దేశవ్యాప్తంగా సంచలనం సృష్టించిన ‘ది గోల్డెన్ థీఫ్’ సుబోధ్ సింగ్ విచారణలో అనేక ఆసక్తికర విషయాలు వెలుగులోకి వస్తున్నాయి. దేశ రక్షణ విభాగాల్లో సేవ చేయాలనుకున్న వ్యక్తి జీవితం ఒక చిన్న కేసు కారణంగా పూర్తిగా మారిపోయిందట. ప్రస్తుతం కరీంనగర్ పోలీసుల అదుపులో ఉన్న సుబోధ్ సింగ్ అలియాస్ బాబువాను వారం రోజులపాటు కస్టడీలోకి తీసుకుని విచారించనున్నారు. బిహార్‌లోని నలంద జిల్లాకు చెందిన సుబోధ్ సింగ్ పోలీసులకే పెద్ద సవాల్‌గా మారడానికి అనేక కారణాలు ఉన్నాయని దర్యాప్తులో తేలుతోంది. సుబోధ్ సింగ్ ఒకప్పుడు పారా మిలటరీ విభాగంలో చేరేందుకు అర్హత సాధించారు. ఉద్యోగంలో చేరేందుకు రైలులో వెళ్తుండగా, సంబంధం లేని ఒక కేసులో ఆయన ఇరుక్కుపోయినట్లు తెలుస్తోంది. ఈ కేసు కారణంగా విధుల్లో చేరలేకపోయినందుకు సుబోధ్ సింగ్ తీవ్రంగా మదనపడేవాడని సమాచారం. ఆ తర్వాతే ఆయన క్రిమినల్ మార్గంలోకి మళ్ళాడని, క్రమంగా దోపిడీ ముఠాలను ఏర్పాటు చేసుకుని ఈ స్థాయికి చేరుకున్నాడని పోలీసులు అనుమానిస్తున్నారు. దేశంలోని వివిధ రాష్ట్రాల్లో బంగారు ఆభరణాలను మాత్రమే లక్ష్యంగా చేసుకుని ఆయన ముఠాలు దోపిడీలకు పాల్పడటంతో సుబోధ్ సింగ్‌కు 'గోల్డెన్ థీఫ్'గా పేరు వచ్చింది. దేశంలోని పలు రాష్ట్రాలలో జరిగిన దోపిడీ కేసుల్లో సుబోధ్ సింగ్‌కు సంబంధాలు ఉన్నాయని పోలీసులు చెబుతున్నారు. ఒకప్పుడు దేశ భద్రతా విభాగంలో ఉద్యోగం సంపాదించుకున్న సుబోధ్ సింగ్, ఇప్పుడు దేశ అంతర్గత భద్రతకే సవాల్ విసిరే స్థాయికి చేరుకున్నాడని అభిప్రాయపడుతున్నారు. కరీంనగర్ పీఎంజే జ్యువెల్లరీ షాప్ చోరీ కేసులో సుబోధ్ సింగ్ ప్రమేయానికి సంబంధించిన ఆధారాలను కరీంనగర్ కోర్టులో ప్రవేశపెట్టినట్లయితే, ఈ కేసు ఇతర రాష్ట్రాలకు చెందిన పోలీసులకు ఒక అధ్యయన అంశంగా మారే అవకాశం ఉంది. కరీంనగర్ పోలీసులు సుబోధ్ సింగ్ నేర ప్రవృత్తిని ఎలా గుర్తించారు, సాక్ష్యాలను ఎలా సేకరించారు, దర్యాప్తు ఎలా చేశారనే వివరాలను తెలుసుకోవడానికి ఇతర రాష్ట్రాల పోలీసులు కూడా రంగంలోకి దిగే అవకాశాలు కనిపిస్తున్నాయి.

K.V.REDDY

చిగురుమామిడి, కరీంనగర్, తెలంగాణ•

5 hrs ago

దేశవ్యాప్తంగా సంచలనం సృష్టించిన ‘ది గోల్డెన్ థీఫ్’ సుబోధ్ సింగ్ విచారణలో అనేక ఆసక్తికర విషయాలు వెలుగులోకి వస్తున్నాయి. దేశ రక్షణ విభాగాల్లో సేవ చేయాలనుకున్న వ్యక్తి జీవితం ఒక చిన్న కేసు కారణంగా పూర్తిగా మారిపోయిందట. ప్రస్తుతం కరీంనగర్ పోలీసుల అదుపులో ఉన్న సుబోధ్ సింగ్ అలియాస్ బాబువాను వారం రోజులపాటు కస్టడీలోకి తీసుకుని విచారించనున్నారు. బిహార్‌లోని నలంద జిల్లాకు చెందిన సుబోధ్ సింగ్ పోలీసులకే పెద్ద సవాల్‌గా మారడానికి అనేక కారణాలు ఉన్నాయని దర్యాప్తులో తేలుతోంది. సుబోధ్ సింగ్ ఒకప్పుడు పారా మిలటరీ విభాగంలో చేరేందుకు అర్హత సాధించారు. ఉద్యోగంలో చేరేందుకు రైలులో వెళ్తుండగా, సంబంధం లేని ఒక కేసులో ఆయన ఇరుక్కుపోయినట్లు తెలుస్తోంది. ఈ కేసు కారణంగా విధుల్లో చేరలేకపోయినందుకు సుబోధ్ సింగ్ తీవ్రంగా మదనపడేవాడని సమాచారం. ఆ తర్వాతే ఆయన క్రిమినల్ మార్గంలోకి మళ్ళాడని, క్రమంగా దోపిడీ ముఠాలను ఏర్పాటు చేసుకుని ఈ స్థాయికి చేరుకున్నాడని

పోలీసులు అనుమానిస్తున్నారు. దేశంలోని వివిధ రాష్ట్రాల్లో బంగారు ఆభరణాలను మాత్రమే లక్ష్యంగా చేసుకుని ఆయన ముఠాలు దోపిడీలకు పాల్పడటంతో సుబోధ్ సింగ్‌కు 'గోల్డెన్ థీఫ్'గా పేరు వచ్చింది. దేశంలోని పలు రాష్ట్రాలలో జరిగిన దోపిడీ కేసుల్లో సుబోధ్ సింగ్‌కు సంబంధాలు ఉన్నాయని పోలీసులు చెబుతున్నారు. ఒకప్పుడు దేశ భద్రతా విభాగంలో ఉద్యోగం సంపాదించుకున్న సుబోధ్ సింగ్, ఇప్పుడు దేశ అంతర్గత భద్రతకే సవాల్ విసిరే స్థాయికి చేరుకున్నాడని అభిప్రాయపడుతున్నారు. కరీంనగర్ పీఎంజే జ్యువెల్లరీ షాప్ చోరీ కేసులో సుబోధ్ సింగ్ ప్రమేయానికి సంబంధించిన ఆధారాలను కరీంనగర్ కోర్టులో ప్రవేశపెట్టినట్లయితే, ఈ కేసు ఇతర రాష్ట్రాలకు చెందిన పోలీసులకు ఒక అధ్యయన అంశంగా మారే అవకాశం ఉంది. కరీంనగర్ పోలీసులు సుబోధ్ సింగ్ నేర ప్రవృత్తిని ఎలా గుర్తించారు, సాక్ష్యాలను ఎలా సేకరించారు, దర్యాప్తు ఎలా చేశారనే వివరాలను తెలుసుకోవడానికి ఇతర రాష్ట్రాల పోలీసులు కూడా రంగంలోకి దిగే అవకాశాలు కనిపిస్తున్నాయి.