મુંબઈની લોકલ ટ્રેનમાં વહેલી સવારે ભારે વરસાદ દરમિયાન મુસાફરો વચ્ચે દરવાજો ખુલ્લો રાખવા કે બંધ રાખવા બાબતે ઉગ્ર બોલાચાલી શરૂ થઈ હતી. આ વિવાદે એટલું ગંભીર સ્વરૂપ ધારણ કર્યું કે એક શખ્સે 22 વર્ષીય મયંક પર ધારદાર હથિયાર વડે હુમલો કર્યો હતો. હુમલામાં ગંભીર રીતે ઘાયલ થયેલા મયંકને તાત્કાલિક હોસ્પિટલ ખસેડવામાં આવ્યો હતો, પરંતુ સારવાર દરમિયાન તેનું કરુણ મોત નીપજ્યું હતું. આ ઘટનાની જાણ થતાં જ રેલવે પોલીસ ઘટનાસ્થળે દોડી આવી હતી અને આરોપીની ધરપકડ કરવા માટે તપાસનો ધમધમાટ શરૂ કર્યો છે.

સુરેન્દ્રનગર ખાતે આવેલી ટીબી હોસ્પિટલના સિક્યુરિટી સુપરવાઇઝરને લાંચ લેતા રંગેહાથ ઝડપી પાડવામાં આવ્યા છે.

ધ્રાંગધ્રા તાલુકા પોલીસે નવલગઢ ગામ નજીક દેશી દારૂની હેરાફેરી સામે મોટી કાર્યવાહી હાથ ધરી છે. આ કાર્યવાહી દરમિયાન પોલીસે કારમાંથી 300 લિટર દેશી દારૂ સાથે એક આરોપીની ધરપકડ કરી છે. આ કેસમાં દારૂ સહિત કુલ ₹3.60 લાખનો મુદ્દામાલ કબજે કરવામાં આવ્યો છે.

અમદાવાદ જિલ્લાના ધંધુકામાં આવનાર મોહરમ પૂર્વે પોલીસ દ્વારા ફ્રૂટ પેટ્રોલિંગ હાથ ધરવામાં આવ્યું હતું. ધંધુકાના DY SP અને PI સહિતના પોલીસ કાફલાએ વિવિધ વિસ્તારોમાં ફ્રૂટ પેટ્રોલિંગ કર્યું હતું. આ દરમિયાન, પોલીસે જુદા જુદા વિસ્તારોમાં બાઝ નજર રાખી હતી અને સંવેદનશીલ વિસ્તારોની પણ મુલાકાત લીધી હતી, જેના પરિણામે મોહરમ પૂર્વે ધંધુકામાં ચુસ્ત પોલીસ બંદોબસ્ત ગોઠવવામાં આવ્યો છે.

એક પોસ્ટમાં દાવો કરવામાં આવ્યો છે કે કોરોના વાયરસ અમેરિકન વૈજ્ઞાનિક તુલશી ગબાડ દ્વારા ફેલાવવામાં આવ્યો છે. આ પોસ્ટ સ્પષ્ટપણે કોરોના વાયરસના ફેલાવા માટે સીધી રીતે અમેરિકન વૈજ્ઞાનિક તુલશી ગબાડને જવાબદાર ઠેરવે છે.

