സംസ്ഥാന ബജറ്റിൽ ഇടുക്കി ജില്ലയ്ക്ക് വലിയ പരിഗണന ലഭിച്ചിട്ടുണ്ടെന്ന് ഇടുക്കി എംഎൽഎ റോയി കെ. പൗലോസ് അറിയിച്ചു. മുൻപെങ്ങുമില്ലാത്ത വിധം പ്രഖ്യാപനങ്ങൾക്ക് അപ്പുറം നടപ്പാക്കാൻ കഴിയുന്ന രീതിയിലാണ് ഇത്തവണത്തെ ബജറ്റിലെ ഓരോ പരാമർശമെന്നും, അവയെല്ലാം സമയബന്ധിതമായി നടപ്പാക്കാൻ മുൻകൈയെടുക്കുമെന്നും അദ്ദേഹം വ്യക്തമാക്കി. പതിറ്റാണ്ടുകളായി മലയോര ജനത നേരിടുന്ന ഭൂപ്രശ്നങ്ങൾക്ക് പരിഹാരമുണ്ടാകുമെന്നും, സി.എച്ച്.ആർ ഉൾപ്പെടെയുള്ള പട്ടയ വിഷയങ്ങളിൽ ശാശ്വതമായ പരിഹാരം കാണുമെന്ന സർക്കാർ പ്രഖ്യാപനം ജില്ലയിലെ ജനങ്ങൾക്ക് വലിയ പ്രതീക്ഷയാണ് നൽകുന്നതെന്നും എംഎൽഎ ചൂണ്ടിക്കാട്ടി. ഇടുക്കി മെഡിക്കൽ കോളേജിന്റെ പ്രവർത്തനത്തിൽ വർഷങ്ങളായി തുടരുന്ന നിസ്സംഗത അവസാനിപ്പിച്ച് നിർമ്മാണ പ്രവർത്തനങ്ങൾ വേഗത്തിലാക്കാനുള്ള നടപടികളുണ്ടാകുമെന്നും അദ്ദേഹം കൂട്ടിച്ചേർത്തു. ജില്ലയുടെ ഭാവി പ്രതീക്ഷയായ വിനോദസഞ്ചാര മേഖലയ്ക്കും ബജറ്റിൽ വേണ്ടത്ര പരിഗണന ലഭിച്ചിട്ടുണ്ട്. ഇടുക്കി പാക്കേജ് ഉൾപ്പെടെയുള്ള പ്രഖ്യാപിത പദ്ധതികളിൽ ആവശ്യമായ ഇടപെടലുകൾ നടത്തി ജനങ്ങൾ ആഗ്രഹിക്കുന്ന വികസന നേട്ടങ്ങൾ കൈവരിക്കാൻ പ്രവർത്തിക്കുമെന്നും റോയി കെ. പൗലോസ് എംഎൽഎ വ്യക്തമാക്കി. ചെറുതോണിയിൽ വിളിച്ചു ചേർത്ത വാർത്താ സമ്മേളനത്തിലാണ് എംഎൽഎ ഈ കാര്യങ്ങൾ അറിയിച്ചത്. ബ്ലോക്ക് പഞ്ചായത്ത് വൈസ് പ്രസിഡൻ്റ് എ.പി. ഉസ്മാൻ, കോൺഗ്രസ് ഇടുക്കി നിയോജകമണ്ഡലം പ്രസിഡണ്ട് എം.കെ. പുരുഷോത്തമൻ, ബ്ലോക്ക് കോൺഗ്രസ് പ്രസിഡണ്ട് അഡ്വ. അനീഷ് ജോർജ്, മുസ്ലിം ലീഗ് ഇടുക്കി നിയോജകമണ്ഡലം പ്രസിഡൻ്റ് എം.കെ. നവാസ് എന്നിവരും വാർത്താ സമ്മേളനത്തിൽ പങ്കെടുത്തു.

സ്റ്റാലിൻ വി.കെ.

