ദേശീയപാതയിൽ ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തിൽ ആലുവ ഫെഡറൽ ബാങ്കിലെ ജീവനക്കാരിയായ യുവതി മരിച്ചു. ബീഹാർ സീതാമർഹി ജില്ലയിലെ ദേവേന്ദ്ര പ്രസാദിന്റെയും ബീനാകുമാരിയുടെയും മകൾ വന്ദന (25) ആണ് മരണപ്പെട്ടത്. വ്യാഴാഴ്ച രാത്രി 8:30 ഓടെ കൊടകര പേരാമ്പ്ര മേൽപ്പാലത്തിലായിരുന്നു അപകടം നടന്നത്. ഭർത്താവിന്റെ വീടായ പാലക്കാട് ചിറ്റിലഞ്ചേരി വട്ടോമ്പാടം നൊച്ചിക്കാട്ടിലേക്ക് ഭർത്താവിന്റെ സഹോദരനോടൊപ്പം ബൈക്കിൽ വരുന്നതിനിടയിലാണ് അപകടമുണ്ടായത്. ബൈക്ക് നിയന്ത്രണം വിട്ട് മറിഞ്ഞതിനെ തുടർന്ന് പിന്നിലിരുന്ന വന്ദന റോഡിലേക്ക് തെറിച്ചുവീഴുകയായിരുന്നു. ഗുരുതരമായി പരിക്കേറ്റ വന്ദനയെ ഉടൻ തന്നെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരണപ്പെടുകയായിരുന്നു. പോസ്റ്റ്മോർട്ടത്തിന് ശേഷം മൃതദേഹം നെന്മാറയിലെ സ്വകാര്യ ആശുപത്രി മോർച്ചറിയിലേക്ക് മാറ്റി. നേവി ഉദ്യോഗസ്ഥനായ അജിത്താണ് വന്ദനയുടെ ഭർത്താവ്. അർച്ചന (ഓസ്ട്രേലിയ), പ്രശാന്ത് എന്നിവർ സഹോദരങ്ങളാണ്. സംസ്കാരം ഇന്ന് തിരുവില്വാമല ഐവർമഠം ശ്മശാനത്തിൽ നടക്കും.

Risban Mohamed

ആലത്തൂർ, പാലക്കാട്, കേരളം•

1 hr ago

ദേശീയപാതയിൽ ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തിൽ ആലുവ ഫെഡറൽ ബാങ്കിലെ ജീവനക്കാരിയായ യുവതി മരിച്ചു. ബീഹാർ സീതാമർഹി ജില്ലയിലെ ദേവേന്ദ്ര പ്രസാദിന്റെയും ബീനാകുമാരിയുടെയും മകൾ വന്ദന (25) ആണ് മരണപ്പെട്ടത്. വ്യാഴാഴ്ച രാത്രി 8:30 ഓടെ കൊടകര പേരാമ്പ്ര മേൽപ്പാലത്തിലായിരുന്നു അപകടം നടന്നത്. ഭർത്താവിന്റെ വീടായ പാലക്കാട് ചിറ്റിലഞ്ചേരി വട്ടോമ്പാടം നൊച്ചിക്കാട്ടിലേക്ക് ഭർത്താവിന്റെ സഹോദരനോടൊപ്പം ബൈക്കിൽ വരുന്നതിനിടയിലാണ് അപകടമുണ്ടായത്. ബൈക്ക് നിയന്ത്രണം വിട്ട് മറിഞ്ഞതിനെ തുടർന്ന് പിന്നിലിരുന്ന വന്ദന റോഡിലേക്ക് തെറിച്ചുവീഴുകയായിരുന്നു. ഗുരുതരമായി പരിക്കേറ്റ വന്ദനയെ ഉടൻ തന്നെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരണപ്പെടുകയായിരുന്നു. പോസ്റ്റ്മോർട്ടത്തിന് ശേഷം മൃതദേഹം നെന്മാറയിലെ സ്വകാര്യ ആശുപത്രി മോർച്ചറിയിലേക്ക് മാറ്റി. നേവി ഉദ്യോഗസ്ഥനായ അജിത്താണ് വന്ദനയുടെ ഭർത്താവ്. അർച്ചന (ഓസ്ട്രേലിയ), പ്രശാന്ത് എന്നിവർ സഹോദരങ്ങളാണ്. സംസ്കാരം ഇന്ന് തിരുവില്വാമല ഐവർമഠം ശ്മശാനത്തിൽ നടക്കും.