పలాస జర్నలిస్ట్ అసోసియేషన్ నూతన కార్యవర్గ సన్మాన వేడుకలు నగరంలోని ఒక ప్రైవేట్ ఫంక్షన్ హాల్‌లో అంగరంగ వైభవంగా జరిగాయి. నగరంలోని ముఖ్య అధికారుల సమక్షంలో జరిగిన ఈ కార్యక్రమంలో, జర్నలిస్టుల కుటుంబ సభ్యులు కూడా పెద్ద సంఖ్యలో పాల్గొన్నారు. రాష్ట్రంలో మరెక్కడా జరగని విధంగా, ఈ సన్మాన వేడుక నూతనంగా, నామినేటెడ్‌గా ఎన్నికైన మరియు గతంలో పనిచేసిన కార్యవర్గ సభ్యులతో పాటు, ఎన్నికలు నిర్వహించిన సభ్యులను కూడా వారి సతీసమేతంగా గౌరవించడం ప్రత్యేక ఆకర్షణగా నిలిచింది. ఈ కార్యక్రమం వినాయకుని గీతం నృత్యంతో ప్రారంభమైంది. ఈ సందర్భంగా, నూతన కార్యవర్గ అధ్యక్షునిగా చెరుకుపల్లి నేతాజీ, కార్యదర్శిగా సంపత రావు జయంతి కుమార్, కోశాధికారిగా రత్నాల రమేష్‌ను ప్రెస్ క్లబ్ సభ్యులు పూలమాలలు, శాలువలతో సత్కరించారు. విశిష్ట అతిథిగా హాజరైన సీనియర్ జర్నలిస్ట్ చిక్కోలు జగదీష్, జర్నలిస్టులు ఎదుర్కొంటున్న కష్టాలను వివరించారు. సతుల సహకారం ఉంటేనే పతులు (జర్నలిస్టులు) తమ పనులను సక్రమంగా నిర్వర్తించగలరని, అందుకే భార్యలను కూడా సన్మానిస్తున్నామని ఆయన తెలిపారు. మరో విశిష్ట అతిథి, సీనియర్ జర్నలిస్ట్ మహారణ తన గత, ప్రస్తుత జర్నలిజం అనుభవాలను పంచుకుంటూ, పూర్వం రాజకీయ నాయకులు, అధికారులు, ప్రజలు జర్నలిస్టులను గౌరవంగా చూసేవారని, అయితే ఈ రోజుల్లో వారిపై కేసులు పెట్టి వేధింపులకు గురిచేస్తున్నారని ఆవేదన వ్యక్తం చేశారు. జీతాలు లేని జర్నలిజం చేస్తుంటే, ప్రభుత్వాలు ఆదుకోవలసింది పోయి కేసులు వేసి ఇబ్బంది పెట్టడం ఎంతవరకు సమంజసమని ఆయన ప్రశ్నించారు. జర్నలిస్టుల సంక్షేమం కోసం ప్రభుత్వాలు పాటుపడాలని, వారికి ఇళ్ళు, బస్సు పాసులు, పిల్లలకు స్కూల్ ఫీజులలో రాయితీలు వంటి కనీస సౌకర్యాలు కల్పించాలని సూచించారు. నూతనంగా ఎన్నికైన కోశాధికారి రత్నాల రమేష్ మాట్లాడుతూ, సభ్యులకు, సంఘానికి సంబంధించిన ఆర్థిక కార్యకలాపాలను సక్రమంగా నిర్వహిస్తూ, వారికి సహాయ సహకారాలు అందిస్తానని హామీ ఇచ్చారు. సభ్యుల కుటుంబాలతో కలిసి ఈ ఆనందాన్ని పంచుకునే అవకాశం కల్పించిన అధ్యక్షుడు, కార్యదర్శిని ఆయన అభినందించారు. రెండవసారి కార్యదర్శిగా ఎన్నికైన సంపత్ రావు జయంతి కుమార్, తమ కార్యవర్గం సభ్యులను గౌరవించే విధంగా పనిచేస్తుందని, వారికి ఎల్లవేళలా అండగా ఉంటుందని భరోసా ఇచ్చారు. మూడవసారి అధ్యక్షునిగా ఎన్నికైన నేతాజీ, తన కార్యదర్శి జయంతి కుమార్ సహకారంతో అనేక కార్యక్రమాలు నిర్వహించామని, సభ్యులకు ఇచ్చే గౌరవం, సంక్షేమాన్ని దృష్టిలో పెట్టుకొని తనను ఎన్నుకున్నారని, వారి నమ్మకాన్ని వమ్ము చేయనని స్పష్టం చేశారు. గతంలో సభ్యులందరికీ చేసిన బీమాను ఈ సంవత్సరంలో రెన్యువల్ చేసి, ఆగస్టు 15న స్వతంత్ర దినోత్సవం సందర్భంగా నూతన కార్యవర్గంతో కలిసి సభ్యులందరికీ అందజేస్తామని ఆయన ప్రకటించారు. ఈ కార్యక్రమంలో పలాస జర్నలిస్ట్ అసోసియేషన్ సభ్యులు, పలువురు సీనియర్ జర్నలిస్టులు పాల్గొన్నారు.

