भारतीय संस्कृतीची जगाला लाभलेली अनमोल देणगी असलेल्या योगाच्या प्रसारासाठी आणि निरोगी जीवनशैलीचा संदेश देण्यासाठी जागतिक योग दिनानिमित्त भाजपा नांदेड महानगरच्या वतीने भव्य योग शिबिराचे आयोजन करण्यात आले. भाजपा नांदेड महानगरचे अध्यक्ष अमरनाथ राजुरकर यांच्या पुढाकाराने आयोजित या शिबिराचे उद्घाटन आमदार श्रीजया चव्हाण यांच्या हस्ते झाले. यावेळी माजी पालकमंत्री डी. पी. सावंत, विशेष पोलीस निरीक्षक शहाजी उमाप, स्थायी समिती सभापती वीरेंद्रसिंह गाडीवाले, प्रवीण साले यांच्यासह विविध क्षेत्रातील मान्यवर उपस्थित होते. या शिबिरात पाचशेहून अधिक योगसाधकांनी सहभाग नोंदवला. श्री गुरु ग्रंथ साहिबजी भवन येथे आयोजित या कार्यक्रमाचे प्रास्ताविक महानगर योग संयोजक धर्मभूषण ॲड. दिलीप ठाकूर यांनी केले. त्यांनी योगाचे महत्त्व विशद करताना सांगितले की, योग ही केवळ व्यायामपद्धती नसून शरीर, मन आणि आत्मा यांचा समतोल साधणारी जीवनपद्धती आहे. पंतप्रधान नरेंद्र मोदी यांच्या पुढाकारामुळे आज जगभरात योगाला अभूतपूर्व मान्यता मिळाली असून १९० हून अधिक देशांमध्ये जागतिक योग दिन साजरा केला जात आहे. निरोगी भारत आणि सक्षम समाज घडविण्यासाठी योगाचा प्रसार ही काळाची गरज आहे, असे त्यांनी नमूद केले. कार्यक्रमात नगरसेविका शांभवी साले, शितल खांडील, सुषमा थोरात, पंढरीनाथ कंठेवार, नागेश शेट्टी, सुभाष देवकते, रामकृष्ण चक्रवार, राजश्री हुरने, प्रकाश उंटवाले, सरदार गुरुबचनसिंघ, राम शेळके, उर्मिला साजणे आणि जी. नागय्या यांचा शाल व मोत्याची माळ देऊन सत्कार करण्यात आला. कामाजी सरोदे, सुरेश लोट, बागड्या यादव, व्यंकटेश जिंदम, अनिल हजारी आणि राज यादव यांच्या हस्ते हा सत्कार झाला. योगशिक्षक सुरेश लंगडापुरे यांनी उपस्थितांना विविध योगासने, प्राणायाम, सूर्यनमस्कार आणि दैनंदिन जीवनात योगाचे महत्त्व याविषयी मार्गदर्शन केले, तसेच योगामुळे शारीरिक तंदुरुस्ती, मानसिक शांतता, एकाग्रता आणि रोगप्रतिकारक शक्ती वाढण्यास कशी मदत होते, याची माहिती दिली. त्यांच्या मार्गदर्शनाखाली उपस्थितांनी विविध योगासने आणि प्राणायामाचा सराव केला. या शिबिराला अमरनाथ यात्री संघ, पतंजली परिवार, आर्ट ऑफ लिव्हिंग, हॅपी बीसी ग्रुप, मॉर्निंग वॉक ग्रुप, महात्मा फुले शाळा, सचखंड आयटीआय, खालसा हायस्कूल, सचखंड पब्लिक स्कूल, अशोक माध्यमिक विद्यालय, भाजपा, विश्व हिंदू परिषद तसेच लायन्स परिवार यांसारख्या विविध सामाजिक, शैक्षणिक व धार्मिक संस्थांचा उत्स्फूर्त प्रतिसाद लाभला. महिला, युवक, ज्येष्ठ नागरिक तसेच विद्यार्थ्यांनी मोठ्या उत्साहाने योगाभ्यासात सहभाग घेतला. दीड तास चाललेल्या या योग सत्रात सहभागींना कोणतीही गैरसोय जाणवली नाही. भव्य व्यासपीठ, मोठ्या