નવ રચિત વાવ થરાદ જિલ્લામાં સ્થાનિક સ્વરાજ્યની ચૂંટણીઓ પછી, દિયોદર તાલુકા પંચાયત પ્રમુખ અને ઉપપ્રમુખની વરણી લાંબા સમયથી ચર્ચામાં હતી, જે રાજકીય વિવાદો અને વારંવાર રદ થયેલી ચૂંટણીઓને કારણે વિવાદાસ્પદ બની હતી. શરૂઆતમાં, 25 મેના રોજ યોજાનારી ચૂંટણી અધિકારી દ્વારા રદ કરવામાં આવી હતી, અને ફરી 27 મેના રોજ ચૂંટણી અધિકારીની બીમારીને કારણે ફરી રદ કરાઈ હતી. આ ઘટનાક્રમ બાદ દિયોદર તાલુકા પંચાયતની ચૂંટણી વધુ વિવાદાસ્પદ બની, કારણ કે કોંગ્રેસ પાર્ટી પાસે 12 સભ્યો હતા જ્યારે ભાજપ પાર્ટી પાસે 10 સભ્યો હતા, આમ કોંગ્રેસ બહુમતીમાં હતી. કોંગ્રેસ પાર્ટીના હોદ્દેદારો અને કાર્યકરોએ ભાજપ પર આકરા પ્રહારો કર્યા હતા. તેમણે આરોપ લગાવ્યો હતો કે ભાજપે રાજકીય કિન્નાખોરી ભર્યું વલણ અપનાવી, તેમની બહુમતી હોવા છતાં, દબાણમાં આવીને ચૂંટણી અધિકારી દ્વારા ચૂંટણી રદ કરાવવામાં આવી હતી. કોંગ્રેસે વધુમાં જણાવ્યું હતું કે "તારીખ પે તારીખ" કરીને વાતાવરણ ડહોળવાનો પ્રયાસ થઈ રહ્યો છે અને આ મુદ્દે તેઓ ગુજરાત હાઈકોર્ટના દરવાજા ખખડાવશે તેવી ચીમકી પણ ઉચ્ચારી હતી. આ સમગ્ર ઘટના દિયોદર સહિત વાવ થરાદ અને બનાસકાંઠા જિલ્લામાં ચર્ચાનું કેન્દ્ર બની હતી. છેલ્લા ચાર દિવસથી ચાલી રહેલા 'હાઈ વોલ્ટેજ ડ્રામા' બાદ આખરે આજે યોજાયેલી સભામાં દિયોદર તાલુકા પંચાયત પ્રમુખ અને ઉપપ્રમુખની વરણી માટે મતદાન થયું. આ મતદાનમાં કોંગ્રેસ પાર્ટીએ તેની બહુમતી સાથે કબજો જમાવ્યો. પ્રમુખ તરીકે શ્રી પ્રભાતબા મફતસિંહ વાઘેલા અને ઉપપ્રમુખ તરીકે શ્રી પાનાબેન વેલાજી ચાવડાની વરણી કરવામાં આવી. આમ, ચાર દિવસના લાંબા સમય બાદ દિયોદર તાલુકા પંચાયતના પ્રમુખ અને ઉપપ્રમુખની નિયુક્તિનો મામલો થાળે પડ્યો.

Ranchodsinh S Chauhan

Electrician વાવ, બનાસકાંઠા, ગુજરાત•

12 hrs ago

નવ રચિત વાવ થરાદ જિલ્લામાં સ્થાનિક સ્વરાજ્યની ચૂંટણીઓ પછી, દિયોદર તાલુકા પંચાયત પ્રમુખ અને ઉપપ્રમુખની વરણી લાંબા સમયથી ચર્ચામાં હતી, જે રાજકીય વિવાદો અને વારંવાર રદ થયેલી ચૂંટણીઓને કારણે વિવાદાસ્પદ બની હતી. શરૂઆતમાં, 25 મેના રોજ યોજાનારી ચૂંટણી અધિકારી દ્વારા રદ કરવામાં આવી હતી, અને ફરી 27 મેના રોજ ચૂંટણી અધિકારીની બીમારીને કારણે ફરી રદ કરાઈ હતી. આ ઘટનાક્રમ બાદ દિયોદર તાલુકા પંચાયતની ચૂંટણી વધુ વિવાદાસ્પદ બની, કારણ કે કોંગ્રેસ પાર્ટી પાસે 12 સભ્યો હતા જ્યારે ભાજપ પાર્ટી પાસે 10 સભ્યો હતા, આમ કોંગ્રેસ બહુમતીમાં હતી. કોંગ્રેસ પાર્ટીના હોદ્દેદારો અને કાર્યકરોએ ભાજપ પર આકરા પ્રહારો કર્યા હતા. તેમણે આરોપ લગાવ્યો હતો કે ભાજપે રાજકીય કિન્નાખોરી ભર્યું વલણ અપનાવી, તેમની બહુમતી હોવા છતાં, દબાણમાં આવીને ચૂંટણી અધિકારી દ્વારા ચૂંટણી રદ કરાવવામાં આવી હતી. કોંગ્રેસે વધુમાં જણાવ્યું હતું કે "તારીખ પે તારીખ" કરીને વાતાવરણ ડહોળવાનો પ્રયાસ થઈ રહ્યો છે અને આ મુદ્દે તેઓ ગુજરાત હાઈકોર્ટના દરવાજા ખખડાવશે તેવી ચીમકી પણ ઉચ્ચારી હતી. આ સમગ્ર ઘટના દિયોદર સહિત વાવ થરાદ અને બનાસકાંઠા જિલ્લામાં ચર્ચાનું કેન્દ્ર બની હતી. છેલ્લા ચાર દિવસથી ચાલી રહેલા 'હાઈ વોલ્ટેજ ડ્રામા' બાદ આખરે આજે યોજાયેલી સભામાં દિયોદર તાલુકા પંચાયત પ્રમુખ અને ઉપપ્રમુખની વરણી માટે મતદાન થયું. આ મતદાનમાં કોંગ્રેસ પાર્ટીએ તેની બહુમતી સાથે કબજો જમાવ્યો. પ્રમુખ તરીકે શ્રી પ્રભાતબા મફતસિંહ વાઘેલા અને ઉપપ્રમુખ તરીકે શ્રી પાનાબેન વેલાજી ચાવડાની વરણી કરવામાં આવી. આમ, ચાર દિવસના લાંબા સમય બાદ દિયોદર તાલુકા પંચાયતના પ્રમુખ અને ઉપપ્રમુખની નિયુક્તિનો મામલો થાળે પડ્યો.