சென்னையில் செய்தியாளர்களிடம் பேசிய திமுக முன்னாள் அமைச்சரும், சட்டப்பேரவை கொறடாவுமான எ.வ.வேலு, தான் வழக்கமான மருத்துவ பரிசோதனைகளுக்காகவே சிங்கப்பூர் சென்றதாகவும், ஓடி ஒளிந்து பதுங்குவது திமுகவின் பழக்கம் இல்லை என்றும் தெரிவித்துள்ளார். தான் ஓடவும் இல்லை, ஒளியவும் இல்லை என்றும், சம்மனுக்கு வழக்கறிஞர் மூலமாக முறையான பதில் அளித்து, விசாரணைக்கு முழு ஒத்துழைப்பு தருவதாகக் கூறிய பிறகும் பதுங்குவதாகக் கூறுவது அர்த்தமற்றது என்றும் அவர் சாடியுள்ளார். தனக்கு இதயம், ஒவ்வாமை மற்றும் நரம்பு சார்ந்த மூன்று பிரச்சினைகள் இருப்பதால், 2016 முதல் சிங்கப்பூரின் மவுண்ட் எலிசபெத் மருத்துவமனையில் மருத்துவர் ஜெயராமனிடம் சிகிச்சை பெற்று வருவதாக அவர் குறிப்பிட்டுள்ளார். இந்த முறை ஜூன் 25 அன்று சிங்கப்பூர் செல்ல டிக்கெட் முன்பதிவு செய்திருந்த நிலையில், அன்று காலை அவரது வீட்டில் காவல்துறை நண்பர்கள் சோதனை நடத்த வந்ததால் அதற்கு முழு ஒத்துழைப்பு தந்துவிட்டு, மறுநாள் ஜூன் 26 அன்று சிங்கப்பூர் சென்றதாக விளக்கினார். அங்கு தனக்கு மேற்கொள்ளப்பட்ட மருத்துவ பரிசோதனை அறிக்கைகள் தன்னிடம் உள்ளதாகத் தெரிவித்த அவர், தனக்கு அனுப்பப்பட்ட சம்மன்களுக்கு வழக்கறிஞர் மூலம் உரிய கடிதம் அனுப்பி பதிலளித்ததாகக் கூறினார். ஜூலை 12-ல் சென்னை திரும்புவதாகவும், அதன் பிறகு எப்போது அழைத்தாலும் விசாரணைக்கு முழு ஒத்துழைப்பு அளிப்பதாகக் கடிதம் அனுப்பியிருந்ததையும் அவர் சுட்டிக்காட்டினார். சமீபத்தில் நடந்த 3 நாள் சட்டப்பேரவைக் கூட்டத்தொடரில் திமுகவின் சட்டப்பேரவை கொறடாவாகத் தானே அதிக வினாக்களை எழுப்பியதாகக் குறிப்பிட்ட எ.வ.வேலு, தான் பேசவே கூடாது என்று சிலர் நினைக்கிறார்களா எனத் தெரியவில்லை என்றார். மேலும், தான் எந்தக் குற்றமும் செய்யவில்லை என்றும், குற்றம் செய்ய வேண்டிய அவசியம் தனக்குக் கிடையாது என்றும் கூறி, இனி எப்போது விசாரணைக்கு அழைத்தாலும் முழு ஒத்துழைப்பு வழங்கத் தயாராக இருப்பதாக அவர் திட்டவட்டமாகத் தெரிவித்துள்ளார்.

Pratap Chander(Namadhu Arasu)

Photographer மாம்பலம், சென்னை, தமிழ்நாடு•

1 hr ago

சென்னையில் செய்தியாளர்களிடம் பேசிய திமுக முன்னாள் அமைச்சரும், சட்டப்பேரவை கொறடாவுமான எ.வ.வேலு, தான் வழக்கமான மருத்துவ பரிசோதனைகளுக்காகவே சிங்கப்பூர் சென்றதாகவும், ஓடி ஒளிந்து பதுங்குவது திமுகவின் பழக்கம் இல்லை என்றும் தெரிவித்துள்ளார். தான் ஓடவும் இல்லை, ஒளியவும் இல்லை என்றும், சம்மனுக்கு வழக்கறிஞர் மூலமாக முறையான பதில் அளித்து, விசாரணைக்கு முழு ஒத்துழைப்பு தருவதாகக் கூறிய பிறகும் பதுங்குவதாகக் கூறுவது அர்த்தமற்றது என்றும் அவர் சாடியுள்ளார். தனக்கு இதயம், ஒவ்வாமை மற்றும் நரம்பு சார்ந்த மூன்று பிரச்சினைகள் இருப்பதால், 2016 முதல் சிங்கப்பூரின் மவுண்ட் எலிசபெத் மருத்துவமனையில் மருத்துவர் ஜெயராமனிடம் சிகிச்சை பெற்று வருவதாக அவர் குறிப்பிட்டுள்ளார். இந்த முறை ஜூன் 25 அன்று சிங்கப்பூர் செல்ல டிக்கெட் முன்பதிவு செய்திருந்த நிலையில், அன்று காலை அவரது வீட்டில் காவல்துறை நண்பர்கள் சோதனை நடத்த வந்ததால் அதற்கு முழு ஒத்துழைப்பு தந்துவிட்டு, மறுநாள் ஜூன் 26 அன்று சிங்கப்பூர் சென்றதாக விளக்கினார். அங்கு தனக்கு மேற்கொள்ளப்பட்ட மருத்துவ பரிசோதனை அறிக்கைகள் தன்னிடம் உள்ளதாகத் தெரிவித்த அவர், தனக்கு அனுப்பப்பட்ட சம்மன்களுக்கு வழக்கறிஞர் மூலம் உரிய கடிதம் அனுப்பி பதிலளித்ததாகக் கூறினார். ஜூலை 12-ல் சென்னை திரும்புவதாகவும், அதன் பிறகு எப்போது அழைத்தாலும் விசாரணைக்கு முழு ஒத்துழைப்பு அளிப்பதாகக் கடிதம் அனுப்பியிருந்ததையும் அவர் சுட்டிக்காட்டினார். சமீபத்தில் நடந்த 3 நாள் சட்டப்பேரவைக் கூட்டத்தொடரில் திமுகவின் சட்டப்பேரவை கொறடாவாகத் தானே அதிக வினாக்களை எழுப்பியதாகக் குறிப்பிட்ட எ.வ.வேலு, தான் பேசவே கூடாது என்று சிலர் நினைக்கிறார்களா எனத் தெரியவில்லை என்றார். மேலும், தான் எந்தக் குற்றமும் செய்யவில்லை என்றும், குற்றம் செய்ய வேண்டிய அவசியம் தனக்குக் கிடையாது என்றும் கூறி, இனி எப்போது விசாரணைக்கு அழைத்தாலும் முழு ஒத்துழைப்பு வழங்கத் தயாராக இருப்பதாக அவர் திட்டவட்டமாகத் தெரிவித்துள்ளார்.