भूमच्या 'समाधान शिबिरा'त समाधान होणार की राजकीय सामना? जिल्ह्याचे लक्ष एकाच व्यासपीठाकडे ! भूमच्या 'समाधान शिबिरा'त समाधान होणार की राजकीय सामना? जिल्ह्याचे लक्ष एकाच व्यासपीठाकडे ! धाराशिव | प्रतिनिधी भूम येथे शनिवार, 1 ऑगस्ट रोजी होणारे 'छत्रपती शिवाजी महाराज महसूल समाधान शिबिर' हे केवळ नागरिकांच्या तक्रार निवारणापुरते मर्यादित राहणार की जिल्ह्यातील राजकीय समीकरणांना नवे वळण देणार, याची उत्सुकता संपूर्ण धाराशिव जिल्ह्याला लागली आहे. यंदाच्या शिबिराचे विशेष आकर्षण म्हणजे जिल्हा परिषद अध्यक्षा अर्चनाताई पाटील आणि त्यांचे भावजय-दीर असलेले खासदार ओमराजे निंबाळकर हे एकाच व्यासपीठावर उपस्थित राहणार आहेत. या उपस्थितीमुळे राजकीय वर्तुळात विविध चर्चांना उधाण आले आहे. परंडा विधानसभा मतदारसंघातील नागरिकांच्या विविध महसुली व शासकीय कामांचा तातडीने निपटारा करण्यासाठी सकाळी 10 वाजता रामहारी मंगल कार्यालय, नगर रोड, भूम येथे शिबिराचे आयोजन करण्यात आले आहे. शिबिराचे उद्घाटन आमदार प्रा. डॉ. तानाजीराव सावंत यांच्या हस्ते होणार असून, प्रमुख पाहुण्या म्हणून अर्चनाताई पाटील उपस्थित राहणार आहेत. तर खासदार ओमराजे निंबाळकर यांची प्रमुख उपस्थिती कार्यक्रमाचे राजकीय महत्त्व अधिक वाढवणारी ठरणार आहे. धाराशिवच्या राजकारणात गेल्या काही महिन्यांपासून आरोप-प्रत्यारोप, कुरघोडी आणि बदलती समीकरणे चर्चेचा विषय ठरत आहेत. अशा पार्श्वभूमीवर सावंत, अर्चनाताई पाटील आणि खासदार ओमराजे हे एकाच मंचावर दिसणार असल्याने अनेकांच्या नजरा या कार्यक्रमाकडे लागल्या आहेत. लोकसभा निवडणुकीत अर्चनाताई पाटील यांच्या विजयासाठी आमदार सावंत यांनी घेतलेली भूमिका आणि त्यानंतर स्थानिक राजकारणात निर्माण झालेल्या घडामोडी अजूनही चर्चेत आहेत. त्यामुळे या कार्यक्रमातून काही नवे राजकीय संकेत मिळतात का, याची उत्सुकता राजकीय निरीक्षकांना आहे. कार्यक्रमाला विधान परिषद सदस्य बसवराज पाटील, विक्रम काळे, सतीश चव्हाण, नगराध्यक्षा संयोगिता गाढवे, जिल्हाधिकारी कीर्ती किरण पुजार, मुख्य कार्यकारी अधिकारी प्रियवंदा म्हाडदळकर, पोलीस अधीक्षक रितू खोखर यांच्यासह विविध विभागांचे अधिकारी व लोकप्रतिनिधी उपस्थित राहणार आहेत. दरम्यान, उपविभागीय अधिकारी ज्योती चौहान, तहसीलदार जयवंत पाटील (भूम), निलेश काकडे (परंडा) आणि प्रकाश म्हेत्रे (वाशी) यांनी नागरिकांनी मोठ्या संख्येने उपस्थित राहून महसुली सेवा, विविध शासकीय योजना आणि प्रलंबित प्रकरणांचा लाभ घ्यावा, असे आवाहन केले आहे. आता लक्ष एकाच गोष्टीकडे... हे 'समाधान शिबिर' नागरिकांच्या प्रश्नांचे समाधान करणार, की राजकीय घडामोडींमुळे चर्चेचा नवा विषय ठरणार?

