कुंभमेळा मार्गाची दयनीय अवस्था प्रशासनाच्या हलगर्जीपणामुळे नागरिकांच्या जीवाशी खेळ कुरखेडा. *कुरखेडा–कुंभीटोला मार्गाची दयनीय अवस्था प्रशासनाच्या हलगर्जीपणामुळे नागरिकांच्या जीवाशी खेळ*! *खड्डे, धोकादायक वळणे, झुडपांचे साम्राज्य; आंदोलक भूमिका घेण्याचा नागरिकांचा इशारा* कुरखेडा–कुंभीटोला हा अत्यंत वर्दळीचा डांबरी मार्ग आज अक्षरशः खड्ड्यांच्या विळख्यात सापडला असून संबंधित सार्वजनिक बांधकाम विभागाच्या दुर्लक्षामुळे नागरिक, विद्यार्थी आणि शेतकऱ्यांच्या जीवाशी खेळ सुरू असल्याचा संतप्त आरोप ग्रामस्थांनी केला आहे. पावसाळ्यात या मार्गावर जागोजागी पाणी साचून मोठमोठे खड्डे लपून जात असल्याने अपघाताचा धोका अधिकच वाढला आहे. या मार्गावर वर्षभर रेती व विटांची जड वाहतूक सुरू असल्यामुळे रस्त्याची दयनीय अवस्था झाली आहे. मात्र, याची माहिती असूनही संबंधित प्रशासनाने केवळ बघ्याची भूमिका घेतल्याने नागरिकांमध्ये तीव्र नाराजी पसरली आहे. धोकादायक वळणांवर वाढलेली झाडे व झुडपे वाहनचालकांची दृष्टी आडवी करत असून कोणत्याही क्षणी मोठी दुर्घटना घडण्याची शक्यता नाकारता येत नाही. दररोज शेकडो विद्यार्थी, शेतकरी, महिला आणि नागरिकांना या मार्गावरून जीव मुठीत धरून प्रवास करावा लागत आहे. कुरखेडा शहराकडे अवघ्या दोन किलोमीटरचा प्रवासही जीवघेणा ठरत असून याच मार्गावर यापूर्वी अनेक अपघात घडल्याची आठवण ग्रामस्थांनी करून दिली. विशेष म्हणजे, संबंधित विभागाकडे वारंवार तक्रारी करूनही खड्डे बुजविणे, रस्त्याच्या कडेला वाढलेली झाडे-झुडपे हटविणे किंवा रस्त्याची दुरुस्ती करण्याबाबत कोणतीही ठोस कार्यवाही करण्यात आलेली नाही. त्यामुळे प्रशासनाची निष्क्रियता आणि उदासीनता उघड झाल्याची भावना नागरिक व्यक्त करत आहेत. कुंभीटोला परिसरातील नागरिकांनी तातडीने रस्त्यावरील खड्डे बुजवून डांबरीकरण करावे, धोकादायक वळणांवरील झाडे-झुडपे हटवावीत आणि सुरक्षित वाहतुकीची व्यवस्था करावी, अशी मागणी केली आहे. अन्यथा तीव्र लोकआंदोलन छेडण्याचा इशारा ग्रामस्थांनी प्रशासनाला दिला आहे. "अपघात झाल्यानंतर जागे होणाऱ्या प्रशासनाने आता तरी झोपेतून उठावे. एखाद्या निष्पाप विद्यार्थ्याचा किंवा नागरिकाचा बळी गेल्यानंतर दुरुस्ती करण्यापेक्षा तात्काळ उपाययोजना करून नागरिकांच्या जीवाचे संरक्षण करणे ही प्रशासनाची जबाबदारी आहे," अशी संतप्त प्रतिक्रिया स्थानिक नागरिकांनी व्यक्त केली.

श्यामभाऊ लांजेवार

Advertising agency कुरखेडा, गडचिरोली, महाराष्ट्र•

20 hrs ago

कुंभमेळा मार्गाची दयनीय अवस्था प्रशासनाच्या हलगर्जीपणामुळे नागरिकांच्या जीवाशी खेळ कुरखेडा. *कुरखेडा–कुंभीटोला मार्गाची दयनीय अवस्था प्रशासनाच्या हलगर्जीपणामुळे नागरिकांच्या जीवाशी खेळ*! *खड्डे, धोकादायक वळणे, झुडपांचे साम्राज्य; आंदोलक भूमिका घेण्याचा नागरिकांचा इशारा* कुरखेडा–कुंभीटोला हा अत्यंत वर्दळीचा डांबरी मार्ग आज अक्षरशः खड्ड्यांच्या विळख्यात सापडला असून संबंधित सार्वजनिक बांधकाम विभागाच्या दुर्लक्षामुळे नागरिक, विद्यार्थी आणि शेतकऱ्यांच्या जीवाशी खेळ सुरू असल्याचा संतप्त आरोप ग्रामस्थांनी केला आहे. पावसाळ्यात या मार्गावर जागोजागी पाणी साचून मोठमोठे खड्डे लपून जात असल्याने अपघाताचा धोका अधिकच वाढला आहे. या मार्गावर वर्षभर रेती व विटांची जड वाहतूक सुरू असल्यामुळे रस्त्याची दयनीय अवस्था झाली आहे. मात्र, याची माहिती असूनही संबंधित प्रशासनाने केवळ बघ्याची भूमिका घेतल्याने नागरिकांमध्ये तीव्र नाराजी पसरली आहे. धोकादायक वळणांवर वाढलेली झाडे व झुडपे वाहनचालकांची दृष्टी आडवी करत असून कोणत्याही क्षणी मोठी दुर्घटना घडण्याची शक्यता नाकारता येत नाही. दररोज शेकडो विद्यार्थी, शेतकरी, महिला आणि नागरिकांना या मार्गावरून जीव मुठीत धरून प्रवास करावा लागत आहे. कुरखेडा शहराकडे अवघ्या दोन किलोमीटरचा प्रवासही जीवघेणा ठरत असून याच मार्गावर यापूर्वी अनेक अपघात घडल्याची आठवण ग्रामस्थांनी करून दिली. विशेष म्हणजे, संबंधित विभागाकडे वारंवार तक्रारी करूनही खड्डे बुजविणे, रस्त्याच्या कडेला वाढलेली झाडे-झुडपे हटविणे किंवा रस्त्याची दुरुस्ती करण्याबाबत कोणतीही ठोस कार्यवाही करण्यात आलेली नाही. त्यामुळे प्रशासनाची निष्क्रियता आणि उदासीनता उघड झाल्याची भावना नागरिक व्यक्त करत आहेत. कुंभीटोला परिसरातील नागरिकांनी तातडीने रस्त्यावरील खड्डे बुजवून डांबरीकरण करावे, धोकादायक वळणांवरील झाडे-झुडपे हटवावीत आणि सुरक्षित वाहतुकीची व्यवस्था करावी, अशी मागणी केली आहे. अन्यथा तीव्र लोकआंदोलन छेडण्याचा इशारा ग्रामस्थांनी प्रशासनाला दिला आहे. "अपघात झाल्यानंतर जागे होणाऱ्या प्रशासनाने आता तरी झोपेतून उठावे. एखाद्या निष्पाप विद्यार्थ्याचा किंवा नागरिकाचा बळी गेल्यानंतर दुरुस्ती करण्यापेक्षा तात्काळ उपाययोजना करून नागरिकांच्या जीवाचे संरक्षण करणे ही प्रशासनाची जबाबदारी आहे," अशी संतप्त प्रतिक्रिया स्थानिक नागरिकांनी व्यक्त केली.