नाशिकच्या पंडित कॉलनी परिसरात जुन्या वादातून झालेल्या कोयता हल्ल्याप्रकरणी आणि खुनाच्या प्रयत्नाच्या गुन्ह्यातील चार विधीसंघर्षित बालकांना गुन्हे शाखा अंबड युनिट-३च्या पथकाने ताब्यात घेतले आहे. या घटनेचा व्हिडिओ सोशल मीडियावर व्हायरल झाल्यानंतर पोलिसांनी वेगाने तपासाची चक्रे फिरवत ही धडक कारवाई केली असून आरोपींना पुढील कायदेशीर कारवाईसाठी सरकारवाडा पोलिसांच्या ताब्यात सुपूर्द केले आहे. या प्रकरणी सरकारवाडा पोलीस ठाण्यात गुन्हा क्रमांक १८१/२०२६ दाखल आहे. ९ जुलै रोजी दुपारी पंडित कॉलनीतील आनंद लॉन्ड्रीसमोर फिर्यादी व त्यांचे मित्र चहा पित असताना आरोपी व त्यांच्या साथीदारांनी जुन्या वादातून शिवीगाळ करत लाथाबुक्क्यांनी मारहाण केली. त्यानंतर एका आरोपीने लोखंडी कोयत्याने फिर्यादी व त्यांच्या मित्रांवर वार करून त्यांना गंभीर दुखापत केल्याचा आरोप आहे. या प्रकरणी भारतीय न्याय संहितेतील विविध कलमे, शस्त्र अधिनियम तसेच महाराष्ट्र पोलीस अधिनियमांतर्गत गुन्हा दाखल करण्यात आला आहे. तपासादरम्यान गुन्हे शाखा अंबड युनिट-३चे पोलीस उपनिरीक्षक मोतीलाल पाटील, पोलीस अंमलदार कुणाल पचलोरे, राजेश महाले आणि महेंद्र दोंदे यांनी शहरातील विविध ठिकाणी सापळे रचून या चार विधीसंघर्षित बालकांना ताब्यात घेतले. चौकशीत त्यांचा गुन्ह्यातील सहभाग निष्पन्न झाल्यानंतर त्यांना पालकांसह सरकारवाडा पोलिसांच्या ताब्यात देण्यात आले. ही कारवाई पोलीस आयुक्त संदीप कर्णिक, पोलीस उपआयुक्त (गुन्हे) किरणकुमार चव्हाण आणि सहायक पोलीस आयुक्त (गुन्हे) संदीप मिटके यांच्या मार्गदर्शनाखाली गुन्हे शाखा अंबड युनिट-३चे वरिष्ठ पोलीस निरीक्षक जगवेंद्रसिंग राजपूत, पोलीस उपनिरीक्षक मोतीलाल पाटील, पोलीस हवालदार प्रकाश बोडके, योगेश चव्हाण तसेच पोलीस अंमलदार भगवान जाधव, राजेश महाले, कुणाल पचलोरे, महेंद्र दोंदे, गौरव धात्रक आणि महिला पोलीस अंमलदार सविता कदम यांच्या पथकाने केली.

Anil GUNJAL

नाशिक, नाशिक, महाराष्ट्र•

1 hr ago

नाशिकच्या पंडित कॉलनी परिसरात जुन्या वादातून झालेल्या कोयता हल्ल्याप्रकरणी आणि खुनाच्या प्रयत्नाच्या गुन्ह्यातील चार विधीसंघर्षित बालकांना गुन्हे शाखा अंबड युनिट-३च्या पथकाने ताब्यात घेतले आहे. या घटनेचा व्हिडिओ सोशल मीडियावर व्हायरल झाल्यानंतर पोलिसांनी वेगाने तपासाची चक्रे फिरवत ही धडक कारवाई केली असून आरोपींना पुढील कायदेशीर कारवाईसाठी सरकारवाडा पोलिसांच्या ताब्यात सुपूर्द केले आहे. या प्रकरणी सरकारवाडा पोलीस ठाण्यात गुन्हा क्रमांक १८१/२०२६ दाखल आहे. ९ जुलै रोजी दुपारी पंडित कॉलनीतील आनंद लॉन्ड्रीसमोर फिर्यादी व त्यांचे मित्र चहा पित असताना आरोपी व त्यांच्या साथीदारांनी जुन्या वादातून शिवीगाळ करत लाथाबुक्क्यांनी मारहाण केली. त्यानंतर एका आरोपीने लोखंडी कोयत्याने फिर्यादी व त्यांच्या मित्रांवर वार करून त्यांना गंभीर दुखापत केल्याचा आरोप आहे. या प्रकरणी भारतीय न्याय संहितेतील विविध कलमे, शस्त्र अधिनियम तसेच महाराष्ट्र पोलीस अधिनियमांतर्गत गुन्हा दाखल करण्यात आला आहे. तपासादरम्यान गुन्हे शाखा अंबड युनिट-३चे पोलीस उपनिरीक्षक मोतीलाल पाटील, पोलीस अंमलदार कुणाल पचलोरे, राजेश महाले आणि महेंद्र दोंदे यांनी शहरातील विविध ठिकाणी सापळे रचून या चार विधीसंघर्षित बालकांना ताब्यात घेतले. चौकशीत त्यांचा गुन्ह्यातील सहभाग निष्पन्न झाल्यानंतर त्यांना पालकांसह सरकारवाडा पोलिसांच्या ताब्यात देण्यात आले. ही कारवाई पोलीस आयुक्त संदीप कर्णिक, पोलीस उपआयुक्त (गुन्हे) किरणकुमार चव्हाण आणि सहायक पोलीस आयुक्त (गुन्हे) संदीप मिटके यांच्या मार्गदर्शनाखाली गुन्हे शाखा अंबड युनिट-३चे वरिष्ठ पोलीस निरीक्षक जगवेंद्रसिंग राजपूत, पोलीस उपनिरीक्षक मोतीलाल पाटील, पोलीस हवालदार प्रकाश बोडके, योगेश चव्हाण तसेच पोलीस अंमलदार भगवान जाधव, राजेश महाले, कुणाल पचलोरे, महेंद्र दोंदे, गौरव धात्रक आणि महिला पोलीस अंमलदार सविता कदम यांच्या पथकाने केली.