ఆదివారం అర్ధరాత్రి సత్తుపల్లి మండలం కిష్టారం గ్రామ శివారులో భార్యాభర్తలు కొబ్బరి బోండాలు నరికే కత్తులతో దాడి చేయగా ఇద్దరు తీవ్రంగా గాయపడ్డారు. గాయపడిన వారిని సత్తుపల్లి ప్రభుత్వాసుపత్రికి తరలించారు. బంధువులు, పోలీసులు తెలిపిన వివరాల ప్రకారం, ఏపీలోని తిరువూరు మండలం నుండి వచ్చిన నాగమణి, హనుమంతరావు అనే భార్యాభర్తలు కిష్టారం గ్రామ సమీపంలో వ్యభిచార గృహం నిర్వహిస్తున్నారు. దీనిపై కిష్టారం ఎస్సీ కాలనీకి చెందిన గ్రామ పెద్దలు మారోజు నాగేశ్వరరావు, నక్క వెంకటేశ్వరరావు వెళ్లి, గ్రామ సమీపంలో వ్యభిచార గృహం నడపడం సరైన పద్ధతి కాదని హెచ్చరించారు. దీంతో ఇరువురి మధ్య వివాదం తలెత్తింది. ఈ క్రమంలోనే నాగమణి, హనుమంతరావులు ఆ ఇద్దరు గ్రామ పెద్దలపై కొబ్బరి బొండాలు నరికే కత్తితో దాడి చేయడంతో వారికి తీవ్ర గాయాలయ్యాయి. సత్తుపల్లి 108 సిబ్బంది గాయపడిన వారిని సత్తుపల్లి ప్రభుత్వ ఆసుపత్రికి తరలించగా, అక్కడి వైద్యులు వైద్య సేవలు అందిస్తున్నారు. ప్రస్తుతం వారి ఆరోగ్య పరిస్థితి నిలకడగా ఉన్నట్లు సమాచారం. ఈ దాడికి పాల్పడిన నాగమణి, హనుమంతరావులు పరారీలో ఉండగా, కొత్తగూడెంకు చెందిన సోనిని పోలీసులు అదుపులోకి తీసుకున్నారు. ఈ సంఘటనపై వి.యం.బంజర్ పోలీసులు కేసు నమోదు చేసి దర్యాప్తు చేపట్టారు.

V Ramarao

సత్తుపల్లి, ఖమ్మం, తెలంగాణ•

2 hrs ago

ఆదివారం అర్ధరాత్రి సత్తుపల్లి మండలం కిష్టారం గ్రామ శివారులో భార్యాభర్తలు కొబ్బరి బోండాలు నరికే కత్తులతో దాడి చేయగా ఇద్దరు తీవ్రంగా గాయపడ్డారు. గాయపడిన వారిని సత్తుపల్లి ప్రభుత్వాసుపత్రికి తరలించారు. బంధువులు, పోలీసులు తెలిపిన వివరాల ప్రకారం, ఏపీలోని తిరువూరు మండలం నుండి వచ్చిన నాగమణి, హనుమంతరావు అనే భార్యాభర్తలు కిష్టారం గ్రామ సమీపంలో వ్యభిచార గృహం నిర్వహిస్తున్నారు. దీనిపై కిష్టారం ఎస్సీ కాలనీకి చెందిన గ్రామ పెద్దలు మారోజు నాగేశ్వరరావు, నక్క వెంకటేశ్వరరావు వెళ్లి, గ్రామ సమీపంలో వ్యభిచార గృహం నడపడం సరైన పద్ధతి కాదని హెచ్చరించారు. దీంతో

ఇరువురి మధ్య వివాదం తలెత్తింది. ఈ క్రమంలోనే నాగమణి, హనుమంతరావులు ఆ ఇద్దరు గ్రామ పెద్దలపై కొబ్బరి బొండాలు నరికే కత్తితో దాడి చేయడంతో వారికి తీవ్ర గాయాలయ్యాయి. సత్తుపల్లి 108 సిబ్బంది గాయపడిన వారిని సత్తుపల్లి ప్రభుత్వ ఆసుపత్రికి తరలించగా, అక్కడి వైద్యులు వైద్య సేవలు అందిస్తున్నారు. ప్రస్తుతం వారి ఆరోగ్య పరిస్థితి నిలకడగా ఉన్నట్లు సమాచారం. ఈ దాడికి పాల్పడిన నాగమణి, హనుమంతరావులు పరారీలో ఉండగా, కొత్తగూడెంకు చెందిన సోనిని పోలీసులు అదుపులోకి తీసుకున్నారు. ఈ సంఘటనపై వి.యం.బంజర్ పోలీసులు కేసు నమోదు చేసి దర్యాప్తు చేపట్టారు.