खर्चाला ब्रेक; ऑनलाईन नोटीसमुळे नोंदणी विवाहाचा ट्रेंड, ‘नो तामझाम’ लग्नात १५० रुपयांत जुळते आयुष्याची गाठ , भपकेबाज लग्न समारंभ, लाखोंचा खर्च आणि महिनाभर चालणारी लगबग याला आता तरुणाई पर्याय शोधताना दिसत आहे. “कमी खर्च, जास्त सोय” या सूत्रावर आधारित नोंदणी विवाहाला दिवसेंदिवस मोठी पसंती मिळत असून, ऑनलाईन सुविधेमुळे ही प्रक्रिया अधिक सुलभ झाली आहे. विशेष म्हणजे, अगदी परदेशात बसूनही विवाहाची नोटीस देता येत असल्याने या पद्धतीचा ट्रेंड झपाट्याने वाढत आहे. पारंपरिक लग्न म्हटले की मंगल कार्यालय, जेवणावळी, वाजंत्री, कपडे, आमंत्रणे, मिरवणुका अशा अनेक खर्चिक बाबी ओघाने येतात. यामुळे वधू-वरांच्या कुटुंबावर मोठा आर्थिक भार पडतो. मात्र, या सगळ्याला फाटा देत तरुण पिढी आता “नो तामझाम” पद्धतीने साध्या आणि कायदेशीर विवाहाकडे वळताना दिसत आहे. केवळ काहीशे रुपयांत, अगदी सुमारे १५० रुपयांच्या खर्चातही आयुष्याची गाठ बांधता येत असल्याने नोंदणी विवाह अधिक आकर्षक ठरत आहे. रायगड जिल्ह्यातील आकडेवारीही या बदलाची साक्ष देत आहे. एप्रिल २०२५ ते मार्च २०२६ या कालावधीत तब्बल ३६१ जोडप्यांनी नोंदणी पद्धतीने विवाह केला आहे. यावरून पारंपरिक पद्धतीपेक्षा सोपी, जलद आणि किफायतशीर पर्याय म्हणून नोंदणी विवाहाचा स्वीकार वाढत असल्याचे स्पष्ट होते. विशेष विवाह कायदा १९५४ अंतर्गत ही प्रक्रिया पार पडते. इच्छुक वधू-वरांनी निबंधक कार्यालयात विवाहाची नोटीस द्यावी लागते. त्यानंतर ३० दिवसांचा कालावधी पूर्ण झाल्यावर, कोणताही आक्षेप नसल्यास तीन साक्षीदारांच्या उपस्थितीत विवाह नोंदवला जातो. संकेतस्थळावरूव ऑनलाईन नोटीस देण्याची सुविधा उपलब्ध झाली आहे, ज्यामुळे कार्यालयीन फेऱ्या कमी झाल्या आहेत. याबाबत अलिबाग येथील दुय्यम निबंधक वर्ग दोन तथा विवाह अधिकारी रविराज सुपेकर म्हणाले, “नोंदणी पद्धतीने विवाह करणाऱ्यांची संख्या दिवसेंदिवस वाढते आहे, ही एक चांगली बाब आहे. नागरिकांना विवाह नोंदणीसाठी एक महिना अगोदर नोटीस द्यावी लागते. मात्र आता कार्यालयापर्यंत येण्याची गरज नाही. ऑनलाईन सुविधेचा अगदी घरात बसून लाभ घेता येतो. नागरिकांनी याचा लाभ घ्यावा.” नोंदणी विवाहाचे आणखी एक मोठे वैशिष्ट्य म्हणजे मिळणारे कायदेशीर विवाह प्रमाणपत्र. हे प्रमाणपत्र परदेश प्रवास, व्हिसा प्रक्रिया तसेच विविध शासकीय कामांसाठी अत्यंत उपयुक्त ठरते. त्यामुळे व्यवहारिक दृष्टिकोनातूनही हा पर्याय अधिक फायदेशीर मानला जात आहे. एकूणच, परंपरेपेक्षा व्यवहाराला प्राधान्य देत तरुण पिढी नोंदणी विवाहाचा स्वीकार करत आहे. कमी खर्च, कमी वेळ आणि अधिक सोय यामुळे “साधं पण स्मार्ट” लग्न ही संकल्पना रुजत असून, भविष्यात हा ट्रेंड आणखी वेगाने वाढण्याची शक्यता व्यक्त केली जात आहे.

