शेतकऱ्यांना दिवसा १२ तास वीज मिळावी यासाठी महत्वपूर्ण आढावा बैठक! आमदार रिसोड : शेतकऱ्यांना शेतीसाठी दिवसा १२ तास सुरळीत व सातत्यपूर्ण वीजपुरवठा उपलब्ध व्हावा, यासाठी आमदार अमित झनक यांनी महावितरण, वाशिम येथील अधिकाऱ्यांसोबत आढावा बैठक घेतली. या बैठकीत शेतकऱ्यांना सध्या भेडसावणाऱ्या वीजपुरवठ्याच्या विविध अडचणी, विद्युत यंत्रणेची सद्यस्थिती, उपलब्ध वीजपुरवठा तसेच शेतीसाठी वीजपुरवठा अधिक सुरळीत करण्याच्या उपाययोजनांवर सविस्तर चर्चा करण्यात आली. शेतीच्या हंगामात पिकांना वेळेवर पाणी मिळणे अत्यंत आवश्यक असल्याने वीजपुरवठ्यातील अनियमिततेचा थेट परिणाम शेतकऱ्यांच्या शेतीवर होतो. त्यामुळे दिवसा वीज उपलब्ध झाल्यास शेतकऱ्यांना सिंचन करणे अधिक सोयीचे होणार आहे. यासाठी विद्युत यंत्रणेतील अडथळे दूर करून वीजपुरवठा सुरळीत करण्याच्या दृष्टीने आवश्यक उपाययोजना करण्याबाबत आमदार अमित झनक यांनी अधिकाऱ्यांशी चर्चा केली. शेतकऱ्यांच्या वीजविषयक समस्या गांभीर्याने घेऊन त्यावर तातडीने कार्यवाही करण्याची गरज असल्याचे यावेळी अधोरेखित करण्यात आले. दिवसा १२ तास वीजपुरवठा उपलब्ध करून देण्याच्या दृष्टीने महावितरणकडून आवश्यक नियोजन करण्यात यावे, अशी मागणीही बैठकीत करण्यात आली.

के.के. रिपोर्टर

Spa रिसोड, वाशिम, महाराष्ट्र•

1 hr ago

शेतकऱ्यांना दिवसा १२ तास वीज मिळावी यासाठी महत्वपूर्ण आढावा बैठक! आमदार रिसोड : शेतकऱ्यांना शेतीसाठी दिवसा १२ तास सुरळीत व सातत्यपूर्ण वीजपुरवठा उपलब्ध व्हावा, यासाठी आमदार अमित झनक यांनी महावितरण, वाशिम येथील अधिकाऱ्यांसोबत आढावा बैठक घेतली. या बैठकीत शेतकऱ्यांना सध्या भेडसावणाऱ्या वीजपुरवठ्याच्या विविध अडचणी, विद्युत यंत्रणेची सद्यस्थिती, उपलब्ध वीजपुरवठा तसेच शेतीसाठी वीजपुरवठा अधिक सुरळीत करण्याच्या उपाययोजनांवर सविस्तर चर्चा करण्यात आली. शेतीच्या हंगामात पिकांना वेळेवर पाणी मिळणे अत्यंत आवश्यक असल्याने वीजपुरवठ्यातील अनियमिततेचा थेट परिणाम शेतकऱ्यांच्या शेतीवर होतो. त्यामुळे दिवसा वीज उपलब्ध झाल्यास शेतकऱ्यांना सिंचन करणे अधिक सोयीचे होणार आहे. यासाठी विद्युत यंत्रणेतील अडथळे दूर करून वीजपुरवठा सुरळीत करण्याच्या दृष्टीने आवश्यक उपाययोजना करण्याबाबत आमदार अमित झनक यांनी अधिकाऱ्यांशी चर्चा केली. शेतकऱ्यांच्या वीजविषयक समस्या गांभीर्याने घेऊन त्यावर तातडीने कार्यवाही करण्याची गरज असल्याचे यावेळी अधोरेखित करण्यात आले. दिवसा १२ तास वीजपुरवठा उपलब्ध करून देण्याच्या दृष्टीने महावितरणकडून आवश्यक नियोजन करण्यात यावे, अशी मागणीही बैठकीत करण्यात आली.