આજરોજ ખાંભા ખાતે આવેલ નવી વસાહત પ્રાથમિક શાળા, સરકારી માધ્યમિક શાળા તથા સરકારી ઉચ્ચતર માધ્યમિક શાળાના સંયુક્ત ઉપક્રમે કન્યા કેળવણી મહોત્સવ અને શાળા પ્રવેશોત્સવ-2026નું સફળ આયોજન કરવામાં આવ્યું હતું. આ કાર્યક્રમ ખાંભા ભગવતીપરા નવી વસાહત પ્રાથમિક શાળા ખાતે યોજાયો હતો. આ પ્રસંગે શાળામાં નવા પ્રવેશ મેળવનાર વિદ્યાર્થીઓનું તિલક કરી, ફૂલહાર પહેરાવી અને મીઠાઈ આપી ઉષ્માભર્યું સ્વાગત કરવામાં આવ્યું હતું. કાર્યક્રમ દરમિયાન દીકરીઓના શિક્ષણના મહત્વ અંગે માર્ગદર્શન આપી વધુમાં વધુ બાળકોને શિક્ષણ સાથે જોડાવા અપીલ કરવામાં આવી હતી. આ પ્રસંગે ઉપસ્થિત મહાનુભાવો, શિક્ષકો, વાલીઓ અને ગ્રામજનો દ્વારા શિક્ષણના પ્રચાર-પ્રસાર માટે સંકલ્પ લેવામાં આવ્યો હતો. વક્તાઓએ ભારપૂર્વક જણાવ્યું હતું કે શિક્ષણ એ ઉજ્જવળ ભવિષ્યનો પાયો છે અને દરેક બાળકને ગુણવત્તાસભર શિક્ષણ મળે તે સુનિશ્ચિત કરવા સમાજે સહિયારા પ્રયાસો કરવા અત્યંત જરૂરી છે. આ સમગ્ર કાર્યક્રમમાં મોટી સંખ્યામાં વાલીઓ, વિદ્યાર્થીઓ અને ગ્રામજનો ઉત્સાહભર્યા અને આનંદમય વાતાવરણમાં ઉપસ્થિત રહ્યા હતા.

કચ્છના નખત્રાણાના છારીઢંઢ વિસ્તારમાં એક ચોંકાવનારો અને હૃદયદ્રાવક નજારો સામે આવ્યો છે, જ્યાં પાણીમાં લાખોની સંખ્યામાં માછલીઓ મૃત અવસ્થામાં તરી રહી છે, સડી રહી છે અને બગડી રહી છે. આ દ્રશ્ય જોઈને રૂંવાડા ઉભા થઈ જાય તેવું છે. આ ઘટના અંગે યાકુબ ભાઈ મુતવાએ સમગ્ર તંત્ર સમક્ષ એક ગંભીર સવાલ ઉઠાવી તેને હચમચાવી દીધું છે. યાકુબ ભાઈ મુતવાનો સીધો આક્ષેપ છે કે એક તરફ લાખો માછલીઓ પ્રકૃતિના બગાડને કારણે મરી રહી છે, તો બીજી તરફ આ જ માછલીઓને પકડવા માટે જે માછીમારો જાળ લઈને નીકળે છે, તેમના હાથને વનતંત્રએ 'બેડી' પહેરાવી દીધી છે. તેમણે આરોપ લગાવ્યો છે કે કાયદાનો ગલત ઉપયોગ કરીને માછીમારો પાસેથી સોગંદનામા લેવડાવવામાં આવ્યા છે. આના પરિણામ સ્વરૂપ, જે માછીમારો પેઢીઓથી દરિયાના ખારા પાણી સાથે સંકળાયેલા છે, તેઓ આજે પોતાના જ ઘરમાં અજાણ્યા બની ગયા છે. આ પરિસ્થિતિના કારણે બેવડો બગાડ થઈ રહ્યો છે: એક તરફ પ્રકૃતિનો નાશ થઈ રહ્યો છે જેમાં લાખો માછલીઓ નિરર્થક મરી રહી છે, અને બીજી તરફ માનવીય સંસાધનોનો પણ બગાડ થઈ રહ્યો છે કારણ કે સેંકડો પરિવારોના ચૂલા ઠંડા પડી ગયા છે. જે પિતા પોતાના બાળકો માટે રોટલો કમાવવા માછલી પકડવા જાય છે, તેને ગુનેગારની નજરે જોવામાં આવે છે. આથી, યાકુબ ભાઈ મુતવાએ પ્રશ્ન કર્યો છે કે જે માછલીઓ પકડ્યા વગર મરી રહી છે અને બગડી રહી છે, તેનો ગુનેગાર કોણ છે? યાકુબ ભાઈનો આ સવાલ છારીઢંઢના દરેક માછીમારના દિલનો અવાજ બની ગયો છે, અને તેમની એક જ માંગ છે કે કાયદાના બહાને તેમની રોજીરોટી છીનવી લેવામાં ન આવે.

