्यसनमुक्ती, आरोग्य संवर्धन आणि टी.बी. प्रतिबंधाबाबत सकारात्मक संदेश पोहोचला. ‘नशामुक्त युवा – निरोगी युवा’ आणि ‘टी.बी. मुक्त समाज - सशक्त भारत’या संकल्पनेला बळ देत कार्यक्रम उत्साहपूर्ण वातावरणात संपन्न झाला.

Laxman Ugile

उदगीर, लातूर, महाराष्ट्र•

42 min ago

नशा मुक्त युवा आणि निरोगी युवा या मोहिमे अंतर्गत टीबी संदर्भामध्ये जनजागृती नशामुक्त आणि टी.बी. मुक्त युवा अभियानातून विद्यार्थ्यांमध्ये जनजागृती- डॉ. एम. एच. सौदागर उदगीर (प्रतिनिधी) छत्रपती शिवाजीराजे महाविद्यालयात राष्ट्रीय सेवा योजना विभाग व राष्ट्रीय छात्रसेना विभागाच्या संयुक्त विद्यमाने ‘नशामुक्त आणि टी.बी. मुक्त युवा अभियान’ अंतर्गत जनजागृती कार्यक्रमाचे आयोजन करण्यात आले. युवकांनी व्यसनांपासून दूर राहून निरोगी जीवनशैलीचा स्वीकार करावा तसेच क्षयरोगाबाबत समाजामध्ये जनजागृती निर्माण करावी, हा या अभियानाचा मुख्य उद्देश होता. कार्यक्रमाच्या अध्यक्षस्थानी महाविद्यालयाचे प्राचार्य डॉ. रामकिशन मांजरे होते, तर प्रमुख पाहुणे व मार्गदर्शक म्हणून डॉ. एम. एच. सौदागर उपस्थित होते. कार्यक्रमाच्या प्रारंभी डॉ. अतिष आकडे यांनी प्रास्ताविकातून नशेचे वाढते दुष्परिणाम, युवकांवर होणारा परिणाम तसेच क्षयरोगासारख्या आजारांविषयी जागरूकता निर्माण करण्याची गरज स्पष्ट केली. यावेळी मार्गदर्शन करताना डॉ. एम. एच. सौदागर यांनी व्यसनमुक्त जीवनाचे महत्त्व विद्यार्थ्यांना समजावून सांगितले. तंबाखू, गुटखा, मद्य व इतर व्यसनांमुळे शरीरावर तसेच मानसिक आणि सामाजिक जीवनावर गंभीर परिणाम होतात. युवकांनी व्यसनांना ठामपणे नकार देऊन आपल्या आरोग्याची काळजी घ्यावी असे आवाहन त्यांनी केले. तसेच क्षयरोगाची लक्षणे, प्रतिबंधात्मक उपाय आणि वेळेवर उपचार घेण्याचे महत्त्व याबाबतही त्यांनी विद्यार्थ्यांना मार्गदर्शन केले. अध्यक्षीय मनोगतात प्राचार्य डॉ. रामकिशन मांजरे यांनी युवक हे देशाचे भविष्य असून निरोगी आणि व्यसनमुक्त युवा पिढी निर्माण करणे ही समाजाची सामूहिक जबाबदारी असल्याचे सांगितले. विद्यार्थ्यांनी स्वतः व्यसनांपासून दूर राहण्याबरोबरच आपल्या कुटुंबात व समाजातही आरोग्यविषयक जनजागृती करावी, असे आवाहन त्यांनी केले. कार्यक्रमाचे सूत्रसंचालन डॉ. विश्वनाथ भालेराव यांनी केले तर आभार प्रदर्शन डॉ. बालाजी सूर्यवंशी यांनी केले. कार्यक्रमास महाविद्यालयातील विद्यार्थी मोठ्या संख्येने उपस्थित होते. कार्यक्रमाच्या माध्यमातून विद्यार्थ्यांमध्ये व्यसनमुक्ती, आरोग्य संवर्धन आणि टी.बी. प्रतिबंधाबाबत सकारात्मक संदेश पोहोचला. ‘नशामुक्त युवा – निरोगी युवा’ आणि ‘टी.बी. मुक्त समाज - सशक्त भारत’या संकल्पनेला बळ देत कार्यक्रम उत्साहपूर्ण वातावरणात संपन्न झाला.