भिवापूर तालुक्यातील पांढरवाणी येथील सौ. रज्जु विनोद बलकी या ४१ वर्षीय महिलेचे पती विनोद बलकी हे १३ वर्षांपूर्वी उमरेडकडे शेतीच्या कामासाठी निघून गेले आणि बेपत्ता झाले. २२ फेब्रुवारीला ते दुचाकी वाहनाने उमरेडला गेले होते, मात्र त्यांचे वाहन २४ फेब्रुवारीला वेवारस स्थितीत उमरेडला आढळून आले. विनोद यांचा शोध नातेवाईकांकडे व इतरत्र घेऊनही त्यांचा थांगपत्ता लागला नाही. पती बेपत्ता झाल्याने त्यांच्या आईने तक्रार दाखल केली होती. या कठीण परिस्थितीतही रज्जु बलकी यांनी धीर न गमावता मुलाचे शिक्षण पूर्ण केले आणि पतीच्या विरहाने खचून न जाता कमालीची हिम्मत दाखवली. सात वर्षांनंतर उमरेडच्या दिवाणी न्यायाधीशांनी विनोद ज्ञानेश्वर बलकी यांना मृत घोषित करण्याचे आदेश दिले, त्यानंतर १२ वर्षांनी त्यांना पतीच्या वाट्याला आलेली ८ एकर शेती ताब्यात मिळाली. या ८ एकर शेतीवरील पतीने घेतलेले लाखो रुपयांचे कर्ज रज्जु बलकी यांनी आपल्या हिमतीवर फेडले. आता पुढील शेतीच्या हंगामासाठी त्यांना पीक कर्जाची आवश्यकता असून, विविध कार्यकारी सेवा सहकारी सोसायटीने त्यांचे कर्ज मंजूरही केले आहे. मात्र, जिल्हा मध्यवर्ती को. ऑप बँक, भिवापूर शाखा, हे कर्ज देण्यासाठी टाळाटाळ करत असल्याचा आरोप रज्जु बलकी यांनी केला आहे. ऐन शेतीच्या हंगामात पीक कर्ज न मिळाल्याने या विधवा शेतकरी महिलेपुढे गंभीर आर्थिक संकट उभे ठाकले आहे. या परिस्थितीमुळे संतप्त झालेल्या रज्जु बलकी यांनी बँक प्रशासनाला इशारा दिला आहे की, जर त्यांना पीक कर्ज मिळाले नाही, तर त्या बँकेसमोर उपोषण करतील. या प्रकरणी, भिवापूरचे सहाय्यक निबंधक लिंगायतकर यांनी सांगितले की, सदर विधवा महिलेच्या पीक विमा कर्जाच्या प्रकरणाची माहिती झाली असून, योग्य प्रकारे न्याय देण्याचा प्रयत्न केला जाईल. तसेच, शिवसेना शिंदे गटाचे उपजिल्हा प्रमुख संदीप निबार्ते यांनीही प्रतिक्रिया देत म्हटले आहे की, आर्थिक अडचणीत असलेल्या या विधवा शेतकरी महिलेला कृषी कर्ज मिळवून देण्यासाठी भिवापूर तहसीलदारांकडे योग्य पाठपुरावा केला जाईल.

राजु जांभुळे

उमरेड, नागपूर, महाराष्ट्र•

14 hrs ago

भिवापूर तालुक्यातील पांढरवाणी येथील सौ. रज्जु विनोद बलकी या ४१ वर्षीय महिलेचे पती विनोद बलकी हे १३ वर्षांपूर्वी उमरेडकडे शेतीच्या कामासाठी निघून गेले आणि बेपत्ता झाले. २२ फेब्रुवारीला ते दुचाकी वाहनाने उमरेडला गेले होते, मात्र त्यांचे वाहन २४ फेब्रुवारीला वेवारस स्थितीत उमरेडला आढळून आले. विनोद यांचा शोध नातेवाईकांकडे व इतरत्र घेऊनही त्यांचा थांगपत्ता लागला नाही. पती बेपत्ता झाल्याने त्यांच्या आईने तक्रार दाखल केली होती. या कठीण परिस्थितीतही रज्जु बलकी यांनी धीर न गमावता मुलाचे शिक्षण पूर्ण केले आणि पतीच्या विरहाने खचून न जाता कमालीची हिम्मत दाखवली. सात वर्षांनंतर उमरेडच्या दिवाणी न्यायाधीशांनी विनोद ज्ञानेश्वर बलकी यांना मृत घोषित करण्याचे आदेश दिले, त्यानंतर १२ वर्षांनी त्यांना पतीच्या वाट्याला आलेली ८ एकर शेती ताब्यात मिळाली. या ८ एकर शेतीवरील पतीने घेतलेले लाखो रुपयांचे कर्ज रज्जु बलकी यांनी आपल्या हिमतीवर फेडले. आता पुढील शेतीच्या हंगामासाठी त्यांना पीक कर्जाची आवश्यकता असून, विविध कार्यकारी सेवा सहकारी सोसायटीने त्यांचे कर्ज मंजूरही केले आहे. मात्र, जिल्हा मध्यवर्ती को. ऑप बँक, भिवापूर शाखा, हे कर्ज देण्यासाठी टाळाटाळ करत असल्याचा आरोप रज्जु बलकी यांनी केला आहे. ऐन शेतीच्या हंगामात पीक कर्ज न मिळाल्याने या विधवा शेतकरी महिलेपुढे गंभीर आर्थिक संकट उभे ठाकले आहे. या परिस्थितीमुळे संतप्त झालेल्या रज्जु बलकी यांनी बँक प्रशासनाला इशारा दिला आहे की, जर त्यांना पीक कर्ज मिळाले नाही, तर त्या बँकेसमोर उपोषण करतील. या प्रकरणी, भिवापूरचे सहाय्यक निबंधक लिंगायतकर यांनी सांगितले की, सदर विधवा महिलेच्या पीक विमा कर्जाच्या प्रकरणाची माहिती झाली असून, योग्य प्रकारे न्याय देण्याचा प्रयत्न केला जाईल. तसेच, शिवसेना शिंदे गटाचे उपजिल्हा प्रमुख संदीप निबार्ते यांनीही प्रतिक्रिया देत म्हटले आहे की, आर्थिक अडचणीत असलेल्या या विधवा शेतकरी महिलेला कृषी कर्ज मिळवून देण्यासाठी भिवापूर तहसीलदारांकडे योग्य पाठपुरावा केला जाईल.