પોલીસ મહાનિરીક્ષક ચિરાગ કોરડિયા, પૂર્વ કચ્છ પોલીસ અધિક્ષક સાગર બાગમાર અને નાયબ પોલીસ અધિક્ષક મુકેશ ચૌધરીના માર્ગદર્શન હેઠળ લોકલ ક્રાઇમ બ્રાન્ચ (LCB) પૂર્વ કચ્છ દ્વારા એક મોટી કાર્યવાહી કરવામાં આવી છે. આ કાર્યવાહીમાં અંજાર પોલીસ સ્ટેશન વિસ્તારના સાતાપર ગામે ચાલતી ડુપ્લિકેટ વિદેશી દારૂ બનાવવાની ફેક્ટરીનો પર્દાફાશ કરવામાં આવ્યો છે. LCB પોલીસ ઇન્સ્પેક્ટર જે.એમ. વાળા અને તેમની ટીમને મળેલી બાતમીના આધારે આ દરોડો પાડવામાં આવ્યો હતો. દરોડા દરમિયાન ફેક્ટરી સ્થળેથી નકલી વિદેશી દારૂ, ખાલી બોટલો, સ્ટીકરો, સીલિંગ મશીનો, કેમિકલ અને અન્ય જરૂરી સાધનો મળી આવ્યા હતા. પોલીસે આ સમગ્ર મુદ્દામાલ, જેની અંદાજિત કિંમત ₹8.79 લાખથી વધુ છે, તે જપ્ત કર્યો છે. આ કેસમાં પોલીસે સુનિલ શામજી માતા અને રમઝાન હમીરકાસમ જુણેજા નામના બે આરોપીઓની ધરપકડ કરી છે. જ્યારે કિશોર નાગજીભાઈ વ્યાસ અને રાજેશ ઉર્ફે રાજુ રઘુભાઈ પ્રજાપતિ નામના અન્ય બે આરોપીઓ હજુ ફરાર હોવાથી તેમને પકડવા માટે શોધખોળ ચાલુ છે. આ અંગે અંજાર પોલીસ સ્ટેશનમાં ગુનો દાખલ કરી આગળની તપાસ હાથ ધરવામાં આવી રહી છે. આ કામગીરી LCB પીઆઈ જે.એમ. વાળા, પીએસઆઈ ડી.જી. પટેલ અને LCB સ્ટાફ દ્વારા સફળતાપૂર્વક પાર પાડવામાં આવી હતી.

આદિપુર પોલીસે આહીર કૃષ્ણા નગર વિસ્તારમાં રાત્રિના સમયે થયેલી એક ઘરફોડ ચોરીનો સફળતાપૂર્વક ભેદ ઉકેલી નાખ્યો છે. પોલીસે ગણતરીની કલાકોમાં જ બે તસ્કરોને ગેરકાયદેસર હથિયાર અને ચોરી કરેલા મુદ્દામાલ સાથે ઝડપી પાડી, તેમની સક્રિયતા અને કાર્યક્ષમતા દર્શાવી છે. પૂર્વ કચ્છના એસપી સાગર બાગમાર અને ડીવાયએસપી મુકેશ ચૌધરીના માર્ગદર્શન હેઠળ, પીઆઈ એમ.સી.વાળા અને પીએસઆઈ આર.એમ.ડુવાની ટીમે જુમાપીર ફાટક નજીક વોચ ગોઠવી હતી. આ વોચ દરમિયાન પલ્સર બાઇક પર જઈ રહેલા અંજારના વર્ષામેડી ગામના જગદીશ જીવાભાઈ રાઠોડ અને વસંત રમેશ વારૈયાને ઝડપી લેવામાં આવ્યા. પોલીસે આરોપીઓ પાસેથી કુલ ₹8,62,335નો મુદ્દામાલ રિકવર કર્યો છે, જેમાં એક વિદેશી પિસ્ટલ, 26 જીવતા કારતૂસ, સોના-ચાંદીના ઘરેણાં, ત્રણ લેપટોપ, 11 મોબાઈલ ફોન અને રોલેક્સ-રાડો સહિતની 35 મોંઘી ઘડિયાળોનો સમાવેશ થાય છે. આરોપીઓએ પોલીસ પૂછપરછમાં કબૂલ્યું કે તેમણે આ સામાન આદિપુરના રામબાગ રોડ પર આવેલી એક હવેલીમાંથી ચોર્યો હતો. આ કબૂલાત બાદ પોલીસે ગુનો નોંધી વધુ તપાસ હાથ ધરી છે.