13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ನೀರಿಗಾಗಿ ರೈತರ ಪರದಾಟ: ತಕ್ಷಣ ನೀರು ಹರಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಒತ್ತಾಯ 13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ನೀರಿಗಾಗಿ ರೈತರ ಪರದಾಟ: ತಕ್ಷಣ ನೀರು ಹರಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಒತ್ತಾಯ ಬಳ್ಳಾರಿ, ಆ.27: ತುಂಗಭದ್ರಾ ನೀರಾವರಿ ವ್ಯಾಪ್ತಿಯ 13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ಸಮರ್ಪಕವಾಗಿ ನೀರು ಹರಿಯದೆ ರೈತರು ಸಂಕಷ್ಟಕ್ಕೆ ಸಿಲುಕಿದ್ದು, ಕಾಲುವೆಯ ಕೊನೆಯ ಭಾಗದವರೆಗೂ ತಕ್ಷಣ ನೀರು ತಲುಪಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಅವರು ನೀರಾವರಿ ಇಲಾಖೆ ಅಧಿಕಾರಿಗಳನ್ನು ಒತ್ತಾಯಿಸಿದರು. ನಗರದ ಕೋಟೆ ಪ್ರದೇಶದಲ್ಲಿರುವ ನೀರಾವರಿ ಇಲಾಖೆ ಕಚೇರಿಗೆ ಗುರುವಾರ ಭೇಟಿ ನೀಡಿದ ಅವರು, ಕೋಳೂರು, ದಮ್ಮೂರು, ವಿಜಯನಗರ ಕ್ಯಾಂಪ್ ಹಾಗೂ ಕೊರಲಗುಂದಿ ಭಾಗದ ರೈತರ ಪರವಾಗಿ ಅಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದರು. 13ನೇ ಡಿಸ್ಟ್ರಿಬ್ಯೂಟರ್ ವ್ಯಾಪ್ತಿಯಲ್ಲಿ ಸುಮಾರು 22 ಕಿ.ಮೀ. ಉದ್ದದ ಕಾಲುವೆ ಇದ್ದು, ಪ್ರಸ್ತುತ ಕೇವಲ 8ರಿಂದ 9 ಕಿ.ಮೀ.ವರೆಗೆ ಮಾತ್ರ ನೀರು ತಲುಪಿದೆ. ಪರಿಣಾಮ ಕೊನೆಯ ಭಾಗದ ರೈತರಿಗೆ ನೀರಿನ ಸೌಲಭ್ಯ ದೊರೆಯದೆ ಬೆಳೆಗಳು ಒಣಗುವ ಆತಂಕ ಎದುರಾಗಿದೆ ಎಂದು ಅವರು ತಿಳಿಸಿದರು. ಈ ಭಾಗದ ರೈತರು ಈಗಾಗಲೇ ಮೆಣಸಿನಕಾಯಿ ಸೇರಿದಂತೆ ವಿವಿಧ ಬೆಳೆಗಳನ್ನು ನಾಟಿ ಮಾಡಿದ್ದು, ನೀರಿನ ಕೊರತೆಯಿಂದ ಬೆಳೆ ಹಾನಿಯಾಗುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಪ್ರತಿ ಎಕರೆಗೆ ಸುಮಾರು ₹40 ಸಾವಿರ ವೆಚ್ಚ ಮಾಡಿ ಬೆಳೆ ಬೆಳೆದಿರುವ ರೈತರಿಗೆ ನೀರಿನ ಕೊರತೆ ಮತ್ತಷ್ಟು ಆರ್ಥಿಕ ಹೊರೆ ಉಂಟುಮಾಡುವ ಸಾಧ್ಯತೆ ಇದೆ ಎಂದು ಗಣಪಾಲ ಐನಾಥ್ ರೆಡ್ಡಿ ಹೇಳಿದರು. “ರೈತರು ಸಾಲ ಮಾಡಿ ಬೆಳೆ ಬೆಳೆಯಲು ಹಣ ಹೂಡಿಕೆ ಮಾಡಿದ್ದಾರೆ. ನೀರು ಇದೇ ರೀತಿ ವಿಳಂಬವಾದರೆ ಅವರು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಬೇಕಾಗುತ್ತದೆ. ಮೆಣಸಿನಕಾಯಿ ಸಸಿಗಳನ್ನು ಈಗಾಗಲೇ ನಾಟಿ ಮಾಡಲಾಗಿದ್ದು, ನೀರು ಸಿಗದೆ ಗಿಡಗಳು ಹಾನಿಗೊಳಗಾಗುತ್ತಿವೆ. ರೈತರ ಬೆಳೆಗಳನ್ನು ರಕ್ಷಿಸಲು ಕೂಡಲೇ ಸಮರ್ಪಕವಾಗಿ ನೀರು ಹರಿಸಬೇಕು” ಎಂದು ಅವರು ಒತ್ತಾಯಿಸಿದರು. ನೀರಿನ ಕೊರತೆಯಿಂದ ರೈತರು ಮತ್ತಷ್ಟು ಸಾಲದ ಸುಳಿಗೆ ಸಿಲುಕುವ ಮುನ್ನವೇ ಇಲಾಖೆ ಅಧಿಕಾರಿಗಳು ತುರ್ತು ಕ್ರಮ ಕೈಗೊಳ್ಳಬೇಕು. 13ನೇ ಡಿಸ್ಟ್ರಿಬ್ಯೂಟರ್‌ನ ಕೊನೆಯ ಭಾಗದವರೆಗೂ ನೀರು ತಲುಪುವಂತೆ ಕ್ರಮವಹಿಸಿ, ನಾಲ್ಕು ಗ್ರಾಮಗಳ ರೈತರ ಬೆಳೆಗಳನ್ನು ರಕ್ಷಿಸಬೇಕು ಎಂದು ಮನವಿಯಲ್ಲಿ ಆಗ್ರಹಿಸಲಾಗಿದೆ. ಈ ಸಂದರ್ಭದಲ್ಲಿ ಐನಾಥ್ ರೆಡ್ಡಿ, ಭೂಪಾಲ್ ರೆಡ್ಡಿ, ಪ್ರತಾಪ್ ರೆಡ್ಡಿ, ಹನುಮಂತರೆಡ್ಡಿ, ಶ್ರೀನಿವಾಸ ರೆಡ್ಡಿ, ಅಯ್ಯಪ್ಪ, ಸಿ.ಎಸ್. ತಿಮ್ಮಾರೆಡ್ಡಿ, ಮರಿಸ್ವಾಮಿ, ಜಯರಾಮ್, ನಾಗರಾಜ್ ಸೇರಿದಂತೆ ರೈತರು ಉಪಸ್ಥಿತರಿದ್ದರು.

ರಾಜಶೇಖರ್ GT

ಕೂಡ್ಲಿಗಿ, ವಿಜಯನಗರ, ಕರ್ನಾಟಕ•

55 min ago

13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ನೀರಿಗಾಗಿ ರೈತರ ಪರದಾಟ: ತಕ್ಷಣ ನೀರು ಹರಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಒತ್ತಾಯ 13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ನೀರಿಗಾಗಿ ರೈತರ ಪರದಾಟ: ತಕ್ಷಣ ನೀರು ಹರಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಒತ್ತಾಯ ಬಳ್ಳಾರಿ, ಆ.27: ತುಂಗಭದ್ರಾ ನೀರಾವರಿ ವ್ಯಾಪ್ತಿಯ 13ನೇ ಡಿಸ್ಟ್ರಿಬ್ಯೂಟರ್‌ನಲ್ಲಿ ಸಮರ್ಪಕವಾಗಿ ನೀರು ಹರಿಯದೆ ರೈತರು ಸಂಕಷ್ಟಕ್ಕೆ ಸಿಲುಕಿದ್ದು, ಕಾಲುವೆಯ ಕೊನೆಯ ಭಾಗದವರೆಗೂ ತಕ್ಷಣ ನೀರು ತಲುಪಿಸುವಂತೆ ಗಣಪಾಲ ಐನಾಥ್ ರೆಡ್ಡಿ ಅವರು ನೀರಾವರಿ ಇಲಾಖೆ ಅಧಿಕಾರಿಗಳನ್ನು ಒತ್ತಾಯಿಸಿದರು. ನಗರದ ಕೋಟೆ ಪ್ರದೇಶದಲ್ಲಿರುವ ನೀರಾವರಿ ಇಲಾಖೆ ಕಚೇರಿಗೆ ಗುರುವಾರ ಭೇಟಿ ನೀಡಿದ ಅವರು, ಕೋಳೂರು, ದಮ್ಮೂರು, ವಿಜಯನಗರ ಕ್ಯಾಂಪ್ ಹಾಗೂ ಕೊರಲಗುಂದಿ ಭಾಗದ ರೈತರ ಪರವಾಗಿ ಅಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದರು. 