ବଲାଙ୍ଗୀରରେ ଚାଞ୍ଚଲ୍ୟ ସୃଷ୍ଟି କରିଥିବା ଜାଲ୍ ପ୍ରମାଣପତ୍ର ମାମଲାର ତଦନ୍ତ ପ୍ରକ୍ରିୟାକୁ କ୍ରାଇମବ୍ରାଞ୍ଚ ଆହୁରି ବେଗବାନ କରିଛି। ସ୍କାମର ଗଭୀରତାକୁ ଦୃଷ୍ଟିରେ ରଖି କ୍ରାଇମବ୍ରାଞ୍ଚର ଏକ ସ୍ୱତନ୍ତ୍ର ଟିମ୍ ବଲାଙ୍ଗୀରରେ ପହଞ୍ଚି ସାଇଣ୍ଟିଫିକ୍ ପଦ୍ଧତିରେ ପ୍ରମାଣ ସଂଗ୍ରହ ଆରମ୍ଭ କରିଛି। ଏହି କ୍ରମରେ ମୁଖ୍ୟ ଅଭିଯୁକ୍ତ ଏବଂ ସନ୍ଦିଗ୍ଧଙ୍କ ଫିଙ୍ଗରପ୍ରିଣ୍ଟ ନମୁନା ସଂଗ୍ରହ କରାଯାଇଛି, ଯାହାକୁ ପୂର୍ବରୁ ଜବତ ହୋଇଥିବା ଦସ୍ତାବିଜ ସହିତ ମେଳ କରାଯିବ। ବଲାଙ୍ଗୀର ଡାକ ବିଭାଗରେ ଜାଲ୍ ଶିକ୍ଷାଗତ ପ୍ରମାଣପତ୍ର ଦାଖଲ କରି ଗ୍ରାମୀଣ ଡାକ ସେବକ (ଜିଡିଏସ୍‌) ଚାକିରି ହାତେଇବା ଉଦ୍ୟମକୁ ନେଇ ଏହି ସ୍କାମ ସାମ୍ନାକୁ ଆସିଥିଲା। ପ୍ରଥମେ ଟାଉନ ପୁଲିସ ଓ ପରେ ଜିଲ୍ଲା ପୁଲିସ ତଦନ୍ତ ଆରମ୍ଭ କରିଥିବା ବେଳେ ମାମଲାର ବ୍ୟାପକତା ଓ ଆନ୍ତଃ-ରାଜ୍ୟ ଲିଙ୍କ୍ ଆଶଙ୍କାରେ ଏହାର ତଦନ୍ତ ଭାର କ୍ରାଇମବ୍ରାଞ୍ଚ ଏବଂ ସିବିଆଇକୁ ହସ୍ତାନ୍ତର କରାଯାଇଥିଲା। ଏହି ମାମଲାରେ ଖଡ଼ିଆଳ ଅଞ୍ଚଳର ଅଭିଜିତ କୁମାର ଭଗତଙ୍କୁ ମାଷ୍ଟରମାଇଣ୍ଡ ଭାବେ ଚିହ୍ନଟ କରାଯାଇଥିବା ବେଳେ ଏପର୍ଯ୍ୟନ୍ତ ସମୁଦାୟ ୨୫ ଜଣଙ୍କୁ ଗିରଫ କରାଯାଇଛି। ବର୍ତ୍ତମାନ କ୍ରାଇମବ୍ରାଞ୍ଚ ଓ ସିବିଆଇ ସମାନ୍ତରାଳ ଭାବେ ତଦନ୍ତ ଚଳାଇଥିବାରୁ, ଆଗାମୀ ଦିନରେ ଅନେକ ବଡ଼ ମୁଣ୍ଡ ଛନ୍ଦି ହେବା ସହ ନୂଆ ତଥ୍ୟ ପଦାକୁ ଆସିବା ନେଇ ଚର୍ଚ୍ଚା ଜୋର ଧରିଛି।

