റോഡ് ഉദ്ഘാടനം.. പാലക്കാട്: മുഖ്യമന്ത്രിയുടെ തദ്ദേശ റോഡിൽ പുനരുദ്ധാരണ പദ്ധതിയിൽ ഉൾപ്പെടുത്തി 20 ലക്ഷം രൂപ ചെലവിൽ പ്രവർത്തി പൂർത്തീകരിച്ച കരിമ്പുഴ ഗ്രാമപഞ്ചായത്തിലെ കൊടുന്നോട് - മൂരിയംപാടം റോഡിൻറെ ഉദ്ഘാടനം ഒറ്റപ്പാലം എംഎൽഎ അഡ്വക്കേറ്റ് പ്രേംകുമാർ നിർവഹിച്ചു.

സംസ്ഥാനത്തെ എസ്എസ്എൽസി ഹയർസെക്കൻഡറി ഉത്തരപേപ്പർ മൂല്യനിർണയത്തിനാണ് തുടക്കമായത്. ഒറ്റപ്പാലം വിദ്യാഭ്യാസ ജില്ലയിൽ ഹയർ സെക്കൻഡറി പരീക്ഷ ഉത്തര പേപ്പർ മൂല്യനിർണയത്തിന് പട്ടാമ്പി ഗവൺമെൻറ് ഹയർ സെക്കൻഡറി സ്കൂളിൽ തുടക്കമായി. ഹയർസെക്കൻഡറി ഉത്തര പേപ്പർ മൂല്യനിർണയത്തിൽ ഫിസിക്സ്, കെമിസ്ട്രി, മാത്തമാറ്റിക് എന്നീ വിഷയങ്ങൾ ഒഴികെയുള്ള മറ്റു വിഷയങ്ങളാണ് മൂല്യനിർണയം നടത്തുന്നത്. 10 ദിവസങ്ങൾക്കുള്ളിൽ മൂല്യനിർണയം പൂർത്തിയാക്കാൻ ആണ് ലക്ഷ്യമെടുന്നതെന്ന് ക്യാമ്പ് കോഡിനേറ്റർ അഷ്റഫ് പറഞ്ഞു. ഇതിനായി 400 അധികം അധ്യാപകരെ നിയോഗിച്ചിട്ടുണ്ട്.

കൂറ്റനാട് വാവന്നൂരിൽ വീടിന് തീപിടിച്ചു.വ്യാഴാഴ്ച ഉച്ചയോടെ കൂടിയാണ് തീപിടുത്തം ഉണ്ടായത്. വാവനൂർ ചാത്തന്നൂർ പാതയിൽ പുരാട്ടിൽ രവീന്ദ്രനാഥിന്റെ തറവാട് വീടിനോട് ചേർന്നുള്ള ഔട് ഹൗസിലാണ് തീപിടിച്ചത്. വീടിൻറെ പൂമുഖത്ത് കൂട്ടിയിട്ടിരുന്ന ചകിരിക്കും വിറകിനുമാണ് ആദ്യം തീ പിടിച്ചത്. തുടർന്ന് ആളിക്കത്തുകയും മേൽക്കൂരയിലേക്ക് തീ പടരുകയും ആയിരുന്നു. വീടിൻറെ മുൻഭാഗവും മേൽക്കൂരയും തകർന്നു. ജ്യോത്സ്യനായ രവീന്ദ്രനാഥ് ഉച്ചയ്ക്ക് ഒന്നര വരെ തറവാട്ട് വീട്ടിൽ ഉണ്ടായിരുന്നു. സമീപത്തുള്ള വീട്ടിലേക്ക് പോയപ്പോഴാണ് തീ പിടിച്ചത്. ജ്യോതിഷത്തിന്റെ ഭാഗമായി പൂജയ്ക്ക് ആവശ്യമായ വസ്തുക്കളാണ് കത്തി നശിച്ചത്. തീ പടർന്നത് കണ്ട് ഓടിക്കൂടിയ നാട്ടുകാർ കെടുത്താൻ ശ്രമിച്ചു. പട്ടാമ്പിയിൽ നിന്നും രണ്ട് യൂണിറ്റ് ഫയർഫോഴ്സ് സ്ഥലത്തെത്തി എത്തി  തീ പൂർണ്ണമായും നിയന്ത്രണവിധേയമാക്കി. അപകടത്തിൽ ആർക്കും പരിക്കില്ല.