आप्पा भगवान सिरसाठे

Newspaper publisher उस्मानाबाद, उस्मानाबाद, महाराष्ट्र•

15 hrs ago

भूमच्या 'समाधान शिबिरा'त समाधान होणार की राजकीय सामना? जिल्ह्याचे लक्ष एकाच व्यासपीठाकडे ! भूमच्या 'समाधान शिबिरा'त समाधान होणार की राजकीय सामना? जिल्ह्याचे लक्ष एकाच व्यासपीठाकडे ! धाराशिव | प्रतिनिधी भूम येथे शनिवार, 1 ऑगस्ट रोजी होणारे 'छत्रपती शिवाजी महाराज महसूल समाधान शिबिर' हे केवळ नागरिकांच्या तक्रार निवारणापुरते मर्यादित राहणार की जिल्ह्यातील राजकीय समीकरणांना नवे वळण देणार, याची उत्सुकता संपूर्ण धाराशिव जिल्ह्याला लागली आहे. यंदाच्या शिबिराचे विशेष आकर्षण म्हणजे जिल्हा परिषद अध्यक्षा अर्चनाताई पाटील आणि त्यांचे भावजय-दीर असलेले खासदार ओमराजे निंबाळकर हे एकाच व्यासपीठावर उपस्थित राहणार आहेत. या उपस्थितीमुळे राजकीय वर्तुळात विविध चर्चांना उधाण आले आहे. परंडा विधानसभा मतदारसंघातील नागरिकांच्या विविध महसुली व शासकीय कामांचा तातडीने निपटारा करण्यासाठी सकाळी 10 वाजता रामहारी मंगल कार्यालय, नगर रोड, भूम येथे शिबिराचे आयोजन करण्यात आले आहे. शिबिराचे उद्घाटन आमदार प्रा. डॉ. तानाजीराव सावंत यांच्या हस्ते होणार असून, प्रमुख पाहुण्या म्हणून अर्चनाताई पाटील उपस्थित राहणार आहेत. तर खासदार ओमराजे निंबाळकर यांची प्रमुख उपस्थिती कार्यक्रमाचे राजकीय महत्त्व अधिक वाढवणारी ठरणार आहे. धाराशिवच्या राजकारणात गेल्या काही महिन्यांपासून आरोप-प्रत्यारोप, कुरघोडी आणि बदलती समीकरणे चर्चेचा विषय ठरत आहेत. अशा पार्श्वभूमीवर सावंत, अर्चनाताई पाटील आणि खासदार ओमराजे हे एकाच मंचावर दिसणार असल्याने अनेकांच्या नजरा या कार्यक्रमाकडे लागल्या आहेत. लोकसभा निवडणुकीत अर्चनाताई पाटील यांच्या विजयासाठी आमदार सावंत यांनी घेतलेली भूमिका आणि त्यानंतर स्थानिक राजकारणात निर्माण झालेल्या घडामोडी अजूनही चर्चेत आहेत. त्यामुळे या कार्यक्रमातून काही नवे राजकीय संकेत मिळतात का, याची उत्सुकता राजकीय निरीक्षकांना आहे. कार्यक्रमाला विधान परिषद सदस्य बसवराज पाटील, विक्रम काळे, सतीश चव्हाण, नगराध्यक्षा संयोगिता गाढवे, जिल्हाधिकारी कीर्ती किरण पुजार, मुख्य कार्यकारी अधिकारी प्रियवंदा म्हाडदळकर, पोलीस अधीक्षक रितू खोखर यांच्यासह विविध विभागांचे अधिकारी व लोकप्रतिनिधी उपस्थित राहणार आहेत. दरम्यान, उपविभागीय अधिकारी ज्योती चौहान, तहसीलदार जयवंत पाटील (भूम), निलेश काकडे (परंडा) आणि प्रकाश म्हेत्रे (वाशी) यांनी नागरिकांनी मोठ्या संख्येने उपस्थित राहून महसुली सेवा, विविध शासकीय योजना आणि प्रलंबित प्रकरणांचा लाभ घ्यावा, असे आवाहन केले आहे. आता लक्ष एकाच गोष्टीकडे... हे 'समाधान शिबिर' नागरिकांच्या प्रश्नांचे समाधान करणार, की राजकीय घडामोडींमुळे चर्चेचा नवा विषय ठरणार?