సిద్దిపేట పోలీస్ కమిషనరేట్ పరిధిలోని దౌల్తాబాద్ పోలీస్ స్టేషన్‌ను పోలీస్ కమిషనర్ రష్మీ పెరుమాళ్, ఐపీఎస్, శుక్రవారం వార్షిక తనిఖీల్లో భాగంగా సందర్శించి పరిశీలించారు. స్టేషన్‌కు చేరుకున్న సీపీకి పోలీసు అధికారులు పూల మొక్కలు అందజేసి స్వాగతం పలకగా, ఆమె గౌరవ వందనం స్వీకరించి స్టేషన్ ఆవరణలో మొక్కలు నాటారు. తనిఖీల్లో భాగంగా సీపీ వాహనాల పార్కింగ్ ప్రదేశాలు, రిసెప్షన్, స్టేషన్ రైటర్ విభాగం, టెక్ టీమ్, ఎస్‌హెచ్‌వో కార్యాలయం, లాక్‌అప్ గది వంటి వివిధ విభాగాలను పరిశీలించారు. అలాగే, స్టేషన్‌లో నిర్వహిస్తున్న రికార్డులు, పెండింగ్ కేసులు, దర్యాప్తు పురోగతిపై ఎస్‌ఐ అరుణ్ కుమార్‌ను అడిగి తెలుసుకున్నారు. ఈ సందర్భంగా ఆమె పోలీస్ స్టేషన్ ఆవరణలో ఏర్పాటు చేసిన బ్యాడ్మింటన్ కోర్టును ప్రారంభించి, 100 మొక్కలను నాటారు. అనంతరం సీపీ మాట్లాడుతూ దౌల్తాబాద్ పోలీస్ స్టేషన్ పరిధిలో ఎలాంటి అసాంఘిక కార్యకలాపాలు జరగకుండా నిరంతర పర్యవేక్షణ చేపట్టాలని సూచించారు. సాయంత్రం వేళల్లో డ్రంక్ అండ్ డ్రైవ్ తనిఖీలు నిర్వహిస్తూ రోడ్డు ప్రమాదాలను అరికట్టాలని ఆదేశించారు. కేసుల దర్యాప్తులో నాణ్యత ప్రమాణాలు పాటించి, నిర్ణీత సమయంలో చార్జిషీట్లు దాఖలు చేయడం ద్వారా బాధితులకు న్యాయం చేయవచ్చని ఆమె స్పష్టం చేశారు. దీర్ఘకాలంగా పెండింగ్‌లో ఉన్న కేసులను ప్రత్యేక దృష్టితో త్వరితగతిన పూర్తి చేయాలని సూచించారు. విలేజ్ పోలీస్ అధికారులు తమకు కేటాయించిన గ్రామాలపై పూర్తి అవగాహన కలిగి ఉండాలని, గ్రామ పెద్దలు, యువతతో సత్సంబంధాలు కొనసాగిస్తూ శాంతిభద్రతలకు సంబంధించిన సమాచారాన్ని ముందస్తుగా సేకరించాలని సీపీ సూచించారు. రౌడీ షీటర్లు, సస్పెక్ట్ హిస్టరీ షీటర్ల వివరాలను ఎప్పటికప్పుడు నవీకరించాలని, అనుమానిత వ్యక్తుల వేలిముద్రలను పోర్టబుల్ డివైస్‌ల ద్వారా తనిఖీ చేసి పాత నేరస్తులను గుర్తించాలని ఆదేశించారు. తెలంగాణ పోలీస్ శాఖ అందుబాటులోకి తీసుకొచ్చిన సీసీటీఎన్ఎస్-2.0, టీజీ-కాప్, హెచ్‌ఆర్‌ఎంఎస్, ఈ-సాక్ష్య, సైబర్ క్రైమ్ పోర్టల్, సీఈఐఆర్, సీడీఆర్ వంటి సాంకేతిక వ్యవస్థలపై పూర్తి పట్టు సాధించి నేరాల నియంత్రణలో సమర్థవంతంగా వ్యవహరించాలని సిబ్బందికి సూచించారు. స్టేషన్ రికార్డులను ఎప్పటికప్పుడు సీసీటీఎన్ఎస్‌లో నమోదు చేయాలని ఆదేశించారు. సిద్దిపేట సురక్ష నేత్ర కార్యక్రమంలో భాగంగా ప్రతి గ్రామంలో సీసీటీవీ కెమెరాల ఏర్పాటు కోసం చర్యలు తీసుకోవాలని సూచించిన సీపీ, సిద్దిపేట పోలీస్ ఉద్యోగ మిత్ర వెబ్‌సైట్‌పై గ్రామీణ ప్రాంతాల్లో అవగాహన కల్పించాలని తెలిపారు. మారుతున్న సమాజానికి అనుగుణంగా సాంకేతిక పరిజ్ఞానాన్ని అంది పుచ్చుకోవాలని, ప్రతి పోలీసు సిబ్బంది అన్ని విధులకు సంబంధించిన అవగాహన కలిగి ఉండాలని సూచించారు. విధి నిర్వహణలో అంకితభావంతో పనిచేసి శాఖకు మంచి పేరు తీసుకురావాలని పిలుపునిచ్చారు. డ్యూటీ లేదా వ్యక్తిగత సమస్యలు ఉంటే నేరుగా తన దృష్టికి తీసుకురావచ్చని తెలిపారు. వాహనాలు నడిపేటప్పుడు తప్పనిసరిగా హెల్మెట్, సీట్‌బెల్ట్ ధరించాలని ఆమె సూచించారు. ఈ కార్యక్రమంలో గజ్వేల్ ఏసీపీ నర్సింలు, తొగుట సీఐ లతీఫ్, సీసీఆర్‌బీ ఇన్‌స్పెక్టర్ రామకృష్ణ, ఎస్‌ఐ అరుణ్ కుమార్‌తో పాటు ఇతర పోలీసు సిబ్బంది పాల్గొన్నారు.

