കേരള സർക്കാർ ചീഫ് വിപ്പായി ചുമതലയേറ്റ അപു ജോൺ ജോസഫ് എം.എൽ.എയ്ക്കും, ഇടുക്കി എം.എൽ.എ റോയി കെ പൗലോസിനും കേരള കോൺഗ്രസ് ജോസഫ് വിഭാഗം ചെറുതോണിയിൽ ആവേശോജ്ജ്വലമായ സ്വീകരണം നൽകി. ഈ സ്വീകരണ സമ്മേളനത്തിൽ അപു ജോൺ ജോസഫ് എതിർവിഭാഗത്തിനെതിരെ രൂക്ഷവിമർശനമുയർത്തി. എതിരാളികളുടെ ശക്തികേന്ദ്രങ്ങളിൽ പോലും കടന്നുകയറി ഉജ്ജ്വല വിജയം നേടാൻ പാർട്ടിക്കു സാധിച്ചതായി അദ്ദേഹം വ്യക്തമാക്കി. ജില്ലാ വ്യാപാര ഭവൻ ഓഡിറ്റോറിയത്തിൽ നടന്ന സ്വീകരണ സമ്മേളനത്തോടനുബന്ധിച്ച് പുതിയ പ്രവർത്തകർക്ക് പാർട്ടി മെമ്പർഷിപ്പും വിതരണം ചെയ്തു. കേരള കോൺഗ്രസ് ജോസഫ് ജില്ലാ പ്രസിഡന്റ് എം.ജെ. ജേക്കബ് സമ്മേളനം ഉദ്ഘാടനം ചെയ്യുകയും നിയോജക മണ്ഡലം പ്രസിഡന്റ് ജോയി കൊച്ചു കരോട്ട് അധ്യക്ഷത വഹിക്കുകയും ചെയ്തു. സംസ്ഥാന ഉന്നതാധികാര സമിതി അംഗം തോമസ് പെരുമന മുഖ്യപ്രഭാഷണം നിർവഹിച്ചു. കർഷക യൂണിയൻ സംസ്ഥാന പ്രസിഡന്റ് വർഗീസ് വെട്ടിയാങ്കൻ, എം.ജെ. കുര്യൻ, സംസ്ഥാന സെക്രട്ടറിമാരായ എം. മോനിച്ചൻ, ബെന്നി പുതുപ്പള്ളി എന്നിവരുൾപ്പെടെ നിരവധി നേതാക്കൾ ആശംസകൾ അർപ്പിച്ച് സംസാരിച്ചു. സ്വീകരണ പരിപാടിയിൽ വലിയ തോതിലുള്ള പ്രവർത്തക പങ്കാളിത്തമാണ് ദൃശ്യമായത്.
കേരള സർക്കാർ ചീഫ് വിപ്പായി ചുമതലയേറ്റ അപു ജോൺ ജോസഫ് എം.എൽ.എയ്ക്കും, ഇടുക്കി എം.എൽ.എ റോയി കെ പൗലോസിനും കേരള കോൺഗ്രസ് ജോസഫ് വിഭാഗം ചെറുതോണിയിൽ ആവേശോജ്ജ്വലമായ സ്വീകരണം നൽകി. ഈ സ്വീകരണ സമ്മേളനത്തിൽ അപു ജോൺ ജോസഫ് എതിർവിഭാഗത്തിനെതിരെ രൂക്ഷവിമർശനമുയർത്തി. എതിരാളികളുടെ ശക്തികേന്ദ്രങ്ങളിൽ പോലും കടന്നുകയറി ഉജ്ജ്വല വിജയം നേടാൻ പാർട്ടിക്കു സാധിച്ചതായി അദ്ദേഹം വ്യക്തമാക്കി. ജില്ലാ വ്യാപാര ഭവൻ ഓഡിറ്റോറിയത്തിൽ നടന്ന സ്വീകരണ സമ്മേളനത്തോടനുബന്ധിച്ച് പുതിയ പ്രവർത്തകർക്ക് പാർട്ടി മെമ്പർഷിപ്പും വിതരണം ചെയ്തു. കേരള കോൺഗ്രസ് ജോസഫ് ജില്ലാ പ്രസിഡന്റ് എം.ജെ. ജേക്കബ് സമ്മേളനം ഉദ്ഘാടനം ചെയ്യുകയും നിയോജക മണ്ഡലം പ്രസിഡന്റ് ജോയി കൊച്ചു കരോട്ട് അധ്യക്ഷത വഹിക്കുകയും ചെയ്തു. സംസ്ഥാന ഉന്നതാധികാര സമിതി അംഗം തോമസ് പെരുമന മുഖ്യപ്രഭാഷണം നിർവഹിച്ചു. കർഷക യൂണിയൻ സംസ്ഥാന പ്രസിഡന്റ് വർഗീസ് വെട്ടിയാങ്കൻ, എം.ജെ. കുര്യൻ, സംസ്ഥാന സെക്രട്ടറിമാരായ എം. മോനിച്ചൻ, ബെന്നി പുതുപ്പള്ളി എന്നിവരുൾപ്പെടെ നിരവധി നേതാക്കൾ ആശംസകൾ അർപ്പിച്ച് സംസാരിച്ചു. സ്വീകരണ പരിപാടിയിൽ വലിയ തോതിലുള്ള പ്രവർത്തക പങ്കാളിത്തമാണ് ദൃശ്യമായത്.