Ratnala Ramesh

Teacher పలాస, శ్రీకాకుళం, ఆంధ్రప్రదేశ్•

1 hr ago

పలాస జర్నలిస్ట్ అసోసియేషన్ నూతన కార్యవర్గ సన్మాన వేడుకలు నగరంలోని ఒక ప్రైవేట్ ఫంక్షన్ హాల్‌లో అంగరంగ వైభవంగా జరిగాయి. నగరంలోని ముఖ్య అధికారుల సమక్షంలో జరిగిన ఈ కార్యక్రమంలో, జర్నలిస్టుల కుటుంబ సభ్యులు కూడా పెద్ద సంఖ్యలో పాల్గొన్నారు. రాష్ట్రంలో మరెక్కడా జరగని విధంగా, ఈ సన్మాన వేడుక నూతనంగా, నామినేటెడ్‌గా ఎన్నికైన మరియు గతంలో పనిచేసిన కార్యవర్గ సభ్యులతో పాటు, ఎన్నికలు నిర్వహించిన సభ్యులను కూడా వారి సతీసమేతంగా గౌరవించడం ప్రత్యేక ఆకర్షణగా నిలిచింది. ఈ కార్యక్రమం వినాయకుని గీతం నృత్యంతో ప్రారంభమైంది. ఈ సందర్భంగా, నూతన కార్యవర్గ అధ్యక్షునిగా చెరుకుపల్లి నేతాజీ, కార్యదర్శిగా సంపత రావు జయంతి కుమార్, కోశాధికారిగా రత్నాల రమేష్‌ను ప్రెస్ క్లబ్ సభ్యులు పూలమాలలు, శాలువలతో సత్కరించారు. విశిష్ట అతిథిగా హాజరైన సీనియర్ జర్నలిస్ట్ చిక్కోలు జగదీష్, జర్నలిస్టులు ఎదుర్కొంటున్న కష్టాలను వివరించారు. సతుల సహకారం ఉంటేనే పతులు (జర్నలిస్టులు) తమ పనులను సక్రమంగా నిర్వర్తించగలరని, అందుకే భార్యలను కూడా సన్మానిస్తున్నామని ఆయన తెలిపారు. మరో విశిష్ట అతిథి, సీనియర్ జర్నలిస్ట్ మహారణ తన గత, ప్రస్తుత జర్నలిజం అనుభవాలను పంచుకుంటూ, పూర్వం రాజకీయ నాయకులు, అధికారులు, ప్రజలు జర్నలిస్టులను గౌరవంగా చూసేవారని, అయితే ఈ రోజుల్లో వారిపై కేసులు పెట్టి వేధింపులకు గురిచేస్తున్నారని ఆవేదన వ్యక్తం చేశారు.

జీతాలు లేని జర్నలిజం చేస్తుంటే, ప్రభుత్వాలు ఆదుకోవలసింది పోయి కేసులు వేసి ఇబ్బంది పెట్టడం ఎంతవరకు సమంజసమని ఆయన ప్రశ్నించారు. జర్నలిస్టుల సంక్షేమం కోసం ప్రభుత్వాలు పాటుపడాలని, వారికి ఇళ్ళు, బస్సు పాసులు, పిల్లలకు స్కూల్ ఫీజులలో రాయితీలు వంటి కనీస సౌకర్యాలు కల్పించాలని సూచించారు. నూతనంగా ఎన్నికైన కోశాధికారి రత్నాల రమేష్ మాట్లాడుతూ, సభ్యులకు, సంఘానికి సంబంధించిన ఆర్థిక కార్యకలాపాలను సక్రమంగా నిర్వహిస్తూ, వారికి సహాయ సహకారాలు అందిస్తానని హామీ ఇచ్చారు. సభ్యుల కుటుంబాలతో కలిసి ఈ ఆనందాన్ని పంచుకునే అవకాశం కల్పించిన అధ్యక్షుడు, కార్యదర్శిని ఆయన అభినందించారు. రెండవసారి కార్యదర్శిగా ఎన్నికైన సంపత్ రావు జయంతి కుమార్, తమ కార్యవర్గం సభ్యులను గౌరవించే విధంగా పనిచేస్తుందని, వారికి ఎల్లవేళలా అండగా ఉంటుందని భరోసా ఇచ్చారు. మూడవసారి అధ్యక్షునిగా ఎన్నికైన నేతాజీ, తన కార్యదర్శి జయంతి కుమార్ సహకారంతో అనేక కార్యక్రమాలు నిర్వహించామని, సభ్యులకు ఇచ్చే గౌరవం, సంక్షేమాన్ని దృష్టిలో పెట్టుకొని తనను ఎన్నుకున్నారని, వారి నమ్మకాన్ని వమ్ము చేయనని స్పష్టం చేశారు. గతంలో సభ్యులందరికీ చేసిన బీమాను ఈ సంవత్సరంలో రెన్యువల్ చేసి, ఆగస్టు 15న స్వతంత్ర దినోత్సవం సందర్భంగా నూతన కార్యవర్గంతో కలిసి సభ్యులందరికీ అందజేస్తామని ఆయన ప్రకటించారు. ఈ కార్యక్రమంలో పలాస జర్నలిస్ట్ అసోసియేషన్ సభ్యులు, పలువురు సీనియర్ జర్నలిస్టులు పాల్గొన్నారు.