Gousuddin Md

అంబర్‌పేట్, హైదరాబాద్, తెలంగాణ•

21 hrs ago

సిద్దిపేట పోలీస్ కమిషనరేట్ పరిధిలోని దౌల్తాబాద్ పోలీస్ స్టేషన్‌ను పోలీస్ కమిషనర్ రష్మీ పెరుమాళ్, ఐపీఎస్, శుక్రవారం వార్షిక తనిఖీల్లో భాగంగా సందర్శించి పరిశీలించారు. స్టేషన్‌కు చేరుకున్న సీపీకి పోలీసు అధికారులు పూల మొక్కలు అందజేసి స్వాగతం పలకగా, ఆమె గౌరవ వందనం స్వీకరించి స్టేషన్ ఆవరణలో మొక్కలు నాటారు. తనిఖీల్లో భాగంగా సీపీ వాహనాల పార్కింగ్ ప్రదేశాలు, రిసెప్షన్, స్టేషన్ రైటర్ విభాగం, టెక్ టీమ్, ఎస్‌హెచ్‌వో కార్యాలయం, లాక్‌అప్ గది వంటి వివిధ విభాగాలను పరిశీలించారు. అలాగే, స్టేషన్‌లో నిర్వహిస్తున్న రికార్డులు, పెండింగ్ కేసులు, దర్యాప్తు పురోగతిపై ఎస్‌ఐ అరుణ్ కుమార్‌ను అడిగి తెలుసుకున్నారు. ఈ సందర్భంగా ఆమె పోలీస్ స్టేషన్ ఆవరణలో