Taranisen Meher

Archive ବଲାଙ୍ଗୀର, ବଲାଙ୍ଗୀର, ଓଡ଼ିଶା•

13 hrs ago

ବଲାଙ୍ଗୀରରେ ଚାଞ୍ଚଲ୍ୟ ସୃଷ୍ଟି କରିଥିବା ଜାଲ୍ ପ୍ରମାଣପତ୍ର ମାମଲାର ତଦନ୍ତ ପ୍ରକ୍ରିୟାକୁ କ୍ରାଇମବ୍ରାଞ୍ଚ ଆହୁରି ବେଗବାନ କରିଛି। ସ୍କାମର ଗଭୀରତାକୁ ଦୃଷ୍ଟିରେ ରଖି କ୍ରାଇମବ୍ରାଞ୍ଚର ଏକ ସ୍ୱତନ୍ତ୍ର ଟିମ୍ ବଲାଙ୍ଗୀରରେ ପହଞ୍ଚି ସାଇଣ୍ଟିଫିକ୍ ପଦ୍ଧତିରେ ପ୍ରମାଣ ସଂଗ୍ରହ ଆରମ୍ଭ କରିଛି। ଏହି କ୍ରମରେ ମୁଖ୍ୟ ଅଭିଯୁକ୍ତ ଏବଂ ସନ୍ଦିଗ୍ଧଙ୍କ ଫିଙ୍ଗରପ୍ରିଣ୍ଟ ନମୁନା ସଂଗ୍ରହ କରାଯାଇଛି, ଯାହାକୁ ପୂର୍ବରୁ ଜବତ ହୋଇଥିବା ଦସ୍ତାବିଜ ସହିତ ମେଳ କରାଯିବ। ବଲାଙ୍ଗୀର ଡାକ ବିଭାଗରେ ଜାଲ୍ ଶିକ୍ଷାଗତ ପ୍ରମାଣପତ୍ର ଦାଖଲ କରି ଗ୍ରାମୀଣ ଡାକ ସେବକ (ଜିଡିଏସ୍‌) ଚାକିରି ହାତେଇବା ଉଦ୍ୟମକୁ ନେଇ ଏହି ସ୍କାମ ସାମ୍ନାକୁ ଆସିଥିଲା। ପ୍ରଥମେ ଟାଉନ ପୁଲିସ ଓ ପରେ ଜିଲ୍ଲା ପୁଲିସ ତଦନ୍ତ ଆରମ୍ଭ କରିଥିବା ବେଳେ ମାମଲାର ବ୍ୟାପକତା ଓ ଆନ୍ତଃ-ରାଜ୍ୟ ଲିଙ୍କ୍ ଆଶଙ୍କାରେ ଏହାର ତଦନ୍ତ ଭାର କ୍ରାଇମବ୍ରାଞ୍ଚ ଏବଂ ସିବିଆଇକୁ ହସ୍ତାନ୍ତର କରାଯାଇଥିଲା। ଏହି ମାମଲାରେ ଖଡ଼ିଆଳ ଅଞ୍ଚଳର ଅଭିଜିତ କୁମାର ଭଗତଙ୍କୁ ମାଷ୍ଟରମାଇଣ୍ଡ ଭାବେ ଚିହ୍ନଟ କରାଯାଇଥିବା ବେଳେ ଏପର୍ଯ୍ୟନ୍ତ ସମୁଦାୟ ୨୫ ଜଣଙ୍କୁ ଗିରଫ କରାଯାଇଛି। ବର୍ତ୍ତମାନ କ୍ରାଇମବ୍ରାଞ୍ଚ ଓ ସିବିଆଇ ସମାନ୍ତରାଳ ଭାବେ ତଦନ୍ତ ଚଳାଇଥିବାରୁ, ଆଗାମୀ ଦିନରେ ଅନେକ ବଡ଼ ମୁଣ୍ଡ ଛନ୍ଦି ହେବା ସହ ନୂଆ ତଥ୍ୟ ପଦାକୁ ଆସିବା ନେଇ ଚର୍ଚ୍ଚା ଜୋର ଧରିଛି।