राजुरा तालुक्यातील पाचगाव येथे शुक्रवारी, १९ तारखेला शेतकऱ्यांसाठी एक मार्गदर्शन मेळावा आयोजित करण्यात आला होता. या मेळाव्यात नागपूर विभागाचे विभागीय कृषी सहसंचालक उमेश घाडगे यांनी दर्जेदार पीक उत्पादनासाठी योग्य बियाणे निवड, बीज प्रक्रिया आणि हवामान अनुकूल शेती पद्धतीचा अवलंब करणे ही काळाची गरज असल्याचे प्रतिपादन केले. एल निनोच्या पार्श्वभूमीवर शेतकऱ्यांनी शेतीत करायच्या विविध उपाययोजनांवर त्यांनी सविस्तर प्रकाश टाकला. बदलत्या हवामानाचा अंदाज घेऊन हवामान अनुकूल धान लागवड पद्धतीचा वापर करावा, तसेच जमिनीच्या सुपीकता निर्देशांकानुसारच योग्य ती खतमात्रा द्यावी, असे आवाहन त्यांनी केले. रासायनिक खतांचा वापर कमी करून जैविक निविष्ठांचा वापर वाढवण्याबाबत त्यांनी शेतकऱ्यांशी थेट संवाद साधत महत्त्वपूर्ण तांत्रिक माहिती दिली. या कार्यक्रमात राजुरा येथील उपविभागीय कृषी अधिकारी जाधव यांनी राष्ट्रीय नैसर्गिक शेती मिशनवर सविस्तर मार्गदर्शन केले. शेतीचा खर्च कमी करण्यासाठी आणि जमिनीचे आरोग्य टिकवण्यासाठी शेतकऱ्यांनी हिरवळीच्या खतांचा जास्तीत जास्त वापर करावा, असे आवाहन त्यांनी केले. तसेच बाजारपेठेतून बियाणे, खते आणि कृषी औषधे खरेदी करताना शेतकऱ्यांनी कोणती काळजी घ्यावी, याबाबत त्यांनी सतर्क केले. राजुरा तालुका कृषी अधिकारी विनायक पायघन साहेब यांनी कापूस उत्पादकता अभियान म्हणजेच 'कपास क्रांती' योजनेची सविस्तर माहिती शेतकऱ्यांना दिली. कापसाचे एकरी उत्पादन वाढवण्यासाठी अति घन लागवड पद्धत (एचडीपीएस) आणि जवळच्या अंतरावरील लागवड (सीएस) किती फायदेशीर आहे, हे त्यांनी उदाहरणांसह पटवून दिले. एकात्मिक पीक व्यवस्थापन (आयसीएम) पद्धतीचे महत्त्व आणि त्याचे होणारे आर्थिक फायदे सांगून शेतकऱ्यांना आधुनिक कापूस लागवडीचे तंत्रज्ञान आत्मसात करण्याचे आवाहनही त्यांनी केले. तत्पूर्वी, उप-कृषी अधिकारी गांदगीवार यांनी आपल्या प्रास्ताविक भाषणातून कार्यक्रमाची पार्श्वभूमी, मुख्य उद्देश आणि आयोजनाची कारणे स्पष्ट केली. या महत्त्वपूर्ण मार्गदर्शन मेळाव्याचे आयोजन पाचगाव येथील संस्कृती महिला बचत गट आणि सत्यमेव जयते फार्मर कप स्पर्धेत सहभागी भूमीपुत्र शेतकरी गट यांच्या संयुक्त विद्यमाने करण्यात आले होते. कृषी उत्पन्न बाजार समितीचे अध्यक्ष तिरुपती नंदुरकर, आत्मा प्रकल्पाचे तालुका अध्यक्ष रुपेश गडेकर, अंबुजा फाउंडेशनचे प्रक्षेत्र अधिकारी गोपाल जंबुलवार आणि मंडळ कृषी अधिकारी वाघमारे यांच्यासह गावातील प्रगतशील शेतकरी बंधू-भगिनी मोठ्या संख्येने उपस्थित होते. सहायक कृषी अधिकारी शिवाजी सोनकांबळे, जयपालसिंग जे. परमार, कृष्णा ठोंबरे आणि स्वप्निल वाव्हळ यांनी हा कार्यक्रम यशस्वी करण्यासाठी सहकार्य केले.