13ನೇ ಡಿಸ್ಟ್ರಿಬ್ಯೂಟರ್ ವ್ಯಾಪ್ತಿಯಲ್ಲಿ ಸುಮಾರು 22 ಕಿ.ಮೀ. ಉದ್ದದ ಕಾಲುವೆ ಇದ್ದು, ಪ್ರಸ್ತುತ ಕೇವಲ 8ರಿಂದ 9 ಕಿ.ಮೀ.ವರೆಗೆ ಮಾತ್ರ ನೀರು ತಲುಪಿದೆ. ಪರಿಣಾಮ ಕೊನೆಯ ಭಾಗದ ರೈತರಿಗೆ ನೀರಿನ ಸೌಲಭ್ಯ ದೊರೆಯದೆ ಬೆಳೆಗಳು ಒಣಗುವ ಆತಂಕ ಎದುರಾಗಿದೆ ಎಂದು ಅವರು ತಿಳಿಸಿದರು. ಈ ಭಾಗದ ರೈತರು ಈಗಾಗಲೇ ಮೆಣಸಿನಕಾಯಿ ಸೇರಿದಂತೆ ವಿವಿಧ ಬೆಳೆಗಳನ್ನು ನಾಟಿ ಮಾಡಿದ್ದು, ನೀರಿನ ಕೊರತೆಯಿಂದ ಬೆಳೆ ಹಾನಿಯಾಗುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಪ್ರತಿ ಎಕರೆಗೆ ಸುಮಾರು ₹40 ಸಾವಿರ ವೆಚ್ಚ ಮಾಡಿ ಬೆಳೆ ಬೆಳೆದಿರುವ ರೈತರಿಗೆ ನೀರಿನ ಕೊರತೆ ಮತ್ತಷ್ಟು ಆರ್ಥಿಕ ಹೊರೆ ಉಂಟುಮಾಡುವ ಸಾಧ್ಯತೆ ಇದೆ ಎಂದು ಗಣಪಾಲ ಐನಾಥ್ ರೆಡ್ಡಿ ಹೇಳಿದರು. “ರೈತರು ಸಾಲ ಮಾಡಿ ಬೆಳೆ ಬೆಳೆಯಲು ಹಣ ಹೂಡಿಕೆ ಮಾಡಿದ್ದಾರೆ. ನೀರು ಇದೇ ರೀತಿ ವಿಳಂಬವಾದರೆ ಅವರು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಬೇಕಾಗುತ್ತದೆ. ಮೆಣಸಿನಕಾಯಿ ಸಸಿಗಳನ್ನು ಈಗಾಗಲೇ ನಾಟಿ ಮಾಡಲಾಗಿದ್ದು, ನೀರು ಸಿಗದೆ ಗಿಡಗಳು ಹಾನಿಗೊಳಗಾಗುತ್ತಿವೆ. ರೈತರ ಬೆಳೆಗಳನ್ನು ರಕ್ಷಿಸಲು ಕೂಡಲೇ ಸಮರ್ಪಕವಾಗಿ ನೀರು ಹರಿಸಬೇಕು” ಎಂದು ಅವರು ಒತ್ತಾಯಿಸಿದರು. ನೀರಿನ ಕೊರತೆಯಿಂದ ರೈತರು ಮತ್ತಷ್ಟು ಸಾಲದ ಸುಳಿಗೆ ಸಿಲುಕುವ ಮುನ್ನವೇ ಇಲಾಖೆ ಅಧಿಕಾರಿಗಳು ತುರ್ತು ಕ್ರಮ ಕೈಗೊಳ್ಳಬೇಕು. 13ನೇ ಡಿಸ್ಟ್ರಿಬ್ಯೂಟರ್‌ನ ಕೊನೆಯ ಭಾಗದವರೆಗೂ ನೀರು ತಲುಪುವಂತೆ ಕ್ರಮವಹಿಸಿ, ನಾಲ್ಕು ಗ್ರಾಮಗಳ ರೈತರ ಬೆಳೆಗಳನ್ನು ರಕ್ಷಿಸಬೇಕು ಎಂದು ಮನವಿಯಲ್ಲಿ ಆಗ್ರಹಿಸಲಾಗಿದೆ. ಈ ಸಂದರ್ಭದಲ್ಲಿ ಐನಾಥ್ ರೆಡ್ಡಿ, ಭೂಪಾಲ್ ರೆಡ್ಡಿ, ಪ್ರತಾಪ್ ರೆಡ್ಡಿ, ಹನುಮಂತರೆಡ್ಡಿ, ಶ್ರೀನಿವಾಸ ರೆಡ್ಡಿ, ಅಯ್ಯಪ್ಪ, ಸಿ.ಎಸ್. ತಿಮ್ಮಾರೆಡ್ಡಿ, ಮರಿಸ್ವಾಮಿ, ಜಯರಾಮ್, ನಾಗರಾಜ್ ಸೇರಿದಂತೆ ರೈತರು ಉಪಸ್ಥಿತರಿದ್ದರು.