ഇടുക്കി, ഇടുക്കി, കേരളം•

2 hrs ago

സംസ്ഥാന ബജറ്റിൽ ഇടുക്കി ജില്ലയ്ക്ക് വലിയ പരിഗണന ലഭിച്ചിട്ടുണ്ടെന്ന് ഇടുക്കി എംഎൽഎ റോയി കെ. പൗലോസ് അറിയിച്ചു. മുൻപെങ്ങുമില്ലാത്ത വിധം പ്രഖ്യാപനങ്ങൾക്ക് അപ്പുറം നടപ്പാക്കാൻ കഴിയുന്ന രീതിയിലാണ് ഇത്തവണത്തെ ബജറ്റിലെ ഓരോ പരാമർശമെന്നും, അവയെല്ലാം സമയബന്ധിതമായി നടപ്പാക്കാൻ മുൻകൈയെടുക്കുമെന്നും അദ്ദേഹം വ്യക്തമാക്കി. പതിറ്റാണ്ടുകളായി മലയോര ജനത നേരിടുന്ന ഭൂപ്രശ്നങ്ങൾക്ക് പരിഹാരമുണ്ടാകുമെന്നും, സി.എച്ച്.ആർ ഉൾപ്പെടെയുള്ള പട്ടയ വിഷയങ്ങളിൽ ശാശ്വതമായ പരിഹാരം കാണുമെന്ന സർക്കാർ പ്രഖ്യാപനം ജില്ലയിലെ ജനങ്ങൾക്ക് വലിയ പ്രതീക്ഷയാണ് നൽകുന്നതെന്നും എംഎൽഎ ചൂണ്ടിക്കാട്ടി. ഇടുക്കി മെഡിക്കൽ കോളേജിന്റെ പ്രവർത്തനത്തിൽ വർഷങ്ങളായി തുടരുന്ന നിസ്സംഗത അവസാനിപ്പിച്ച് നിർമ്മാണ പ്രവർത്തനങ്ങൾ വേഗത്തിലാക്കാനുള്ള നടപടികളുണ്ടാകുമെന്നും അദ്ദേഹം കൂട്ടിച്ചേർത്തു. ജില്ലയുടെ ഭാവി പ്രതീക്ഷയായ വിനോദസഞ്ചാര മേഖലയ്ക്കും ബജറ്റിൽ വേണ്ടത്ര പരിഗണന ലഭിച്ചിട്ടുണ്ട്. ഇടുക്കി പാക്കേജ് ഉൾപ്പെടെയുള്ള പ്രഖ്യാപിത പദ്ധതികളിൽ ആവശ്യമായ ഇടപെടലുകൾ നടത്തി ജനങ്ങൾ ആഗ്രഹിക്കുന്ന വികസന നേട്ടങ്ങൾ കൈവരിക്കാൻ പ്രവർത്തിക്കുമെന്നും റോയി കെ. പൗലോസ് എംഎൽഎ വ്യക്തമാക്കി. ചെറുതോണിയിൽ വിളിച്ചു ചേർത്ത വാർത്താ സമ്മേളനത്തിലാണ് എംഎൽഎ ഈ കാര്യങ്ങൾ അറിയിച്ചത്. ബ്ലോക്ക് പഞ്ചായത്ത് വൈസ് പ്രസിഡൻ്റ് എ.പി. ഉസ്മാൻ, കോൺഗ്രസ് ഇടുക്കി നിയോജകമണ്ഡലം പ്രസിഡണ്ട് എം.കെ. പുരുഷോത്തമൻ, ബ്ലോക്ക് കോൺഗ്രസ് പ്രസിഡണ്ട് അഡ്വ. അനീഷ് ജോർജ്, മുസ്ലിം ലീഗ് ഇടുക്കി നിയോജകമണ്ഡലം പ്രസിഡൻ്റ് എം.കെ. നവാസ് എന്നിവരും വാർത്താ സമ്മേളനത്തിൽ പങ്കെടുത്തു.