జిల్లాలోని ప్రతి గ్రామాన్ని రెవెన్యూ సమస్యలు లేని ఆదర్శ గ్రామాలుగా తీర్చిదిద్దడమే యంత్రాంగం ప్రధాన లక్ష్యమని జిల్లా కలెక్టర్‌ స్వప్నిల్‌ దినకర్‌ పుండ్కర్‌ స్పష్టం చేశారు. ముఖ్యమంత్రి నారా చంద్రబాబు నాయుడు అత్యంత ప్రతిష్టాత్మకంగా ప్రవేశపెట్టిన 'ఒక నెల-ఒక నియోజకవర్గం-నాలుగు పర్యటనలు' కార్యాచరణలో భాగంగా పలాస మండలం రాజగోపాలపురం గ్రామంలో ప్రత్యేక కార్యక్రమం నిర్వహించారు. ఈ సందర్భంగా గ్రామంలో పర్యటించిన కలెక్టర్‌ ప్రజల నుంచి స్వయంగా అర్జీలను స్వీకరించి, అధికారులతో కలిసి వాటిని క్షుణ్ణంగా పరిశీలించి, త్వరితగతిన పరిష్కార దిశగా చర్యలు చేపట్టాలని ఆదేశించారు. రెవెన్యూ సమస్యల శాశ్వత పరిష్కారానికి రూపొందించిన నాలుగు విడతల కార్యాచరణను కలెక్టర్‌ వివరించారు. మొదటి, రెండో విడతల్లో ప్రజల నుంచి భూ సమస్యలపై ఫిర్యాదులను క్షేత్రస్థాయిలో స్వీకరించి, లోతుగా పరిశీలిస్తామని, మూడో విడతలో ఆయా సమస్యలకు పూర్తిస్థాయి పరిష్కారం చూపుతామని తెలిపారు. ఇక నాలుగో విడతలో అత్యంత క్లిష్టమైన భూ వివాదాలపై నేరుగా క్షేత్రస్థాయికి వెళ్లి, ఇరువర్గాలను పిలిపించి మాట్లాడతామని, కోర్టుల చుట్టూ తిరిగే పనిలేకుండా పోలీస్‌, రెవెన్యూ శాఖల ఉమ్మడి సమన్వయంతో సమస్యలు సామరస్యపూర్వకంగా ముగిసేలా చర్యలు తీసుకుంటామని భరోసా ఇచ్చారు. కేవలం రెవెన్యూ రంగానికే పరిమితం కాకుండా తాగునీటి ఎద్దడి, గత ప్రభుత్వ హయాంలో నిలిచిపోయిన గృహ నిర్మాణ బిల్లుల బకాయిల విడుదల, ప్రభుత్వ భూముల ఆక్రమణల తొలగింపు వంటి అంశాలపై కూడా ప్రత్యేక దృష్టి సారించనున్నట్లు కలెక్టర్‌ పేర్కొన్నారు. జిల్లాలో ఎక్కువ రెవెన్యూ సమస్యలున్న గ్రామాలను గుర్తించి, ప్రతి శుక్రవారం నాలుగు విడతలుగా ఆయా గ్రామాల్లోనే పర్యటించి సమస్యలు చక్కదిద్దుతామని చెప్పారు. కాగా, వచ్చే వారం మళ్లీ ఇదే గ్రామానికి వస్తామని, ఈ నాలుగు వారాల పాటు స్థానిక ఆర్డీఓ, తహశీల్దార్‌లు ఇక్కడే అందుబాటులో ఉండి సమస్యల పరిష్కారానికి బాధ్యత వహించాలని కలెక్టర్‌ ఆదేశించారు. ఈ పర్యటనలో జాయింట్ కలెక్టర్ ఫర్మాన్ అహ్మద్ ఖాన్, పలాస ఆర్డీఓ టి.అప్పలరాజు, తహశీల్దార్ టీ కళ్యాణ చక్రవర్తి, కాశీబుగ్గ డీఎస్పీ భవాని, సీఐ వై.రామకృష్ణ, ఎంపీడీఓ కే.వసంత్ కుమార్, ప్రత్యేక అధికారి రవికుమార్, ఆప్కో చైర్మన్ వజ్జ బాబురావు, ఏఎంసీ చైర్మన్ మల్లా శ్రీనివాసరావు, జిల్లా గ్రంథాలయ సంస్థ చైర్మన్ పీరుకట్ల విట్టల్, తెదేపా మండల అధ్యక్షుడు కుత్తుం లక్ష్మణ్ కుమార్, నాయకులు దువ్వాడ సంతోష్ కుమార్ సహా పలువురు స్థానిక ప్రజాప్రతినిధులు, అధికారులు పాల్గొన్నారు.

