नाशिकच्या मुंबई नाका परिसरात गॅरेज व्यवसायासाठी घेतलेल्या १९ लाख रुपयांच्या बदल्यात २६ लाख रुपये फेडूनही गॅरेज चालकाचे अपहरण करून आणखी पैसे उकळण्याचा धक्कादायक प्रकार समोर आला आहे. संशयित आरोपींनी गॅरेज चालकाची कारही पळवून नेली आणि पोलिसातील तक्रार मागे न घेतल्यास कुटुंबाला गायब करण्याची धमकी दिली. याप्रकरणी गुन्हा दाखल झाल्यानंतर गुंडाविरोधी पथकाने मोठ्या शिताफीने मुख्य संशयिताला बेड्या ठोकल्या आहेत. मुंबई नाका पोलिस ठाण्यात वडाळा रोड येथील रहिवासी इसरार इस्लाम खान (३५) यांनी दिलेल्या फिर्यादीवरून, संशयित नासीर कय्युम कुरेशी आणि सद्दाम कय्युम कुरेशी (दोघे रा. कसाईवाडा, वडाळानाका) यांच्याविरुद्ध खंडणी, अपहरण आणि जबरी चोरीचा गुन्हा दाखल करण्यात आला आहे. इसरार यांचे मुंबई नाका सर्कलजवळ चारचाकी दुरुस्तीचे गॅरेज आहे. त्यांनी व्यवसायासाठी सप्टेंबर २०२५ मध्ये नासीरकडून टप्प्याटप्प्याने १९ लाख रुपये घेतले होते. मात्र व्यवसायात मंदी आल्याने नासीरने दरमहा १ लाख ९० हजारांची मागणी करत, उशीर झाल्यास रोज १० हजार रुपये याप्रमाणे वसुली सुरू केली. भीतीपोटी इसरार यांनी १९ लाखांच्या बदल्यात २६ लाख रुपये परत केले, तरीही त्यांचा छळ सुरूच होता. २८ एप्रिल रोजी नासीरने इसरार यांच्या गॅरेजमधून त्यांची कार (एमएच ०१ सी.डी. ९२१०) जबरदस्तीने पळवून नेली. त्यानंतर ११ जून रोजी सद्दाम कुरेशीने चॉपर काढून कुटुंबाला जीवे मारण्याची धमकी दिली. तसेच ९ जुलै रोजी इसरार यांना भररस्त्यात बेदम मारहाण करण्यात आली. या मारहाणीची तक्रार देण्यासाठी इसरार पोलिस ठाण्यात गेले असता, याचा राग धरून १० जुलै रोजी सद्दाम थेट इसरार यांच्या घरात शिरला. त्याने इसरार यांचे दुचाकीवरून कसाईवाड्यात अपहरण केले व तक्रार मागे न घेतल्यास कुटुंब गायब करण्याची धमकी दिली. पोलिस आयुक्त संदीप कर्णिक यांच्या आदेशाने गुंडा विरोधी पथकाचे पोलिस अंमलदार घनश्याम महाले यांना सद्दाम कुरेशीबाबत माहिती मिळाली. तो सह्याद्री हॉस्पिटल जवळ असताना पथकाने सापळा रचून, स्कार्पिओ कारसह पळून जाण्याच्या बेतात असलेल्या सद्दाम कय्युम कुरेशी (३५) याला शिताफीने ताब्यात घेतले. ही यशस्वी कामगिरी गुंडा विरोधी पथकाचे प्रभारी अधिकारी उपनिरीक्षक संदीप पवार व अंमलदारांच्या संयुक्त पथकाने पार पाडली.

Dadasaheb Gaikwad

Nashik, Maharashtra•

1 hr ago

नाशिकच्या मुंबई नाका परिसरात गॅरेज व्यवसायासाठी घेतलेल्या १९ लाख रुपयांच्या बदल्यात २६ लाख रुपये फेडूनही गॅरेज चालकाचे अपहरण करून आणखी पैसे उकळण्याचा धक्कादायक प्रकार समोर आला आहे. संशयित आरोपींनी गॅरेज चालकाची कारही पळवून नेली आणि पोलिसातील तक्रार मागे न घेतल्यास कुटुंबाला गायब करण्याची धमकी दिली. याप्रकरणी गुन्हा दाखल झाल्यानंतर गुंडाविरोधी पथकाने मोठ्या शिताफीने मुख्य संशयिताला बेड्या ठोकल्या आहेत. मुंबई नाका पोलिस ठाण्यात वडाळा रोड येथील रहिवासी इसरार इस्लाम खान (३५) यांनी दिलेल्या फिर्यादीवरून, संशयित नासीर कय्युम कुरेशी आणि सद्दाम कय्युम कुरेशी (दोघे रा. कसाईवाडा, वडाळानाका) यांच्याविरुद्ध खंडणी, अपहरण आणि जबरी चोरीचा गुन्हा दाखल करण्यात आला आहे. इसरार यांचे मुंबई नाका सर्कलजवळ चारचाकी दुरुस्तीचे गॅरेज आहे. त्यांनी व्यवसायासाठी सप्टेंबर २०२५ मध्ये नासीरकडून टप्प्याटप्प्याने १९ लाख रुपये घेतले होते. मात्र व्यवसायात मंदी आल्याने नासीरने दरमहा १ लाख ९० हजारांची मागणी करत, उशीर झाल्यास रोज १० हजार रुपये याप्रमाणे वसुली सुरू केली. भीतीपोटी इसरार यांनी १९ लाखांच्या बदल्यात २६ लाख रुपये परत केले, तरीही त्यांचा छळ सुरूच होता. २८ एप्रिल रोजी नासीरने इसरार यांच्या गॅरेजमधून त्यांची कार (एमएच ०१ सी.डी. ९२१०) जबरदस्तीने पळवून नेली. त्यानंतर ११ जून रोजी सद्दाम कुरेशीने चॉपर काढून कुटुंबाला जीवे मारण्याची धमकी दिली. तसेच ९ जुलै रोजी इसरार यांना भररस्त्यात बेदम मारहाण करण्यात आली. या मारहाणीची तक्रार देण्यासाठी इसरार पोलिस ठाण्यात गेले असता, याचा राग धरून १० जुलै रोजी सद्दाम थेट इसरार यांच्या घरात शिरला. त्याने इसरार यांचे दुचाकीवरून कसाईवाड्यात अपहरण केले व तक्रार मागे न घेतल्यास कुटुंब गायब करण्याची धमकी दिली. पोलिस आयुक्त संदीप कर्णिक यांच्या आदेशाने गुंडा विरोधी पथकाचे पोलिस अंमलदार घनश्याम महाले यांना सद्दाम कुरेशीबाबत माहिती मिळाली. तो सह्याद्री हॉस्पिटल जवळ असताना पथकाने सापळा रचून, स्कार्पिओ कारसह पळून जाण्याच्या बेतात असलेल्या सद्दाम कय्युम कुरेशी (३५) याला शिताफीने ताब्यात घेतले. ही यशस्वी कामगिरी गुंडा विरोधी पथकाचे प्रभारी अधिकारी उपनिरीक्षक संदीप पवार व अंमलदारांच्या संयुक्त पथकाने पार पाडली.