Disha News

Media house चंद्रपूर, चंद्रपूर, महाराष्ट्र•

6 hrs ago

राजुरा तालुक्यातील पाचगाव येथे शुक्रवारी, १९ तारखेला शेतकऱ्यांसाठी एक मार्गदर्शन मेळावा आयोजित करण्यात आला होता. या मेळाव्यात नागपूर विभागाचे विभागीय कृषी सहसंचालक उमेश घाडगे यांनी दर्जेदार पीक उत्पादनासाठी योग्य बियाणे निवड, बीज प्रक्रिया आणि हवामान अनुकूल शेती पद्धतीचा अवलंब करणे ही काळाची गरज असल्याचे प्रतिपादन केले. एल निनोच्या पार्श्वभूमीवर शेतकऱ्यांनी शेतीत करायच्या विविध उपाययोजनांवर त्यांनी सविस्तर प्रकाश टाकला. बदलत्या हवामानाचा अंदाज घेऊन हवामान अनुकूल धान लागवड पद्धतीचा वापर करावा, तसेच जमिनीच्या सुपीकता निर्देशांकानुसारच योग्य ती खतमात्रा द्यावी, असे आवाहन त्यांनी केले. रासायनिक खतांचा वापर कमी करून जैविक निविष्ठांचा वापर वाढवण्याबाबत त्यांनी शेतकऱ्यांशी थेट संवाद साधत महत्त्वपूर्ण तांत्रिक माहिती दिली. या कार्यक्रमात राजुरा येथील उपविभागीय कृषी अधिकारी जाधव यांनी राष्ट्रीय नैसर्गिक शेती मिशनवर सविस्तर मार्गदर्शन केले. शेतीचा खर्च कमी करण्यासाठी आणि जमिनीचे आरोग्य टिकवण्यासाठी शेतकऱ्यांनी हिरवळीच्या खतांचा जास्तीत जास्त वापर करावा, असे आवाहन त्यांनी केले. तसेच बाजारपेठेतून बियाणे, खते आणि कृषी औषधे खरेदी करताना शेतकऱ्यांनी कोणती काळजी घ्यावी, याबाबत त्यांनी सतर्क केले. राजुरा तालुका कृषी अधिकारी विनायक पायघन साहेब यांनी कापूस उत्पादकता अभियान म्हणजेच 'कपास क्रांती' योजनेची सविस्तर माहिती शेतकऱ्यांना दिली. कापसाचे एकरी उत्पादन वाढवण्यासाठी अति घन लागवड पद्धत (एचडीपीएस) आणि जवळच्या अंतरावरील लागवड (सीएस) किती फायदेशीर आहे, हे त्यांनी उदाहरणांसह पटवून दिले. एकात्मिक पीक व्यवस्थापन (आयसीएम) पद्धतीचे महत्त्व आणि त्याचे होणारे आर्थिक फायदे सांगून शेतकऱ्यांना आधुनिक कापूस लागवडीचे तंत्रज्ञान आत्मसात करण्याचे आवाहनही त्यांनी केले. तत्पूर्वी, उप-कृषी अधिकारी गांदगीवार यांनी आपल्या प्रास्ताविक भाषणातून कार्यक्रमाची पार्श्वभूमी, मुख्य उद्देश आणि आयोजनाची कारणे स्पष्ट केली. या महत्त्वपूर्ण मार्गदर्शन मेळाव्याचे आयोजन पाचगाव येथील संस्कृती महिला बचत गट आणि सत्यमेव जयते फार्मर कप स्पर्धेत सहभागी भूमीपुत्र शेतकरी गट यांच्या संयुक्त विद्यमाने करण्यात आले होते. कृषी उत्पन्न बाजार समितीचे अध्यक्ष तिरुपती नंदुरकर, आत्मा प्रकल्पाचे तालुका अध्यक्ष रुपेश गडेकर, अंबुजा फाउंडेशनचे प्रक्षेत्र अधिकारी गोपाल जंबुलवार आणि मंडळ कृषी अधिकारी वाघमारे यांच्यासह गावातील प्रगतशील शेतकरी बंधू-भगिनी मोठ्या संख्येने उपस्थित होते. सहायक कृषी अधिकारी शिवाजी सोनकांबळे, जयपालसिंग जे. परमार, कृष्णा ठोंबरे आणि स्वप्निल वाव्हळ यांनी हा कार्यक्रम यशस्वी करण्यासाठी सहकार्य केले.