Raigad news

अलिबाग, रायगड, महाराष्ट्र•

12 hrs ago

खर्चाला ब्रेक; ऑनलाईन नोटीसमुळे नोंदणी विवाहाचा ट्रेंड, ‘नो तामझाम’ लग्नात १५० रुपयांत जुळते आयुष्याची गाठ , भपकेबाज लग्न समारंभ, लाखोंचा खर्च आणि महिनाभर चालणारी लगबग याला आता तरुणाई पर्याय शोधताना दिसत आहे. “कमी खर्च, जास्त सोय” या सूत्रावर आधारित नोंदणी विवाहाला दिवसेंदिवस मोठी पसंती मिळत असून, ऑनलाईन सुविधेमुळे ही प्रक्रिया अधिक सुलभ झाली आहे. विशेष म्हणजे, अगदी परदेशात बसूनही विवाहाची नोटीस देता येत असल्याने या पद्धतीचा ट्रेंड झपाट्याने वाढत आहे. पारंपरिक लग्न म्हटले की मंगल कार्यालय, जेवणावळी, वाजंत्री, कपडे, आमंत्रणे, मिरवणुका अशा अनेक खर्चिक बाबी ओघाने येतात. यामुळे वधू-वरांच्या कुटुंबावर मोठा आर्थिक भार पडतो. मात्र, या सगळ्याला फाटा देत तरुण पिढी आता “नो तामझाम” पद्धतीने साध्या आणि कायदेशीर विवाहाकडे वळताना दिसत आहे. केवळ काहीशे रुपयांत, अगदी सुमारे १५० रुपयांच्या खर्चातही आयुष्याची गाठ बांधता येत असल्याने नोंदणी विवाह अधिक आकर्षक ठरत आहे. रायगड जिल्ह्यातील आकडेवारीही या बदलाची साक्ष देत आहे. एप्रिल २०२५ ते मार्च २०२६ या कालावधीत तब्बल ३६१ जोडप्यांनी नोंदणी पद्धतीने विवाह केला आहे. यावरून पारंपरिक पद्धतीपेक्षा सोपी, जलद आणि किफायतशीर पर्याय म्हणून नोंदणी विवाहाचा स्वीकार वाढत असल्याचे स्पष्ट होते. विशेष विवाह कायदा १९५४ अंतर्गत ही प्रक्रिया पार पडते. इच्छुक वधू-वरांनी निबंधक कार्यालयात विवाहाची नोटीस द्यावी लागते. त्यानंतर ३० दिवसांचा कालावधी पूर्ण झाल्यावर, कोणताही आक्षेप नसल्यास तीन साक्षीदारांच्या उपस्थितीत विवाह नोंदवला जातो. संकेतस्थळावरूव ऑनलाईन नोटीस देण्याची सुविधा उपलब्ध झाली आहे, ज्यामुळे कार्यालयीन फेऱ्या कमी झाल्या आहेत. याबाबत अलिबाग येथील दुय्यम निबंधक वर्ग दोन तथा विवाह अधिकारी रविराज सुपेकर म्हणाले, “नोंदणी पद्धतीने विवाह करणाऱ्यांची संख्या दिवसेंदिवस वाढते आहे, ही एक चांगली बाब आहे. नागरिकांना विवाह नोंदणीसाठी एक महिना अगोदर नोटीस द्यावी लागते. मात्र आता कार्यालयापर्यंत येण्याची गरज नाही. ऑनलाईन सुविधेचा अगदी घरात बसून लाभ घेता येतो. नागरिकांनी याचा लाभ घ्यावा.” नोंदणी विवाहाचे आणखी एक मोठे वैशिष्ट्य म्हणजे मिळणारे कायदेशीर विवाह प्रमाणपत्र. हे प्रमाणपत्र परदेश प्रवास, व्हिसा प्रक्रिया तसेच विविध शासकीय कामांसाठी अत्यंत उपयुक्त ठरते. त्यामुळे व्यवहारिक दृष्टिकोनातूनही हा पर्याय अधिक फायदेशीर मानला जात आहे. एकूणच, परंपरेपेक्षा व्यवहाराला प्राधान्य देत तरुण पिढी नोंदणी विवाहाचा स्वीकार करत आहे. कमी खर्च, कमी वेळ आणि अधिक सोय यामुळे “साधं पण स्मार्ट” लग्न ही संकल्पना रुजत असून, भविष्यात हा ट्रेंड आणखी वेगाने वाढण्याची शक्यता व्यक्त केली जात आहे.