राज्यात काँग्रेसची पक्ष संघटना अधिक सक्षम आणि सक्रिय करण्याच्या उद्देशाने 'संघटन सृजन अभियान' राबवले जात असून, या अंतर्गत सात हजार नवीन पदाधिकाऱ्यांच्या नियुक्तीची प्रक्रिया सुरू आहे. या नवनियुक्त पदाधिकाऱ्यांसाठी महाराष्ट्र प्रदेश काँग्रेस कमिटीने दादर येथील टिळक भवनमधील पक्षाच्या मुख्यालयात दिनांक २६ मे ते ३० मे २०२६ या कालावधीत विशेष प्रशिक्षण कार्यशाळा आयोजित केली होती. ही कार्यशाळा ओबीसी, अल्पसंख्याक, एस. सी. आणि सोशल मीडिया विभागासाठी, विशेषतः या विभागांच्या नवनियुक्त तालुकाध्यक्षांसाठी होती. प्रदेशाध्यक्ष हर्षवर्धन सपकाळ यांच्या मार्गदर्शनाखाली आयोजित या कार्यशाळेत संघटनात्मक बांधणी, पक्षविस्तार, जनसंपर्क, सोशल मीडिया संवाद, बूथस्तरीय नियोजन आणि विविध समाजघटकांशी समन्वय यांसारख्या महत्त्वाच्या विषयांवर सविस्तर मार्गदर्शन करण्यात आले. विविध क्षेत्रांतील तज्ज्ञ व्यक्तींनीही यावेळी पदाधिकाऱ्यांना प्रशिक्षण दिले. या कार्यशाळेला प्रदेश काँग्रेसचे वरिष्ठ उपाध्यक्ष (संघटन व प्रशासन) ॲड. गणेश पाटील, ओबीसी विभागाचे प्रदेशाध्यक्ष यशपाल भिंगे, एस. सी. विभागाचे प्रदेशाध्यक्ष अनिरुद्ध वनकर, अल्पसंख्यांक विभागाचे अध्यक्ष वजाहत मिर्झा, माजी खासदार भालचंद्र मुणगेकर, प्रदेश काँग्रेसचे उपाध्यक्ष रमेश शेट्टी, सरचिटणीस गुरबिंदर बच्चर आणि अभिजित सपकाळ, सोशल मीडिया विभागाचे प्रदेशाध्यक्ष हृषिकेश पाटील तसेच प्रवक्ते हनुमंत पवार यांच्यासह अनेक प्रमुख नेते उपस्थित होते. प्रदेश काँग्रेसच्या प्रशिक्षण विभागाचे प्रमुख आशुतोष शिर्के आणि निमिष साने यांच्या पुढाकाराने या कार्यशाळांचे नियोजन करण्यात आले होते, तसेच प्रसिद्ध आर.जे. संग्राम खोपडे यांनीही मार्गदर्शन केले.

लोक हिंद चॅनल

Journalist शहापूर, ठाणे, महाराष्ट्र•

1 hr ago

राज्यात काँग्रेसची पक्ष संघटना अधिक सक्षम आणि सक्रिय करण्याच्या उद्देशाने 'संघटन सृजन अभियान' राबवले जात असून, या अंतर्गत सात हजार नवीन पदाधिकाऱ्यांच्या नियुक्तीची प्रक्रिया सुरू आहे. या नवनियुक्त पदाधिकाऱ्यांसाठी महाराष्ट्र प्रदेश काँग्रेस कमिटीने दादर येथील टिळक भवनमधील पक्षाच्या मुख्यालयात दिनांक २६ मे ते ३० मे २०२६ या कालावधीत

विशेष प्रशिक्षण कार्यशाळा आयोजित केली होती. ही कार्यशाळा ओबीसी, अल्पसंख्याक, एस. सी. आणि सोशल मीडिया विभागासाठी, विशेषतः या विभागांच्या नवनियुक्त तालुकाध्यक्षांसाठी होती. प्रदेशाध्यक्ष हर्षवर्धन सपकाळ यांच्या मार्गदर्शनाखाली आयोजित या कार्यशाळेत संघटनात्मक बांधणी, पक्षविस्तार, जनसंपर्क, सोशल मीडिया संवाद, बूथस्तरीय नियोजन आणि विविध समाजघटकांशी समन्वय यांसारख्या महत्त्वाच्या विषयांवर सविस्तर मार्गदर्शन करण्यात

आले. विविध क्षेत्रांतील तज्ज्ञ व्यक्तींनीही यावेळी पदाधिकाऱ्यांना प्रशिक्षण दिले. या कार्यशाळेला प्रदेश काँग्रेसचे वरिष्ठ उपाध्यक्ष (संघटन व प्रशासन) ॲड. गणेश पाटील, ओबीसी विभागाचे प्रदेशाध्यक्ष यशपाल भिंगे, एस. सी. विभागाचे प्रदेशाध्यक्ष अनिरुद्ध वनकर, अल्पसंख्यांक विभागाचे अध्यक्ष वजाहत मिर्झा, माजी खासदार भालचंद्र मुणगेकर, प्रदेश काँग्रेसचे उपाध्यक्ष रमेश शेट्टी, सरचिटणीस गुरबिंदर बच्चर

आणि अभिजित सपकाळ, सोशल मीडिया विभागाचे प्रदेशाध्यक्ष हृषिकेश पाटील तसेच प्रवक्ते हनुमंत पवार यांच्यासह अनेक प्रमुख नेते उपस्थित होते. प्रदेश काँग्रेसच्या प्रशिक्षण विभागाचे प्रमुख आशुतोष शिर्के आणि निमिष साने यांच्या पुढाकाराने या कार्यशाळांचे नियोजन करण्यात आले होते, तसेच प्रसिद्ध आर.जे. संग्राम खोपडे यांनीही मार्गदर्शन केले.