मेहकर येथील शिवसेना उद्धव बाळासाहेब ठाकरे जनसंवाद कार्यालयात लोकमाता पुण्यश्लोक अहिल्यादेवी होळकर यांची ३०१ वी जयंती उत्साहात साजरी करण्यात आली. यावेळी आमदार सिद्धार्थ खरात यांनी अहिल्यादेवी होळकर यांच्या प्रतिमेस पुष्पहार अर्पण करून त्यांना विनम्र अभिवादन केले. कार्यक्रमात बोलताना आमदार खरात यांनी लोकमाता अहिल्यादेवी होळकर यांच्या आदर्श कार्याचा, त्यांच्या न्यायप्रिय शासनपद्धतीचा आणि समाजहितासाठी दिलेल्या अमूल्य योगदानाचा गौरवपूर्वक उल्लेख केला. अहिल्यादेवींच्या दूरदृष्टी, लोकाभिमुख प्रशासन आणि धार्मिक-सामाजिक कार्यामुळे त्यांनी इतिहासात अजरामर स्थान निर्माण केले असून, त्यांच्या विचारांतून प्रेरणा घेऊन समाजसेवा, जनकल्याण आणि सर्वसामान्यांच्या हितासाठी कार्य करण्याचा संकल्प त्यांनी यावेळी व्यक्त केला. मान्यवरांनी त्यांच्या कार्याचा आदर्श आजच्या पिढीसमोर ठेवणे ही काळाची गरज असल्याचे मत मांडले. याप्रसंगी सामाजिक कार्यकर्ते धनंजय रवंदळे, नगरसेवक प्रा. सतीश ताजने, नगरसेवक अमर घोडे, गणेश गावंडे, स्वप्नील राऊत तसेच अकोला ठाकरे येथील ग्रामस्थ, पक्षाचे पदाधिकारी, कार्यकर्ते आणि सहकारी मोठ्या संख्येने उपस्थित होते. लोकमाता पुण्यश्लोक अहिल्यादेवी होळकर यांना जयंतीनिमित्त विनम्र अभिवादन करून कार्यक्रमाचा समारोप करण्यात आला, तसेच राजमाता अहिल्यादेवी होळकर यांच्या विचारांचा वारसा जपण्याचा संकल्पही आमदार सिद्धार्थ खरात यांनी याप्रसंगी व्यक्त केला.

जिजाऊ एक्सप्रेस २८ न्यूज

News Anchor बुलडाणा, बुलढाणा, महाराष्ट्र•

1 hr ago

मेहकर येथील शिवसेना उद्धव बाळासाहेब ठाकरे जनसंवाद कार्यालयात लोकमाता पुण्यश्लोक अहिल्यादेवी होळकर यांची ३०१ वी जयंती उत्साहात साजरी करण्यात आली. यावेळी आमदार सिद्धार्थ खरात यांनी अहिल्यादेवी होळकर यांच्या प्रतिमेस पुष्पहार अर्पण करून त्यांना विनम्र अभिवादन केले. कार्यक्रमात बोलताना आमदार खरात यांनी लोकमाता अहिल्यादेवी होळकर यांच्या आदर्श कार्याचा, त्यांच्या न्यायप्रिय शासनपद्धतीचा आणि समाजहितासाठी दिलेल्या अमूल्य योगदानाचा गौरवपूर्वक उल्लेख केला. अहिल्यादेवींच्या दूरदृष्टी, लोकाभिमुख प्रशासन आणि धार्मिक-सामाजिक कार्यामुळे त्यांनी इतिहासात अजरामर स्थान निर्माण केले असून, त्यांच्या विचारांतून प्रेरणा घेऊन समाजसेवा, जनकल्याण आणि सर्वसामान्यांच्या हितासाठी कार्य करण्याचा संकल्प त्यांनी यावेळी व्यक्त केला. मान्यवरांनी त्यांच्या कार्याचा आदर्श आजच्या पिढीसमोर ठेवणे ही काळाची गरज असल्याचे मत मांडले. याप्रसंगी सामाजिक कार्यकर्ते धनंजय रवंदळे, नगरसेवक प्रा. सतीश ताजने, नगरसेवक अमर घोडे, गणेश गावंडे, स्वप्नील राऊत तसेच अकोला ठाकरे येथील ग्रामस्थ, पक्षाचे पदाधिकारी, कार्यकर्ते आणि सहकारी मोठ्या संख्येने उपस्थित होते. लोकमाता पुण्यश्लोक अहिल्यादेवी होळकर यांना जयंतीनिमित्त विनम्र अभिवादन करून कार्यक्रमाचा समारोप करण्यात आला, तसेच राजमाता अहिल्यादेवी होळकर यांच्या विचारांचा वारसा जपण्याचा संकल्पही आमदार सिद्धार्थ खरात यांनी याप्रसंगी व्यक्त केला.