ఏర్పాటు చేసిన బ్యాడ్మింటన్ కోర్టును ప్రారంభించి, 100 మొక్కలను నాటారు. అనంతరం సీపీ మాట్లాడుతూ దౌల్తాబాద్ పోలీస్ స్టేషన్ పరిధిలో ఎలాంటి అసాంఘిక కార్యకలాపాలు జరగకుండా నిరంతర పర్యవేక్షణ చేపట్టాలని సూచించారు. సాయంత్రం వేళల్లో డ్రంక్ అండ్ డ్రైవ్ తనిఖీలు నిర్వహిస్తూ రోడ్డు ప్రమాదాలను అరికట్టాలని ఆదేశించారు. కేసుల దర్యాప్తులో నాణ్యత ప్రమాణాలు పాటించి, నిర్ణీత సమయంలో చార్జిషీట్లు దాఖలు చేయడం ద్వారా బాధితులకు న్యాయం చేయవచ్చని ఆమె స్పష్టం చేశారు. దీర్ఘకాలంగా పెండింగ్‌లో ఉన్న కేసులను ప్రత్యేక దృష్టితో త్వరితగతిన పూర్తి చేయాలని సూచించారు. విలేజ్ పోలీస్ అధికారులు తమకు కేటాయించిన గ్రామాలపై పూర్తి అవగాహన కలిగి ఉండాలని, గ్రామ పెద్దలు, యువతతో సత్సంబంధాలు కొనసాగిస్తూ

శాంతిభద్రతలకు సంబంధించిన సమాచారాన్ని ముందస్తుగా సేకరించాలని సీపీ సూచించారు. రౌడీ షీటర్లు, సస్పెక్ట్ హిస్టరీ షీటర్ల వివరాలను ఎప్పటికప్పుడు నవీకరించాలని, అనుమానిత వ్యక్తుల వేలిముద్రలను పోర్టబుల్ డివైస్‌ల ద్వారా తనిఖీ చేసి పాత నేరస్తులను గుర్తించాలని ఆదేశించారు. తెలంగాణ పోలీస్ శాఖ అందుబాటులోకి తీసుకొచ్చిన సీసీటీఎన్ఎస్-2.0, టీజీ-కాప్, హెచ్‌ఆర్‌ఎంఎస్, ఈ-సాక్ష్య, సైబర్ క్రైమ్ పోర్టల్, సీఈఐఆర్, సీడీఆర్ వంటి సాంకేతిక వ్యవస్థలపై పూర్తి పట్టు సాధించి నేరాల నియంత్రణలో సమర్థవంతంగా వ్యవహరించాలని సిబ్బందికి సూచించారు. స్టేషన్ రికార్డులను ఎప్పటికప్పుడు సీసీటీఎన్ఎస్‌లో నమోదు చేయాలని ఆదేశించారు. సిద్దిపేట సురక్ష నేత్ర కార్యక్రమంలో భాగంగా ప్రతి గ్రామంలో సీసీటీవీ కెమెరాల ఏర్పాటు కోసం చర్యలు తీసుకోవాలని సూచించిన సీపీ,

సిద్దిపేట పోలీస్ ఉద్యోగ మిత్ర వెబ్‌సైట్‌పై గ్రామీణ ప్రాంతాల్లో అవగాహన కల్పించాలని తెలిపారు. మారుతున్న సమాజానికి అనుగుణంగా సాంకేతిక పరిజ్ఞానాన్ని అంది పుచ్చుకోవాలని, ప్రతి పోలీసు సిబ్బంది అన్ని విధులకు సంబంధించిన అవగాహన కలిగి ఉండాలని సూచించారు. విధి నిర్వహణలో అంకితభావంతో పనిచేసి శాఖకు మంచి పేరు తీసుకురావాలని పిలుపునిచ్చారు. డ్యూటీ లేదా వ్యక్తిగత సమస్యలు ఉంటే నేరుగా తన దృష్టికి తీసుకురావచ్చని తెలిపారు. వాహనాలు నడిపేటప్పుడు తప్పనిసరిగా హెల్మెట్, సీట్‌బెల్ట్ ధరించాలని ఆమె సూచించారు. ఈ కార్యక్రమంలో గజ్వేల్ ఏసీపీ నర్సింలు, తొగుట సీఐ లతీఫ్, సీసీఆర్‌బీ ఇన్‌స్పెక్టర్ రామకృష్ణ, ఎస్‌ఐ అరుణ్ కుమార్‌తో పాటు ఇతర పోలీసు సిబ్బంది పాల్గొన్నారు.