సాయుధ రైతాంగ పోరాట స్ఫూర్తితో ప్రజా పోరాటాలకు సిద్ధం కావాలి: సీపీఎం.. నల్గొండ, సెప్టెంబర్ 15: తెలంగాణ రైతాంగ సాయుధ పోరాట స్ఫూర్తితో కేంద్ర ప్రభుత్వం అవలంబిస్తున్న రైతు వ్యతిరేక విధానాలపై ప్రజా పోరాటాలకు సిద్ధం కావాలని సీపీఎం జిల్లా కార్యదర్శి వర్గ సభ్యులు సయ్యద్ హశం పిలుపునిచ్చారు. తెలంగాణ సాయుధ రైతాంగ పోరాట వారోత్సవాల్లో భాగంగా మంగళవారం నల్గొండ సీపీఎం పట్టణ కమిటీ ఆధ్వర్యంలో 16వ డివిజన్ బాదేగూడెంలో నాటి పోరాట యోధురాలు కాసర్ల కమలమ్మ చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా సయ్యద్ హశం మాట్లాడుతూ భూమి కోసం, భుక్తి కోసం, వెట్టి చాకిరి విముక్తి కోసం జరిగిన తెలంగాణ సాయుధ పోరాటంలో మహిళలు సైతం దొరలు, జాగీర్దారులు, జమీందారులు, రజాకారులకు వ్యతిరేకంగా ధైర్యంగా పోరాడారని తెలిపారు. ఆ పోరాటాల ఫలితంగానే పేదలకు భూములు లభించాయని, సమాజంలో గౌరవంగా జీవించే అవకాశం ఏర్పడిందన్నారు. ప్రస్తుతం పాలకులు భూములను కార్పొరేట్లకు అప్పగిస్తూ వ్యవసాయాన్ని కార్పొరేటీకరణ చేసే ప్రయత్నాలు చేస్తున్నారని విమర్శించారు. రైతులకు రక్షణ కల్పించే కనీస మద్దతు ధర చట్టం తీసుకురావాలని, విదేశీ వ్యవసాయ ఉత్పత్తుల దిగుమతులతో రైతులను నష్టపరిచే విధానాలను వ్యతిరేకిస్తూ ఉద్యమాలు చేపట్టాలని పిలుపునిచ్చారు. విద్యుత్ ప్రైవేటీకరణ, విత్తన చట్టం, స్వేచ్ఛా మార్కెట్, గిట్టుబాటు ధర వంటి సమస్యలపై చర్చించి భవిష్యత్ పోరాట కార్యాచరణ రూపొందించేందుకు నవంబర్ 15 నుంచి 18 వరకు నల్గొండ జిల్లా కేంద్రంలో జరిగే అఖిల భారత కిసాన్ సభ 36వ జాతీయ మహాసభలను విజయవంతం చేయాలని కోరారు. ఈ కార్యక్రమంలో సీపీఎం జిల్లా కమిటీ సభ్యులు ఎండీ సలీం, సీనియర్ నాయకులు ఊట్కూరి నారాయణరెడ్డి, పట్టణ కార్యదర్శి దండెంపల్లి సత్తయ్య, పట్టణ కమిటీ సభ్యులు తుమ్మల పద్మ, అవుట రవీందర్, పిన్నపురెడ్డి మధుసూదన్ రెడ్డి, అద్దంకి నరసింహ, గుండాల నరేష్, కన్నేకంటి సత్యనారాయణ, రాపోలు చంద్రయ్య, కాసర్ల గౌతంరెడ్డి, గంజి రాజేష్, గౌరిదేవి మధుసూదన్ తదితరులు పాల్గొన్నారు.

శ్రీరామోజు కనకాచారి

Local News Reporter నక్రేకల్, నల్గొండ, తెలంగాణ•

5 hrs ago

సాయుధ రైతాంగ పోరాట స్ఫూర్తితో ప్రజా పోరాటాలకు సిద్ధం కావాలి: సీపీఎం.. నల్గొండ, సెప్టెంబర్ 15: తెలంగాణ రైతాంగ సాయుధ పోరాట స్ఫూర్తితో కేంద్ర ప్రభుత్వం అవలంబిస్తున్న రైతు వ్యతిరేక విధానాలపై ప్రజా పోరాటాలకు సిద్ధం కావాలని సీపీఎం జిల్లా కార్యదర్శి వర్గ సభ్యులు సయ్యద్ హశం పిలుపునిచ్చారు. తెలంగాణ సాయుధ రైతాంగ పోరాట వారోత్సవాల్లో భాగంగా మంగళవారం నల్గొండ సీపీఎం పట్టణ కమిటీ ఆధ్వర్యంలో 16వ డివిజన్ బాదేగూడెంలో నాటి పోరాట యోధురాలు కాసర్ల కమలమ్మ చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా సయ్యద్ హశం మాట్లాడుతూ భూమి కోసం, భుక్తి కోసం, వెట్టి చాకిరి విముక్తి కోసం జరిగిన తెలంగాణ సాయుధ పోరాటంలో మహిళలు సైతం దొరలు, జాగీర్దారులు, జమీందారులు, రజాకారులకు వ్యతిరేకంగా ధైర్యంగా పోరాడారని తెలిపారు. ఆ పోరాటాల ఫలితంగానే పేదలకు భూములు లభించాయని, సమాజంలో గౌరవంగా జీవించే అవకాశం ఏర్పడిందన్నారు. ప్రస్తుతం పాలకులు భూములను కార్పొరేట్లకు అప్పగిస్తూ వ్యవసాయాన్ని కార్పొరేటీకరణ చేసే ప్రయత్నాలు చేస్తున్నారని విమర్శించారు. రైతులకు రక్షణ కల్పించే కనీస మద్దతు ధర చట్టం తీసుకురావాలని, విదేశీ వ్యవసాయ ఉత్పత్తుల దిగుమతులతో రైతులను నష్టపరిచే విధానాలను వ్యతిరేకిస్తూ ఉద్యమాలు చేపట్టాలని పిలుపునిచ్చారు. విద్యుత్ ప్రైవేటీకరణ, విత్తన చట్టం, స్వేచ్ఛా మార్కెట్, గిట్టుబాటు ధర వంటి సమస్యలపై చర్చించి భవిష్యత్ పోరాట కార్యాచరణ రూపొందించేందుకు నవంబర్ 15 నుంచి 18 వరకు నల్గొండ జిల్లా కేంద్రంలో జరిగే అఖిల భారత కిసాన్ సభ 36వ జాతీయ మహాసభలను విజయవంతం చేయాలని కోరారు. ఈ కార్యక్రమంలో సీపీఎం జిల్లా కమిటీ సభ్యులు ఎండీ సలీం, సీనియర్ నాయకులు ఊట్కూరి నారాయణరెడ్డి, పట్టణ కార్యదర్శి దండెంపల్లి సత్తయ్య, పట్టణ కమిటీ సభ్యులు తుమ్మల పద్మ, అవుట రవీందర్, పిన్నపురెడ్డి మధుసూదన్ రెడ్డి, అద్దంకి నరసింహ, గుండాల నరేష్, కన్నేకంటి సత్యనారాయణ, రాపోలు చంద్రయ్య, కాసర్ల గౌతంరెడ్డి, గంజి రాజేష్, గౌరిదేవి మధుసూదన్ తదితరులు పాల్గొన్నారు.