Dr.Gangu Manmadharao

జర్నలిస్ట్ శ్రీకాకుళం, శ్రీకాకుళం, ఆంధ్రప్రదేశ్•

13 hrs ago

జిల్లాలోని ప్రతి గ్రామాన్ని రెవెన్యూ సమస్యలు లేని ఆదర్శ గ్రామాలుగా తీర్చిదిద్దడమే యంత్రాంగం ప్రధాన లక్ష్యమని జిల్లా కలెక్టర్‌ స్వప్నిల్‌ దినకర్‌ పుండ్కర్‌ స్పష్టం చేశారు. ముఖ్యమంత్రి నారా చంద్రబాబు నాయుడు అత్యంత ప్రతిష్టాత్మకంగా ప్రవేశపెట్టిన 'ఒక నెల-ఒక నియోజకవర్గం-నాలుగు పర్యటనలు' కార్యాచరణలో భాగంగా పలాస మండలం రాజగోపాలపురం గ్రామంలో ప్రత్యేక కార్యక్రమం నిర్వహించారు. ఈ సందర్భంగా గ్రామంలో పర్యటించిన కలెక్టర్‌ ప్రజల నుంచి స్వయంగా అర్జీలను స్వీకరించి, అధికారులతో కలిసి వాటిని క్షుణ్ణంగా పరిశీలించి, త్వరితగతిన పరిష్కార దిశగా చర్యలు చేపట్టాలని ఆదేశించారు. రెవెన్యూ

సమస్యల శాశ్వత పరిష్కారానికి రూపొందించిన నాలుగు విడతల కార్యాచరణను కలెక్టర్‌ వివరించారు. మొదటి, రెండో విడతల్లో ప్రజల నుంచి భూ సమస్యలపై ఫిర్యాదులను క్షేత్రస్థాయిలో స్వీకరించి, లోతుగా పరిశీలిస్తామని, మూడో విడతలో ఆయా సమస్యలకు పూర్తిస్థాయి పరిష్కారం చూపుతామని తెలిపారు. ఇక నాలుగో విడతలో అత్యంత క్లిష్టమైన భూ వివాదాలపై నేరుగా క్షేత్రస్థాయికి వెళ్లి, ఇరువర్గాలను పిలిపించి మాట్లాడతామని, కోర్టుల చుట్టూ తిరిగే పనిలేకుండా పోలీస్‌, రెవెన్యూ శాఖల ఉమ్మడి సమన్వయంతో సమస్యలు సామరస్యపూర్వకంగా ముగిసేలా చర్యలు తీసుకుంటామని భరోసా ఇచ్చారు. కేవలం రెవెన్యూ

రంగానికే పరిమితం కాకుండా తాగునీటి ఎద్దడి, గత ప్రభుత్వ హయాంలో నిలిచిపోయిన గృహ నిర్మాణ బిల్లుల బకాయిల విడుదల, ప్రభుత్వ భూముల ఆక్రమణల తొలగింపు వంటి అంశాలపై కూడా ప్రత్యేక దృష్టి సారించనున్నట్లు కలెక్టర్‌ పేర్కొన్నారు. జిల్లాలో ఎక్కువ రెవెన్యూ సమస్యలున్న గ్రామాలను గుర్తించి, ప్రతి శుక్రవారం నాలుగు విడతలుగా ఆయా గ్రామాల్లోనే పర్యటించి సమస్యలు చక్కదిద్దుతామని చెప్పారు. కాగా, వచ్చే వారం మళ్లీ ఇదే గ్రామానికి వస్తామని, ఈ నాలుగు వారాల పాటు స్థానిక ఆర్డీఓ, తహశీల్దార్‌లు ఇక్కడే అందుబాటులో ఉండి సమస్యల పరిష్కారానికి

బాధ్యత వహించాలని కలెక్టర్‌ ఆదేశించారు. ఈ పర్యటనలో జాయింట్ కలెక్టర్ ఫర్మాన్ అహ్మద్ ఖాన్, పలాస ఆర్డీఓ టి.అప్పలరాజు, తహశీల్దార్ టీ కళ్యాణ చక్రవర్తి, కాశీబుగ్గ డీఎస్పీ భవాని, సీఐ వై.రామకృష్ణ, ఎంపీడీఓ కే.వసంత్ కుమార్, ప్రత్యేక అధికారి రవికుమార్, ఆప్కో చైర్మన్ వజ్జ బాబురావు, ఏఎంసీ చైర్మన్ మల్లా శ్రీనివాసరావు, జిల్లా గ్రంథాలయ సంస్థ చైర్మన్ పీరుకట్ల విట్టల్, తెదేపా మండల అధ్యక్షుడు కుత్తుం లక్ష్మణ్ కుమార్, నాయకులు దువ్వాడ సంతోష్ కుమార్ సహా పలువురు స్థానిక ప్రజాప్రతినిధులు, అధికారులు పాల్గొన్నారు.