एलईडी स्क्रीनवर थेट प्रक्षेपण, अत्याधुनिक ध्वनिक्षेपक व्यवस्था, सहभागींसाठी अल्पोपहार व शुद्ध पिण्याच्या पाण्याची सुविधा यामुळे संपूर्ण कार्यक्रम अत्यंत शिस्तबद्ध आणि यशस्वीरीत्या पार पडला. अमर राजुरकर यांनी याप्रसंगी सर्वांचे आभार मानले. युवा मोर्चा अध्यक्ष क्षीरसागर, ओम बंडेवार, शिवा लोट, शुभम महाजन, राजेशसिंह ठाकूर, शंकर नांदेडकर, चंचलसिंग जट, मारुती वाघ, प्रेम जुन्नी, सचिन मित्तल, तौसिफ अहमद, जनार्दन वाकडीकर, शततारका पांढरे, मंगला धुळेकर, वैशाली देबडवार, अनिता हिंगोले, धीरज स्वामी आणि सूर्यकांत कदम, रामजी भानुशाली यांनी शिबिराच्या यशस्वी आयोजनासाठी विशेष परिश्रम घेतले. यावेळी २४ जून रोजी श्रीराम सेतू, गोवर्धन घाट नांदेड येथे होणाऱ्या २७ व्या चालण्याच्या भव्य स्पर्धेत सर्वांनी भाग घेण्याचे आवाहन करण्यात आले. भाजपा नांदेड महानगर गेल्या बारा वर्षांपासून सातत्याने जागतिक योग दिनानिमित्त भव्य योग शिबिराचे आयोजन करत आहे. वर्षानुवर्षे वाढत असलेला नागरिकांचा प्रतिसाद पाहता नांदेडमध्ये योगाबाबत जागरूकता आणि आकर्षण वाढत असल्याचे दिसून येत आहे. यंदाच्या शिबिराला मिळालेल्या उत्स्फूर्त प्रतिसादामुळे आणि मोठ्या संख्येने झालेल्या उपस्थितीमुळे आयोजकांसह योगप्रेमींमध्ये समाधानाचे वातावरण निर्माण झाले आहे.

SANDEEP

TV News Anchor देगलूर, नांदेड, महाराष्ट्र•

3 hrs ago

भारतीय संस्कृतीची जगाला लाभलेली अनमोल देणगी असलेल्या योगाच्या प्रसारासाठी आणि निरोगी जीवनशैलीचा संदेश देण्यासाठी जागतिक योग दिनानिमित्त भाजपा नांदेड महानगरच्या वतीने भव्य योग शिबिराचे आयोजन करण्यात आले. भाजपा नांदेड महानगरचे अध्यक्ष अमरनाथ राजुरकर यांच्या पुढाकाराने आयोजित या शिबिराचे उद्घाटन आमदार श्रीजया चव्हाण यांच्या हस्ते झाले. यावेळी माजी पालकमंत्री डी. पी. सावंत, विशेष पोलीस निरीक्षक शहाजी उमाप, स्थायी समिती सभापती वीरेंद्रसिंह गाडीवाले, प्रवीण साले यांच्यासह विविध क्षेत्रातील मान्यवर उपस्थित होते. या शिबिरात पाचशेहून अधिक योगसाधकांनी सहभाग नोंदवला. श्री गुरु ग्रंथ साहिबजी भवन येथे आयोजित या कार्यक्रमाचे प्रास्ताविक महानगर योग संयोजक धर्मभूषण ॲड. दिलीप ठाकूर यांनी केले. त्यांनी योगाचे महत्त्व विशद करताना सांगितले की, योग ही केवळ व्यायामपद्धती नसून शरीर, मन आणि आत्मा यांचा समतोल साधणारी जीवनपद्धती आहे. पंतप्रधान नरेंद्र मोदी यांच्या पुढाकारामुळे आज जगभरात योगाला अभूतपूर्व मान्यता मिळाली असून १९० हून अधिक देशांमध्ये जागतिक योग दिन साजरा केला जात आहे. निरोगी भारत आणि सक्षम समाज घडविण्यासाठी योगाचा प्रसार ही काळाची गरज आहे, असे त्यांनी नमूद केले. कार्यक्रमात नगरसेविका शांभवी साले, शितल