कुही शहरात खड्डयांचे साम्राज्य :पावसामुळे रस्त्यांची दुरावस्था कुही : प्रतिनिधी सतत सुरू असलेल्या पावसामुळे कुही शहरातील अनेक प्रमुख तसेच अंतर्गत रस्त्यांवर मोठमोठे खड्डे पडले असून शहरात अक्षरशः खड्ड्यांचे साम्राज्य निर्माण झाले आहे. पावसाचे पाणी खड्ड्यांमध्ये साचत असल्याने वाहनचालकांसह पादचाऱ्यांनाही मोठा मनस्ताप सहन करावा लागत आहे. शहरातील विविध भागांतील रस्त्यांची अवस्था अत्यंत बिकट झाली असून दुचाकीस्वारांना वाहन चालविताना मोठी कसरत करावी लागत आहे. खड्ड्यांमध्ये पाणी साचल्याने त्यांचा अंदाज येत नसल्यामुळे अपघाताची शक्यता वाढली आहे. नागरिकांना रोजच्या प्रवासात वाहतूक कोंडी, वाहनांचे नुकसान आणि जीव धोक्यात घालून प्रवास करावा लागत आहे. स्थानिक नागरिकांनी संबंधित प्रशासनाकडे वारंवार तक्रारी करूनही रस्त्यांच्या दुरुस्तीकडे दुर्लक्ष होत असल्याची नाराजी व्यक्त केली आहे. पावसाळा सुरू असतानाच तातडीने खड्डे बुजवून रस्ते सुरक्षित करण्याची मागणी नागरिकांकडून होत आहे. अन्यथा एखादी गंभीर दुर्घटना घडल्यास त्याची जबाबदारी संबंधित प्रशासनावर राहील, असा इशाराही नागरिकांनी दिला आहे.

Manoj Thawkar

Local News Reporter कुही, नागपूर, महाराष्ट्र•

2 hrs ago

कुही शहरात खड्डयांचे साम्राज्य :पावसामुळे रस्त्यांची दुरावस्था कुही : प्रतिनिधी सतत सुरू असलेल्या पावसामुळे कुही शहरातील अनेक प्रमुख तसेच अंतर्गत रस्त्यांवर मोठमोठे खड्डे पडले असून शहरात अक्षरशः खड्ड्यांचे साम्राज्य निर्माण झाले आहे. पावसाचे पाणी खड्ड्यांमध्ये साचत असल्याने वाहनचालकांसह पादचाऱ्यांनाही मोठा मनस्ताप सहन करावा लागत आहे. शहरातील विविध भागांतील रस्त्यांची अवस्था अत्यंत बिकट झाली असून दुचाकीस्वारांना वाहन चालविताना मोठी कसरत करावी लागत आहे. खड्ड्यांमध्ये पाणी साचल्याने त्यांचा अंदाज येत नसल्यामुळे अपघाताची शक्यता वाढली आहे. नागरिकांना रोजच्या प्रवासात वाहतूक कोंडी, वाहनांचे नुकसान आणि जीव धोक्यात घालून प्रवास करावा लागत आहे. स्थानिक नागरिकांनी संबंधित प्रशासनाकडे वारंवार तक्रारी करूनही रस्त्यांच्या दुरुस्तीकडे दुर्लक्ष होत असल्याची नाराजी व्यक्त केली आहे. पावसाळा सुरू असतानाच तातडीने खड्डे बुजवून रस्ते सुरक्षित करण्याची मागणी नागरिकांकडून होत आहे. अन्यथा एखादी गंभीर दुर्घटना घडल्यास त्याची जबाबदारी संबंधित प्रशासनावर राहील, असा इशाराही नागरिकांनी दिला आहे.