गावठी दारूची हातभट्टी उद्ध्वस्त:साडेचार लाखांचा मुद्देमाल जप्त ठाणे ग्रामीण पोलिसांनी भिवंडीतील खार्डीगाव खाडी परिसरात सुरू असलेल्या एका अवैध गावठी दारूच्या हातभट्टीवर छापा टाकून ती उद्ध्वस्त केली. या कारवाईत पोलिसांनी सुमारे चार लाख ३२ हजार ७०० रुपये किमतीचे दारू निर्मितीचे साहित्य आणि कच्चा माल जप्त केला आहे. ठाणे ग्रामीण पोलिस अधीक्षक डॉ. डी. एस. स्वामी यांनी जिल्ह्यातील अवैध धंद्यांविरुद्ध विशेष मोहीम उघडली आहे. याच मोहिमेअंतर्गत, स्थानिक गुन्हे शाखेच्या भिवंडी युनिटला मौजे खार्डीगावजवळील खाडीच्या झाडीझुडपात अवैध दारूची निर्मिती होत असल्याची गोपनीय माहिती मिळाली होती. स्थानिक गुन्हे शाखेचे वरिष्ठ पोलिस निरीक्षक संदीप गीते यांच्या मार्गदर्शनाखाली पथकाने शुक्रवारी (ता. ९) या ठिकाणी छापा टाकला. घटनास्थळावरून दारू तयार करण्यासाठी लागणारे रसायन, कच्चा माल आणि उपकरणे असा एकूण ४.३२ लाखांचा मुद्देमाल जप्त करण्यात आला. पोलिसांच्या येण्याची चाहूल लागताच, मुख्य आरोपी विजय काशिनाथ तांगडी याने खाडीच्या पाण्याचा आणि दाट झाडीचा फायदा घेत तिथून पळ काढला. याप्रकरणी फरार आरोपी विजय तांगडीविरोधात भिवंडी तालुका पोलिस ठाण्यात महाराष्ट्र दारूबंदी अधिनियम कलम ६५ (ब), (क), (फ) अन्वये गुन्हा दाखल करण्यात आला आहे. पोलिस सध्या आरोपीचा कसून शोध घेत असून, पुढील तपास भिवंडी तालुका पोलिस करीत आहेत.

लोक हिंद चॅनल

Journalist शहापूर, ठाणे, महाराष्ट्र•

12 hrs ago

गावठी दारूची हातभट्टी उद्ध्वस्त:साडेचार लाखांचा मुद्देमाल जप्त ठाणे ग्रामीण पोलिसांनी भिवंडीतील खार्डीगाव खाडी परिसरात सुरू असलेल्या एका अवैध गावठी दारूच्या हातभट्टीवर छापा टाकून ती उद्ध्वस्त केली. या कारवाईत पोलिसांनी सुमारे चार लाख ३२ हजार ७०० रुपये किमतीचे दारू निर्मितीचे साहित्य आणि कच्चा माल जप्त केला आहे. ठाणे ग्रामीण पोलिस अधीक्षक डॉ. डी. एस. स्वामी यांनी जिल्ह्यातील अवैध धंद्यांविरुद्ध विशेष मोहीम उघडली आहे. याच मोहिमेअंतर्गत, स्थानिक गुन्हे शाखेच्या भिवंडी युनिटला मौजे खार्डीगावजवळील खाडीच्या झाडीझुडपात अवैध दारूची निर्मिती होत असल्याची गोपनीय माहिती मिळाली होती. स्थानिक गुन्हे शाखेचे वरिष्ठ पोलिस निरीक्षक संदीप गीते यांच्या मार्गदर्शनाखाली पथकाने शुक्रवारी (ता. ९) या ठिकाणी छापा टाकला. घटनास्थळावरून दारू तयार करण्यासाठी लागणारे रसायन, कच्चा माल आणि उपकरणे असा एकूण ४.३२ लाखांचा मुद्देमाल जप्त करण्यात आला. पोलिसांच्या येण्याची चाहूल लागताच, मुख्य आरोपी विजय काशिनाथ तांगडी याने खाडीच्या पाण्याचा आणि दाट झाडीचा फायदा घेत तिथून पळ काढला. याप्रकरणी फरार आरोपी विजय तांगडीविरोधात भिवंडी तालुका पोलिस ठाण्यात महाराष्ट्र दारूबंदी अधिनियम कलम ६५ (ब), (क), (फ) अन्वये गुन्हा दाखल करण्यात आला आहे. पोलिस सध्या आरोपीचा कसून शोध घेत असून, पुढील तपास भिवंडी तालुका पोलिस करीत आहेत.