કાલોલ તાલુકાના વેજલપુર ગામમાં આવેલા માળી ફળિયામાં લાંબા સમયથી બિસ્માર હાલતમાં ઉભેલા એક જૂના જર્જરીત મકાનનો અડધો ભાગ અચાનક પત્તાના મહેલની જેમ ધરાશાયી થઈ ગયો છે. આ ઘટના દરમિયાન સદનસીબે આસપાસ કોઈ હાજર ન હોવાને કારણે મોટી જાનહાનિ ટળી ગઈ છે. જોકે, મકાનનો કાટમાળ રસ્તા પર વેરવિખેર થઈ જતાં સ્થાનિક રહીશોમાં ભારે ફફડાટ વ્યાપી ગયો છે. ચાલુ ચોમાસાની ઋતુમાં વરસાદને કારણે માળી ફળિયાના સાંકડા રસ્તા પર આવેલા આ મકાનનો મોટો હિસ્સો અચાનક તૂટી પડ્યો હતો. આ મકાનના પાયા અને લાકડાના સ્તંભો સડી ગયા છે, અને મકાનનો બાકીનો અડધો ભાગ પણ રસ્તા તરફ ભયજનક રીતે નમી પડેલો છે. આ બાકી રહેલો હિસ્સો ગમે ત્યારે સામાન્ય પવન કે વરસાદમાં પણ તૂટી પડે તેવી સ્થિતિમાં લટકી રહ્યો છે. આ ફળિયામાંથી દરરોજ નાના બાળકો, મહિલાઓ અને અસંખ્ય સ્થાનિક નાગરિકો પસાર થાય છે, જેના કારણે રહીશોના જીવ સતત અધ્ધર થઈ ગયા છે. આ ઘટના બાદ સ્થાનિક રહીશોમાં વહીવટી તંત્ર સામે ભારે નારાજગી જોવા મળી રહી છે. લોકોની માંગ છે કે કોઈ મોટી દુર્ઘટના સર્જાય કે કોઈનો જીવ જાય તે પહેલાં વેજલપુર ગ્રામ પંચાયત અને વહીવટી તંત્ર દ્વારા આ આખેઆખા જર્જરીત મકાનને તાકીદે ઉતારી લેવામાં આવે. આ સાથે જ, ગ્રામ પંચાયત દ્વારા ગામમાં આવેલા આવા અન્ય જૂના અને બંધ જર્જરીત મકાનોનો સઘન સર્વે કરી તમામ ભયજનક બાંધકામો સામે તાત્કાલિક ધોરણે કાયદેસરની કાર્યવાહી કરવામાં આવે. હવે જોવાનું એ રહેશે કે વેજલપુર ગ્રામ પંચાયતના સત્તાધીશો આ ગંભીર બાબતને કેટલી ગંભીરતાથી લઈ આગામી દિવસોમાં કડક કાર્યવાહી હાથ ધરે છે.

Virendra Mehta

Classified ads newspaper publisher Kalol, Panch Mahals•

2 hrs ago

કાલોલ તાલુકાના વેજલપુર ગામમાં આવેલા માળી ફળિયામાં લાંબા સમયથી બિસ્માર હાલતમાં ઉભેલા એક જૂના જર્જરીત મકાનનો અડધો ભાગ અચાનક પત્તાના મહેલની જેમ ધરાશાયી થઈ ગયો છે. આ ઘટના દરમિયાન સદનસીબે આસપાસ કોઈ હાજર ન હોવાને કારણે મોટી જાનહાનિ ટળી ગઈ છે. જોકે, મકાનનો કાટમાળ રસ્તા પર વેરવિખેર થઈ જતાં સ્થાનિક રહીશોમાં ભારે ફફડાટ વ્યાપી ગયો છે. ચાલુ ચોમાસાની ઋતુમાં વરસાદને કારણે માળી ફળિયાના સાંકડા રસ્તા પર આવેલા આ મકાનનો મોટો હિસ્સો અચાનક તૂટી પડ્યો હતો. આ મકાનના પાયા અને લાકડાના સ્તંભો સડી ગયા છે, અને મકાનનો બાકીનો અડધો ભાગ પણ રસ્તા તરફ ભયજનક રીતે નમી પડેલો છે. આ બાકી રહેલો હિસ્સો ગમે ત્યારે સામાન્ય પવન કે વરસાદમાં પણ તૂટી પડે તેવી સ્થિતિમાં લટકી રહ્યો છે. આ ફળિયામાંથી દરરોજ નાના બાળકો, મહિલાઓ અને અસંખ્ય સ્થાનિક નાગરિકો પસાર થાય છે, જેના કારણે રહીશોના જીવ સતત અધ્ધર થઈ ગયા છે. આ ઘટના બાદ સ્થાનિક રહીશોમાં વહીવટી તંત્ર સામે ભારે નારાજગી જોવા મળી રહી છે. લોકોની માંગ છે કે કોઈ મોટી દુર્ઘટના સર્જાય કે કોઈનો જીવ જાય તે પહેલાં વેજલપુર ગ્રામ પંચાયત અને વહીવટી તંત્ર દ્વારા આ આખેઆખા જર્જરીત મકાનને તાકીદે ઉતારી લેવામાં આવે. આ સાથે જ, ગ્રામ પંચાયત દ્વારા ગામમાં આવેલા આવા અન્ય જૂના અને બંધ જર્જરીત મકાનોનો સઘન સર્વે કરી તમામ ભયજનક બાંધકામો સામે તાત્કાલિક ધોરણે કાયદેસરની કાર્યવાહી કરવામાં આવે. હવે જોવાનું એ રહેશે કે વેજલપુર ગ્રામ પંચાયતના સત્તાધીશો આ ગંભીર બાબતને કેટલી ગંભીરતાથી લઈ આગામી દિવસોમાં કડક કાર્યવાહી હાથ ધરે છે.