खांडील, सुषमा थोरात, पंढरीनाथ कंठेवार, नागेश शेट्टी, सुभाष देवकते, रामकृष्ण चक्रवार, राजश्री हुरने, प्रकाश उंटवाले, सरदार गुरुबचनसिंघ, राम शेळके, उर्मिला साजणे आणि जी. नागय्या यांचा शाल व मोत्याची माळ देऊन सत्कार करण्यात आला. कामाजी सरोदे, सुरेश लोट, बागड्या यादव, व्यंकटेश जिंदम, अनिल हजारी आणि राज यादव यांच्या हस्ते हा सत्कार झाला. योगशिक्षक सुरेश लंगडापुरे यांनी उपस्थितांना विविध योगासने, प्राणायाम, सूर्यनमस्कार आणि दैनंदिन जीवनात योगाचे महत्त्व याविषयी मार्गदर्शन केले, तसेच योगामुळे शारीरिक तंदुरुस्ती, मानसिक शांतता, एकाग्रता आणि रोगप्रतिकारक शक्ती वाढण्यास कशी मदत होते, याची माहिती दिली. त्यांच्या मार्गदर्शनाखाली उपस्थितांनी विविध योगासने आणि प्राणायामाचा सराव केला. या शिबिराला अमरनाथ यात्री संघ, पतंजली परिवार, आर्ट ऑफ लिव्हिंग, हॅपी बीसी ग्रुप, मॉर्निंग वॉक ग्रुप, महात्मा फुले शाळा, सचखंड आयटीआय, खालसा हायस्कूल, सचखंड पब्लिक स्कूल, अशोक माध्यमिक विद्यालय, भाजपा, विश्व हिंदू परिषद तसेच लायन्स परिवार यांसारख्या विविध सामाजिक, शैक्षणिक व धार्मिक संस्थांचा उत्स्फूर्त प्रतिसाद लाभला. महिला, युवक, ज्येष्ठ नागरिक तसेच विद्यार्थ्यांनी मोठ्या उत्साहाने योगाभ्यासात सहभाग घेतला. दीड तास चाललेल्या या योग सत्रात सहभागींना कोणतीही गैरसोय जाणवली नाही. भव्य व्यासपीठ, मोठ्या एलईडी स्क्रीनवर थेट प्रक्षेपण, अत्याधुनिक ध्वनिक्षेपक व्यवस्था, सहभागींसाठी अल्पोपहार व शुद्ध पिण्याच्या पाण्याची सुविधा यामुळे संपूर्ण कार्यक्रम अत्यंत शिस्तबद्ध आणि यशस्वीरीत्या पार पडला. अमर राजुरकर यांनी याप्रसंगी सर्वांचे आभार मानले. युवा मोर्चा अध्यक्ष क्षीरसागर, ओम बंडेवार, शिवा लोट, शुभम महाजन, राजेशसिंह ठाकूर, शंकर नांदेडकर, चंचलसिंग जट, मारुती वाघ, प्रेम जुन्नी, सचिन मित्तल, तौसिफ अहमद, जनार्दन वाकडीकर, शततारका पांढरे, मंगला धुळेकर, वैशाली देबडवार, अनिता हिंगोले, धीरज स्वामी आणि सूर्यकांत कदम, रामजी भानुशाली यांनी शिबिराच्या यशस्वी आयोजनासाठी विशेष परिश्रम घेतले. यावेळी २४ जून रोजी श्रीराम सेतू, गोवर्धन घाट नांदेड येथे होणाऱ्या २७ व्या चालण्याच्या भव्य स्पर्धेत सर्वांनी भाग घेण्याचे आवाहन करण्यात आले. भाजपा नांदेड महानगर गेल्या बारा वर्षांपासून सातत्याने जागतिक योग दिनानिमित्त भव्य योग शिबिराचे आयोजन करत आहे. वर्षानुवर्षे वाढत असलेला नागरिकांचा प्रतिसाद पाहता नांदेडमध्ये योगाबाबत जागरूकता आणि आकर्षण वाढत असल्याचे दिसून येत आहे. यंदाच्या शिबिराला मिळालेल्या उत्स्फूर्त प्रतिसादामुळे आणि मोठ्या संख्येने झालेल्या उपस्थितीमुळे आयोजकांसह योगप्रेमींमध्ये समाधानाचे वातावरण निर्माण झाले आहे.