बदलत्या तंत्रज्ञानाच्या युगात केवळ पदवी पुरेशी नसून कौशल्य आणि व्यावसायिक क्षमता हीच करिअरची गुरुकिल्ली आहे, याच संकल्पनेतून कोपरगाव येथील रयत शिक्षण संस्थेच्या श्री सद्गुरू गंगागीर महाराज सायन्स, गौतम आर्ट्स आणि संजीवनी कॉमर्स महाविद्यालयात कनिष्ठ व वरिष्ठ विभागातील विद्यार्थ्यांसाठी विविध कौशल्याधारित आणि व्यवसायाभिमुख अभ्यासक्रम राबविण्यात येत आहेत. राष्ट्रीय शैक्षणिक धोरण (NEP) आणि कौशल्याधारित शिक्षणाच्या संकल्पनेनुसार महाविद्यालयाने हा उपक्रम प्रभावीपणे राबवण्यास सुरुवात केली आहे. या महाविद्यालयात रिमोट सेन्सिंग अँड जीआयएस, ब्युटी पार्लर, पर्सनॅलिटी डेव्हलपमेंट, कम्युनिकेशन स्किल्स, सॉफ्ट स्किल्स, स्टॉक मार्केट, फ्रंट ऑफिस डेव्हलपमेंट, फ्लॉवर स्टॉक डेव्हलपमेंट, क्लिनिकल व पॅरामेडिकल तंत्रज्ञान, मशरूम कल्टिव्हेशन, पशुपालन प्रशिक्षण, दूध व दुग्धजन्य पदार्थांचे विश्लेषण, फॉरेन्सिक सायन्स तंत्रज्ञान, फळ प्रक्रिया तंत्रज्ञान, दुग्धजन्य पदार्थ निर्मिती, नर्सरी व गार्डनिंग व्यवस्थापन, विद्युत गृहउपकरणे दुरुस्ती व देखभाल, पत्रकारिता आणि भाषांतर, मायक्रमनिर्मिती आणि फॅशन डिझायनिंग यांसारखे विविध कोर्सेस उपलब्ध करून देण्यात आले आहेत. या अभ्यासक्रमांमुळे विद्यार्थ्यांना केवळ सैद्धांतिक ज्ञान न मिळता प्रत्यक्ष कार्यानुभव, आधुनिक तंत्रज्ञानाचा वापर आणि उद्योगक्षेत्राला आवश्यक असणारी व्यावहारिक कौशल्ये शिकण्याची संधी मिळत आहे. प्रात्यक्षिके, कार्यशाळा आणि तज्ज्ञांच्या मार्गदर्शनामुळे विद्यार्थ्यांचा आत्मविश्वास वाढून त्यांच्यात उद्योजकतेची वृत्ती विकसित होत आहे. विद्यार्थ्यांना 'जॉब रेडी' आणि 'फ्युचर रेडी' बनविणे हेच या उपक्रमांचे मुख्य उद्दिष्ट असल्याचे महाविद्यालयाचे प्राचार्य डॉ. माधव सरोदे यांनी सांगितले. आजच्या वेगाने बदलणाऱ्या रोजगार क्षेत्रात पदवीसोबतच कौशल्ये असणे अनिवार्य असल्याचे त्यांनी स्पष्ट केले. या नाविन्यपूर्ण उपक्रमांना यशस्वी करण्यासाठी महाविद्यालय विकास समितीचे चेअरमन ॲड. संदीप वर्पे, आमदार विवेकभैय्या कोल्हे, सौ. चैतालीताई काळे, श्री. सुनील गंगुले यांच्यासह इतर सदस्यांचे मोलाचे मार्गदर्शन लाभत असून, रोजगारक्षम विद्यार्थी घडविण्यावर महाविद्यालय सातत्याने भर देत आहे.

Press Rajendra Taskar

कोपरगाव, अहमदनगर, महाराष्ट्र•

5 hrs ago

बदलत्या तंत्रज्ञानाच्या युगात केवळ पदवी पुरेशी नसून कौशल्य आणि व्यावसायिक क्षमता हीच करिअरची गुरुकिल्ली आहे, याच संकल्पनेतून कोपरगाव येथील रयत शिक्षण संस्थेच्या श्री सद्गुरू गंगागीर महाराज सायन्स, गौतम आर्ट्स आणि संजीवनी कॉमर्स महाविद्यालयात कनिष्ठ व वरिष्ठ विभागातील विद्यार्थ्यांसाठी विविध कौशल्याधारित आणि व्यवसायाभिमुख अभ्यासक्रम राबविण्यात येत आहेत. राष्ट्रीय शैक्षणिक धोरण (NEP) आणि कौशल्याधारित शिक्षणाच्या संकल्पनेनुसार महाविद्यालयाने हा उपक्रम प्रभावीपणे राबवण्यास सुरुवात केली आहे. या महाविद्यालयात रिमोट सेन्सिंग अँड जीआयएस, ब्युटी पार्लर, पर्सनॅलिटी डेव्हलपमेंट, कम्युनिकेशन स्किल्स, सॉफ्ट स्किल्स, स्टॉक मार्केट, फ्रंट ऑफिस डेव्हलपमेंट, फ्लॉवर स्टॉक डेव्हलपमेंट, क्लिनिकल व पॅरामेडिकल तंत्रज्ञान, मशरूम कल्टिव्हेशन, पशुपालन प्रशिक्षण, दूध व दुग्धजन्य पदार्थांचे विश्लेषण, फॉरेन्सिक सायन्स तंत्रज्ञान, फळ प्रक्रिया तंत्रज्ञान, दुग्धजन्य पदार्थ निर्मिती, नर्सरी व गार्डनिंग व्यवस्थापन, विद्युत गृहउपकरणे दुरुस्ती व देखभाल, पत्रकारिता आणि भाषांतर, मायक्रमनिर्मिती आणि फॅशन डिझायनिंग यांसारखे विविध कोर्सेस उपलब्ध करून देण्यात आले आहेत. या अभ्यासक्रमांमुळे विद्यार्थ्यांना केवळ सैद्धांतिक ज्ञान न मिळता प्रत्यक्ष कार्यानुभव, आधुनिक तंत्रज्ञानाचा वापर आणि उद्योगक्षेत्राला आवश्यक असणारी व्यावहारिक कौशल्ये शिकण्याची संधी मिळत आहे. प्रात्यक्षिके, कार्यशाळा आणि तज्ज्ञांच्या मार्गदर्शनामुळे विद्यार्थ्यांचा आत्मविश्वास वाढून त्यांच्यात उद्योजकतेची वृत्ती विकसित होत आहे. विद्यार्थ्यांना 'जॉब रेडी' आणि 'फ्युचर रेडी' बनविणे हेच या उपक्रमांचे मुख्य उद्दिष्ट असल्याचे महाविद्यालयाचे प्राचार्य डॉ. माधव सरोदे यांनी सांगितले. आजच्या वेगाने बदलणाऱ्या रोजगार क्षेत्रात पदवीसोबतच कौशल्ये असणे अनिवार्य असल्याचे त्यांनी स्पष्ट केले. या नाविन्यपूर्ण उपक्रमांना यशस्वी करण्यासाठी महाविद्यालय विकास समितीचे चेअरमन ॲड. संदीप वर्पे, आमदार विवेकभैय्या कोल्हे, सौ. चैतालीताई काळे, श्री. सुनील गंगुले यांच्यासह इतर सदस्यांचे मोलाचे मार्गदर्शन लाभत असून, रोजगारक्षम विद्यार्थी घडविण्यावर महाविद्यालय सातत्याने भर देत आहे.