देहूरोड येथील सामूहिक बलात्कार प्रकरणात न्यायालयाने कठोर निर्णय दिला आहे. चार दोषींना मरेपर्यंत दुहेरी जन्मठेपेची शिक्षा ठोठावण्यात आली. या ऐतिहासिक निकालामुळे पीडितेला अखेर न्याय मिळाला आहे.

6 hrs ago

विशेष तपास न्युज

पिंपरी चिंचवड, पुणे, महाराष्ट्र•

6 hrs ago

"धक्कादायक! झोपेत असताना छातीत दोन गोळ्या झाडून केला खून; उमदी पोलिसांनी शिताफीने आरोपींना पकडले." सांगली/जत: जत तालुक्यातील संख येथे मध्यरात्री झोपेत असलेल्या व्यक्तीवर गोळ्या झाडून करण्यात आलेल्या निर्घृण खुनाचा छडा उमदी पोलिसांनी अवघ्या तीन तासांत लावला आहे. कोणतीही ठोस माहिती उपलब्ध नसताना केवळ गोपनीय बातमीदाराच्या मदतीने पोलिसांनी कौशल्याने तपास चक्र फिरवत दोन मुख्य आरोपींना अटक केली आहे. नेमकी घटना काय? संख (ता. जत) येथील संतोष शिवाप्पा बिरादार (वय ४२) हे १० मे २०२६ रोजी मध्यरात्री १२.३० ते १ च्या सुमारास आपल्या कुटुंबासह घराच्या व्हरांड्यात झोपले होते. यावेळी अज्ञात हल्लेखोरांनी अचानक अग्निशस्त्राचा वापर करून बिरादार यांच्या छातीत दोन गोळ्या झाडल्या. या भीषण हल्ल्यात बिरादार यांचा मृत्यू झाला. गोळीबार केल्यानंतर आरोपींनी अंधाराचा फायदा घेऊन शेतातून पलायन केले होते. तपासाची चक्रे अन् ३ तासांत अटक घटनेचे गांभीर्य ओळखून सांगलीचे पोलीस अधीक्षक श्री. तुषार दोषी, अपर पोलीस अधीक्षक श्रीमती कल्पना बारवकर आणि उपविभागीय पोलीस अधिकारी (जत) श्री. सचिन थोरबोले यांच्या मार्गदर्शनाखाली उमदी पोलीस ठाण्याचे सहाय्यक पोलीस निरीक्षक (सपोनि) संदीप कांबळे व त्यांच्या पथकाने तातडीने घटनास्थळी धाव घेतली. सपोनि संदीप कांबळे यांना गोपनीय बातमीदारामार्फत माहिती मिळाली की, एक संशयित संख ते दरीबडची रस्त्यावर आहे. माहिती मिळताच पोलिसांनी दोन पथके तयार करून सापळा रचला आणि आरोपी रोहित ऊर्फ नागेश बाळू जगदाळे (वय २२) याला ताब्यात घेतले. त्याची कसून चौकशी केली असता, त्याने महांतेश मल्लय्या स्वामी (वय ३५, रा. दरीबडची) याच्या मदतीने हा गुन्हा केल्याची कबुली दिली. त्यानंतर पोलिसांनी दुसऱ्या पथकामार्फत महांतेश स्वामी याला जाडरबोबलाद ते माडग्याळ रोडवरील एका शेतातून अटक केली. गुन्ह्याची नोंद आणि आरोपी याप्रकरणी मयताची मुलगी श्रवंती संतोष बिरादार (वय १६) हिने फिर्याद दिली असून, उमदी पोलीस ठाण्यात गुन्हा रजिस्टर नं. १३८/२०२६ नुसार बीएनएस कलम १०३(१), ३(५) आणि आर्म्स ॲक्ट ३, २५ प्रमाणे गुन्हा दाखल करण्यात आला आहे. अटक केलेले आरोपी: १) महांतेश मल्लय्या स्वामी (वय ३५, रा. दरीबडची, जत) २) रोहित ऊर्फ नागेश बाळू जगदाळे (वय २२, रा. विश्रामबाग, सांगली) यांनी बजावली कामगिरी ही यशस्वी कारवाई सपोनि संदीप कांबळे, पोउपनि बंडू साळवे, पोउनि दिनेश घसाडे, पोउनि सिद्धेश्वर गायकवाड, संतोष माने, लक्ष्मण बंडगर, कावेरी मोटे, महादेव मडसनाळ, संजय पांढरे, परशराम देशमुखे, माळी, छाया बाबर, रेणुका कुंभरे, सोपान भंडे आणि सुदर्शन खोत यांच्या पथकाने केली आहे. काहीही पुरावा नसताना अत्यंत कमी वेळेत खुनाचा गुन्हा उघडकीस आणल्याबद्दल पोलीस पथकाचे सर्वत्र कौतुक होत आहे. या प्रकरणाचा अधिक तपास सपोनि संदीप कांबळे करत आहेत.

विशेष तपास न्युज

पिंपरी चिंचवड, पुणे, महाराष्ट्र•

1 hr ago